Монгол Улсын хүн амын өсөлт, нас, хүйсийн бүтэц, төрөлт, нас баралт, шилжих хөдөлгөөн, хүний хөгжлийн үзүүлэлт, хүн ам зүйн бодлогын хэрэгжилт, тулгамдсан асуудлыг шинжилсэн. ОХУ, Швед, Франц, Итали, Бельгийн хүн амын өсөлтийг дэмжих бодлого, АНУ, Австрали, ХБНГУ, БНХАУ, Казахстаны иргэний харьяалал, шилжих хөдөлгөөний эрх зүйн зохицуулалтыг харьцуулсан. Хүн амын өсөлтийг дэмжих, хүний хөгжлийг хангах, гадаад, дотоод шилжих хөдөлгөөнийг зохицуулах бодлогын санал, зөвлөмж боловсруулсан.

Монгол Улсын дотоод шилжих хөдөлгөөнөөс үүдэн Улаанбаатар хотын хүн амын төвлөрөл, сургууль, эмнэлэг, нийтийн тээвэр, инженерийн дэд бүтэц, байгаль орчинд бий болсон хүндрэл, сөрөг нөлөөллийг статистик мэдээлэлд тулгуурлан шинжилсэн. Вьетнам, Индонез, Куба, БНХАУ-ын шилжих хөдөлгөөнийг хязгаарлах бодлого, Мексик, БНСУ-ын шилжих хөдөлгөөнийг удирдан чиглүүлэх туршлагыг авч үзсэн. Бүс нутгийн тэнцвэртэй хөгжлийг хангах, дагуул хот, эдийн засгийн төвүүдийг хөгжүүлэх, орон нутагт ажлын байр нэмэгдүүлэх бодлогын хувилбарыг дэвшүүлсэн.

Нэг танхимтай хууль тогтоох байгууллага бүхий улс, нутаг дэвсгэрийн хүн ам, гишүүдийн тоо, нэг гишүүний төлөөлөх иргэдийн тоог нэгтгэсэн. Нэг гишүүнд ногдох хүн амын хэмжээгээр найман бүлэгт ангилж, улс тус бүрийн үзүүлэлтийг хүснэгтээр харуулсан.

Монгол Улсын аймгийн төв хотуудын үүсэл, хөгжлийн түүхэн үе шат, хүн амын төвлөрөл, нийгэм, эдийн засгийн өөрчлөлтийг авч үзсэн. Дархан, Чойбалсан, Ховд, Эрдэнэт, Цэцэрлэг хотуудын хөгжлийн нөхцөл, дэд бүтцийн хүртээмж, санхүүгийн бие даасан байдал, удирдлагын тогтолцоог харьцуулж, хотуудын хөгжилд тулгамдсан асуудлыг тодорхойлсон.

Дэлхийн хотжилтын чиг хандлага, хотын хөгжлийн бодлого, хүн амын төвлөрөл, байгаль орчны хамгаалалт, хотын эдийн засаг, санхүүгийн бие даасан байдлыг авч үзсэн. БНХАУ, Тайвань, Япон, БНСУ, Турк улсын хотын ангилал, байгуулах шалгуур, засаг захиргааны бүтэц, эрх зүйн зохицуулалтыг харьцуулж, Монгол Улсын хотжилтын бодлого, бүсчилсэн хөгжлийн төлөвлөлтөд анхаарах асуудлыг тодорхойлсон.

Монгол Улсын хот, тосгоны хөгжлийн бодлого, бүсчилсэн хөгжлийн төлөвлөлт, хүн амын төвлөрөл, засаг захиргаа, нутаг дэвсгэрийн зохион байгуулалт болон холбогдох эрх зүйн зохицуулалтыг авч үзсэн. Орон нутгийн эдийн засаг, санхүүгийн бие даасан байдал, хот, хөдөөгийн хөгжлийн ялгаанд тулгамдсан асуудлыг шинжилж, засаг захиргааны нэгжийг оновчтой зохион байгуулах, төсөв, санхүүгийн эрх мэдлийг нэмэгдүүлэх шаардлагыг тодорхойлсон.

Орон сууцны санхүүжилтийн бодлогыг хэрэгжүүлэх арга хэрэгсэл, татаас, хөнгөлөлтийн хэлбэрүүд болон тэдгээрийн давуу, сул талыг авч үзсэн. АНУ, БНСУ, Сингапур, ОХУ, Японы зорилтот бүлгийн иргэдийг орон сууцаар хангах тогтолцоо, төрийн болон орон нутгийн байгууллагын оролцоог судалсан. Төрийн орон сууцны байгууллагын бүтэц, санхүүжилтийн эх үүсвэр, түрээсийн орон сууцны сан бүрдүүлэх, ашиглах зохицуулалтыг танилцуулсан.

Монгол Улсын орон нутгийн нийгэм, эдийн засгийн хөгжлийн түвшин, бүс нутгийн хөгжлийн ялгаа, хотжилт, хүн амын суурьшил болон бүсчлэн хөгжүүлэх шаардлагыг авч үзсэн. БНХАУ, Тайвань, Япон, Туркын нутаг дэвсгэрийн ангилал, хот, суурин газрын хөгжлийн шалгуур үзүүлэлтийг харьцуулж, Монгол Улсын аймаг, бүс нутгийн хөгжлийн түвшнийг статистик мэдээлэлд тулгуурлан үнэлсэн. Мөн бүсчилсэн хөгжлийн бодлого, эрх зүйн зохицуулалт, хөгжлийн индекс, шалгуур үзүүлэлтүүдийг шинжилж, орон нутгийн эдийн засгийн бие даасан байдлыг хангах, хөгжлийн бичил бүсийг тогтоох, хүн амын суурьшлыг тогтворжуулах санал, дүгнэлт боловсруулсан.

Монгол Улсын бүс нутгийн хөгжлийн түвшин, эдийн засаг, нийгмийн ялгаа, төвөөс алслагдсан байдал, дэд бүтэц, байгаль цаг уурын нөхцөлийг харьцуулан судалсан. Мөн ОХУ, Канад, Казахстаны бүсийн нэмэгдлийн зохицуулалтын туршлагыг шинжилж, санхүүгийн дэмжлэг шаардлагатай Баруун бүсийн 4 аймгийн 9 сумыг бичил бүсээр тодорхойлон, бүсийн нэмэгдэл олгох шалгуур, хэлбэрийг боловсронгуй болгох санал, зөвлөмж боловсруулсан бодлогын судалгаа юм.

Мэргэжлийн хяналтын тогтолцооны өнөөгийн нөхцөл байдал, чиг хандлага, цаашид сайжруулах санал, байр суурь, мэргэжлийн хяналтын чиг үүргийг салбарт нь шилжүүлснээр бий болсон үр дагавар/үр нөлөө, мэргэжлийн хяналтын нэгдсэн тогтолцоог бүрдүүлснээр гарах үр дүн, салбарын хяналтын хэлбэрээр ажиллуулах, тулгамдсан асуудал болон цаашид хэрэгжүүлэх боломжит хувилбарыг судлах, бүтэц, зохион байгуулалтын тогтолцоог боловсронгуй болгох дүгнэлт, санал боловсруулах зорилгоор энэхүү тандалт судалгааг хийв

СЭДЭВ: УЛААНБААТАРААС БАРУУН ТАВАН АЙМГИЙН ЗАМ ДАГУУХ ҮЙЛЧИЛГЭЭНИЙ ГАЗРУУДЫГ НЭМЭГДҮҮЛЭХ БОЛОМЖИЙН СУДАЛГАА ИЛТГЭГЧ: Н.МИШЭЭЛ

СЭДЭВ: УЛААНБААТАРААС БАРУУН ТАВАН АЙМГИЙН ЗАМ ДАГУУХ ҮЙЛЧИЛГЭЭНИЙ ГАЗРУУДЫГ НЭМЭГДҮҮЛЭХ БОЛОМЖИЙН СУДАЛГАА ИЛТГЭГЧ: Н.МИШЭЭЛ

СЭДЭВ: УЛААНБААТАРААС БАРУУН ТАВАН АЙМГИЙН ЗАМ ДАГУУХ ҮЙЛЧИЛГЭЭНИЙ ГАЗРУУДЫГ НЭМЭГДҮҮЛЭХ БОЛОМЖИЙН СУДАЛГАА ИЛТГЭГЧ: Н.МИШЭЭЛ

1/116 БҮГД НАЙРАМДАХ ХЯТАД АРД УЛСЫН ӨВӨР МОНГОЛЫН ӨӨРТӨӨ ЗАСАХ ОРНЫ НИЙГЭМ, ЭДИЙН ЗАСГИЙГ ХӨГЖҮҮЛЭХ АРВАН ТАВ ДУГААР ТАВАН ЖИЛИЙН ТӨЛӨВЛӨГӨӨНИЙ ОРЧУУЛГА ГХЯ

1/116 БҮГД НАЙРАМДАХ ХЯТАД АРД УЛСЫН ӨВӨР МОНГОЛЫН ӨӨРТӨӨ ЗАСАХ ОРНЫ НИЙГЭМ, ЭДИЙН ЗАСГИЙГ ХӨГЖҮҮЛЭХ АРВАН ТАВ ДУГААР ТАВАН ЖИЛИЙН ТӨЛӨВЛӨГӨӨНИЙ ОРЧУУЛГА ГХЯ

Нийслэлийн хөрсний хүнд металлын бохирдлыг тогтоох