Монгол Улсын 2010 оны эдийн засгийн өсөлт, төсвийн орлого, зарлага, гадаад худалдаа, аж үйлдвэр, хөдөө аж ахуй, инфляц, мөнгөний нийлүүлэлт, банкны салбарын үзүүлэлтүүдийг шинжилсэн. АНУ, Их Британи, Австрали, Канад, Шинэ Зеланд, БНХАУ, ОХУ зэрэг улсын төв банкны бодлогын хүү, инфляцийн үзүүлэлтийг харьцуулсан. Эдийн засгийн сэргэлт, уул уурхайн салбарын өсөлт, банк, санхүүгийн нөхцөл байдлыг тодорхойлсон.

Монгол Улсын 2011 оны нэгдсэн төсвийн орлого, зарлага, татвар, татаас, шилжүүлэг, хөрөнгө оруулалтын бүтэц, төсвийн алдагдал болон макро эдийн засагт үзүүлэх нөлөөллийг шинжилсэн. Төсвийн зарлага, эдийн засгийн өсөлт, инфляц, ажилгүйдлийн харилцан хамаарлыг тооцож, уул уурхайн орлогын хамаарал, төсвийн тогтвортой байдал, зарцуулалтын үр ашгийг дээшлүүлэх асуудлаар дүгнэлт, зөвлөмж боловсруулсан. БНХАУ, ОХУ-ын хүнсний бүтээгдэхүүний үнийн өсөлтийн Монгол Улсын инфляцид үзүүлэх эрсдэлийг жишээлэн авч үзсэн.

Монгол Улсын 2010 оны III улирлын төсвийн орлого, зарлага, инфляц, мөнгөний нийлүүлэлт, гадаад худалдаа, аж үйлдвэр, хөдөө аж ахуй, эдийн засгийн өсөлтийн үзүүлэлтүүдийг шинжилсэн. АНУ, Австрали, ОХУ, БНХАУ, Япон, Их Британи, Франц, ХБНГУ, Чили зэрэг улсын инфляц, мөнгөний бодлогын холбогдох үзүүлэлтийг харьцуулсан. Эдийн засгийн сэргэлт, төсвийн тэнцэл, инфляцын өсөлт, гадаад худалдааны хандлага, уул уурхайн салбарын нөлөөллийг тодорхойлсон.

Монгол Улсын 2010 оны I улирлын инфляц, мөнгөний нийлүүлэлт, банкны зээл, улсын төсвийн орлого, зарлага, аж үйлдвэрийн үйлдвэрлэл, гадаад худалдаа, хөдөө аж ахуйн салбарын өөрчлөлтийг өмнөх онуудын үзүүлэлттэй харьцуулан шинжилсэн. Япон, Венесуэл, БНХАУ, ОХУ, АНУ, Канад, Швейцарь болон бусад улсын инфляц, төв банкны бодлогын хүү, гадаад валютын нөөцийн үзүүлэлтийг харьцуулсан мэдээлэл болгон ашигласан. Эдийн засгийн нөхцөл байдал, өсөлт, бууралтын хандлага, банк, санхүүгийн салбарын эрсдэлийг тодорхойлсон.

Парламентын ёс зүйн хяналтын дотоод, гадаад, хослуулсан зохицуулалтын загварыг тайлбарлаж, Польш, Ирланд, БНСУ, АНУ, Герман, Их Британи, Францын туршлагыг судалсан. Ёс зүйн хороо, комиссар болон холбогдох байгууллагын бүтэц, эрх хэмжээ, томилгоо, гомдол хянан шийдвэрлэх ажиллагаа, хариуцлага тооцох зохицуулалтыг танилцуулсан.

Ковид-19 цар тахал сонгууль, ард нийтийн санал асуулгын товд хэрхэн нөлөөлснийг 2020 оны 10 дугаар сарын 1-ний байдлаар тоймлосон. Цар тахлын үед сонгууль явуулсан, сонгуулиа хойшлуулсан болон оны сүүлийн гурван сард явуулахаар төлөвлөсөн улс, нутаг дэвсгэрийг ангилж, сонгуулийн төрөл, газар, анхны болон өөрчилсөн огноог нэгтгэсэн.

Хорват, Австри, Герман, АНУ-ын парламентын нэрэмжит шагналын зориулалт, олгох давтамж, урамшуулал, шалгаруулах байгууллагын талаар тоймлосон. Германы Бундестагийн Шинжлэх ухааны болон Парламентын хэвлэл, мэдээллийн шагналыг дэлгэрүүлж, нэр дэвшүүлэх бүтээл, оролцогчид тавих шаардлага, материал бүрдүүлэх нөхцөл, сонгон шалгаруулалтын зохион байгуулалтыг танилцуулсан.

Парламентын ажлын албаны даргын албан тушаалын нэршлийг 32 улсын мэдээллээр тоймлож, арван улсын ажлын албаны удирдлагын чиг үүргийг дэлгэрүүлэн танилцуулсан. Парламентын удирдлагад зөвлөх, хуралдааны бэлтгэл хангах, захиргаа, хүний нөөц, төсөв, өмч хөрөнгө удирдах, тэмдэглэл хөтлөх, байгууллага хоорондын харилцааг зохицуулах үүргийг харьцуулсан.

ОХУ-ын Төрийн Думын Тамгын газрын Хуулийн хэлтсээс хуулийн болон бусад шийдвэрийн төсөлд дүгнэлт гаргахтай холбоотой регламентын заалтуудыг нэгтгэсэн. Төслийн хууль тогтоомжид нийцэх байдал, хууль зүйн техник, хэл зүйн шинжилгээ, дүгнэлтийн агуулга, баталгаажуулалт болон хэлэлцүүлгийн үе шат бүрд дүгнэлт хавсаргах зохицуулалтыг танилцуулсан.

Герман, Дани, Исланд, ОХУ, БНСУ-ын парламентын чуулганы хугацаа, хуралдааны тов, хэлэлцэх асуудлын дарааллыг тогтоох туршлагыг судалсан. Хуулийн төсөл өргөн мэдүүлэх хугацаа, асуудлыг эрэмбэлэх зарчим, хуралдааны хөтөлбөр батлах субъект, долоо хоногийн төлөвлөлт болон нэгдсэн, хорооны хуралдааны цагийн зохион байгуулалтыг харьцуулсан.

Австрали, Герман, ОХУ, БНСУ, Япон, Сингапур, Франц, Болгар, Словакийн парламентын хуралдааны дэг зөрчсөн гишүүнд хариуцлага хүлээлгэх зохицуулалтыг харьцуулсан. Сануулах, үг хэлэх болон хуралдаанд оролцох эрхийг хасах, торгох зэрэг шийтгэлийн төрөл, ногдуулах үндэслэл, хугацаа, хэмжээ, шийдвэр гаргах субъект, үйлчлэх хүрээг судалсан.

Ковид-19 цар тахлын үед парламентын үйл ажиллагааг виртуал хэлбэрээр тасралтгүй явуулахтай холбоотой зөвлөмж, мэдээллийг танилцуулсан. Гишүүдийн оролцоо, төлөөлөл, хууль тогтоох болон хяналтын чиг үүрэг, хуралдааны шийдвэр, техникийн хэрэгцээ, тойрогтой харилцах ажиллагаа, ажлын албаны дэмжлэг, ажилтнуудын шинэ нөхцөлд ажиллах зохион байгуулалтыг авч үзсэн.

БНСУ-ын Үндэсний Ассамблейн Төсвийн албаны эрх зүйн үндэс, бүтэц, удирдлага, нэгжүүдийн чиг үүргийг танилцуулсан. Парламентад төсөв, татвар, эдийн засгийн шинжилгээ, хуулийн төслийн зардлын тооцоогоор дэмжлэг үзүүлэх ажиллагаа, NABOSTATS мэдээллийн систем, ажилтны томилгоо, тайлагнал, мэдээлэл авах эрхийн зохицуулалтыг авч үзсэн.

Монгол Улсын тагнуул, авлигатай тэмцэх, цагдаагийн байгууллагын хуулиар хүлээсэн чиг үүрэг, мөрдөн шалгах хэргийн харьяаллыг судалсан. Эрүүгийн процессын 2002, 2017 оны хуулийн зохицуулалтыг харьцуулж, Авлигатай тэмцэх газар болон цагдаагийн мөрдөн байцаах албаны бүтэц, орон тоо, үндсэн цалин, зэрэг дэв болон бусад нэмэгдлийн мэдээллийг нэгтгэсэн.

Австрали, БНСУ-ын парламентын ажлын албаны ажилтнуудын цалин хөлсний тогтолцоо, албан тушаалын ангилал, нэмэгдэл, урамшууллын зохицуулалтыг судалсан. Австралийн парламентын болон гүйцэтгэх засаглалын ажлын албаны цалингийн ангиллыг харьцуулж, БНСУ-ын Тамгын газар, гишүүний ажлын алба, судалгааны ажилтнуудын цалин, нэмэгдлийн төрөл, хэмжээг танилцуулсан.

УИХ-ын даргын зарим байгууллагын удирдах албан тушаалтныг томилуулах санал гаргах, нэр дэвшүүлэх болон өөрийн зөвлөхийг томилохтой холбоотой бүрэн эрхийг нэгтгэсэн. Судалгаанд ашигласан найман хуулийн хүрээнд Монголбанк, УИХ-ын Тамгын газар, аудит, хүний эрх, сонгууль, статистик, санхүүгийн зохицуулалт болон Ирээдүйн өв сантай холбоотой заалтуудыг танилцуулсан.