Хайлтын үр дүн

124 илэрц олдлоо.

/ 2025 он

Монгол Улсын Их Хурлын 2024–2028 оны стратеги төлөвлөгөөний хэрэгжилтийг үнэлэх суурь түвшнийг тодорхойлсон. Улсын Их Хурлын үйл ажиллагааны ерөнхий үнэлгээ, олон нийтийн оролцоог хангах байдал, хууль санаачлах, хууль тогтоомжийн хэрэгжилтэд хяналт тавих, гишүүний төлөөллийн чиг үүрэг, нийгэм, эдийн засгийн нөхцөл байдлыг шинжилсэн. Дөрвөн аймаг болон нийслэлийн сонгосон дүүргүүдэд 1,522 иргэнийг асуулгад хамруулж, долоон удаагийн фокус бүлгийн ярилцлагын мэдээлэлд үндэслэн үнэлгээ, хамаарлын шинжилгээ хийсэн

/ 2025 он

Монгол Улсын Их Хурал, Засгийн газрын үйл ажиллагаа болон Улсын Их Хуралд суудалтай МАН, АН, ХҮН нам, Үндэсний эвсэл, ИЗНН-ын талаарх иргэдийн үнэлгээ, хүлээлтийг тодорхойлсон. Улаанбаатар хотын дөрвөн дүүрэг, Дорнод, Хөвсгөл, Өвөрхангай, Ховд аймгийн нийт 124 иргэнийг фокус бүлгийн ярилцлагад хамруулж, 2024 оны сонгуулийн үр дүн, 126 гишүүнтэй парламентын үйл ажиллагаа, улс төрийн намуудын удирдлага, 2027 оны Ерөнхийлөгчийн сонгуулийн талаарх оролцогчдын тухайн үеийн байр суурийг шинжилсэн

/ 2025 он

АНУ, ХБНГУ, БНСУ, Франц, Японы төрийн шагнал, одон, медалийн эрх зүйн зохицуулалт, шагналын төрөл, олгох шалгуур, эрх бүхий байгууллага, журам, хяналт, маргаан шийдвэрлэх тогтолцоог харьцуулсан. Шагнал олгоход зарцуулах төсвийн эх үүсвэр, санхүүжилтийн хэлбэр, зардлын бүтэц, ил тод байдлыг судалж, улс орнуудын шагналын тогтолцооны нийтлэг болон онцлог зохицуулалтыг нэгтгэсэн

/ 2025 он

Монгол Улсын Их Хурал дахь намын бүлгийн гишүүний үйл ажиллагааг үнэлэх аргачлалын санал боловсруулсан. Хууль тогтоох болон хянан шалгах үйл ажиллагаа, хуралдааны ирц, ёс зүй, ил тод байдал, иргэдийн үнэлгээ, намын бодлого, гадаад харилцаа, оноо бууруулах шалгуурыг тусгаж, Тайванийн Citizen Congress Watch байгууллагын үнэлгээ болон АНУ-ын их сургуулиудын боловсруулсан Legislative Effective Score аргачлалын туршлагыг ашигласан

/ 2025 он

БНСУ, ХБНГУ, Эстони, Швейцарын хууль тогтоох үйл ажиллагаанд иргэдийн санал, санаачилгыг тусгах, эргэн мэдээлэх эрх зүйн зохицуулалтыг харьцуулсан. Хуулийн төслийг өргөн мэдүүлэхийн өмнөх болон парламентын хэлэлцүүлгийн үе шатанд иргэдээс санал авах хэлбэр, тавигдах шаардлага, иргэний нийгмийн байгууллага, мэргэжлийн холбоодын оролцоо, саналыг хуулийн төсөлд тусгасан эсэхийг эргэн мэдээлэх хугацаа, хэлбэр, олон нийтийн оролцооны үнэлгээг судалсан

/ 2025 он

Монгол Улсын улс төрийн санхүүжилт, сонгогчдын санал худалдан авах үйлдлийг хориглох хууль тогтоомжийн зохицуулалт, зохицуулагдаагүй асуудлыг шинжилсэн. Улс төрийн санхүүжилтийн чиглэлээр БНСУ, Япон, Францын, санал худалдан авалтыг хориглох чиглэлээр Бразил, Канад, Эстонийн эрх зүйн зохицуулалтыг харьцуулж, санхүүжилтийн эх үүсвэр, хяналт, хязгаарлалт, хариуцлагын асуудлыг судалсан

/ 2025 он

Эстони, Итали, Словени, Финланд, БНСУ, БНХАУ, Казахстан, Ирланд, Бразилын төрийн үйлчилгээний процессыг шинэчилсэн туршлагыг харьцуулсан. Цахим санал хураалт, тээврийн хэрэгслийн бүртгэл, хог хаягдлын менежмент, татварын тайлагнал, нийгмийн хамгаалал, замын хөдөлгөөн, хил гааль, газрын бүртгэл зэрэг үйлчилгээний шинэчлэлийн үр дүнг судалж, зардал, цаг хугацааны хэмнэлт, хүртээмж, үр нөлөө болон амжилтгүй хэрэгжсэн туршлагыг авч үзсэн

/ 2014 он

Парламентын судалгааны албадын эрх зүйн байдал, бүтэц, чиг үүрэг, үйл ажиллагааны зохицуулалтыг шинжилсэн. АНУ-ын Конгрессын судалгааны алба, Австралийн Парламентын номын сан, БНСУ-ын Үндэсний ассамблейн судалгааны алба, Японы Парламентын номын сангийн эрх зүйн зохицуулалтыг харьцуулж, Монгол Улсын Их Хурлын Тамгын газрын судалгааны албаны үйл ажиллагааг авч үзсэн

/ 2014 он

Төрийн удирдлагын онолын хөгжил, шинэчлэлийн зарчим, олон улсын чиг хандлагыг шинжилсэн. XX зууны сүүлч, XXI зууны эхэн үеийн төрийн удирдлагын шинэчлэл, сайн засаглал, цахим засаглал, ухаалаг төрийн үзэл баримтлалыг авч үзэж, Японы сайн засаглал, ХБНГУ, АНУ-ын ухаалаг төрийн туршлагыг харьцуулсан

/ 2013 он

Монгол Улсын Засгийн газрын тогтоол, шийдвэрийн төсөл боловсруулах, санал авах, хэлэлцэн батлах үе шат, зарцуулах хугацааг шинжилсэн. Яам, агентлагуудаас ирүүлсэн албан мэдээлэл, Засгийн газрын архивын баримтад тулгуурлан шийдвэр гаргах үйл явцын зураглал, хугацааны харьцуулалтыг боловсруулсан

/ 2013 он

БНСУ-ын Үндэсний ассамблейн бүтэц, хууль тогтоох үйл ажиллагаа, парламентын ажлын албадын зохион байгуулалтыг шинжилсэн. Тамгын газар, Төсвийн шинжилгээний алба, Үндэсний ассамблейн номын сан, Судалгааны албаны бүтэц, чиг үүрэг, эрх зүйн зохицуулалтыг танилцуулсан

/ 2013 он

Парламентын байнгын хороодын ажлын албаны бүтэц, чиг үүрэг, мэргэжил, арга зүй, зохион байгуулалтын дэмжлэгийг шинжилсэн. Швейцар, Нидерланд, Норвеги, Серби, Аргентин, Узбекистан, Австрали, Финланд, Шведийн парламентын ажлын албадын туршлагыг харьцуулсан

/ 2013 он

Улс төр, эдийн засгийн ашиг сонирхлын нөлөөлөл, олигархижсан засаглал үүсэх нөхцөл, үр дагавар, хязгаарлах арга замыг шинжилсэн. Японы улс төрийн намын санхүүжилтийн ил тод байдлыг хангах бодлого, ОХУ-ын төрийн албан тушаалтны ашиг сонирхлын хязгаарлалтын жишээ болон парламентын тогтолцооны мэдээллийг авч үзсэн

/ 2012 он

Улсын Их Хурлын Тамгын газрын Судалгааны төвийн үүсэл, хөгжил, бүтэц, чиг үүрэг, судалгааны бүтээгдэхүүн, хүний нөөц, санхүүжилтийн тогтолцоог шинжилсэн. АНУ, Австрали, Франц, Польш, Турк, Вьетнам, Филиппин, Лаос, БНСУ-ын парламентын судалгааны албадтай хамтран ажилласан туршлагыг авч үзэж, Судалгааны төвийн чадавхыг сайжруулах саналыг боловсруулсан

/ 2012 он

Дэлхийн 50 улсын парламентын судалгааны нэгжийн бүтэц, зохион байгуулалт, эрх зүйн байдал, чиг үүрэг, хүний нөөцийг харьцуулсан. АНУ, Австрали, Канад, Вьетнам, БНСУ, Япон, Австри, ОХУ зэрэг улсын туршлагыг судалж, судалгааны нэгжтэй 46 улсын 38 нь ажлын албаны дотоод бүтцэд, найм нь парламентын ажлын албатай ижил статустай байгааг тодорхойлсон

/ 2012 он

Улсын Их Хурлын Тамгын газрын хэлтэс, алба, Судалгааны төвийн чиг үүрэг, ажлын ачаалал, үйл ажиллагааны давхардал, зохион байгуулалтын үр ашгийг шинжилсэн. Бодлогын, зөвлөх үйлчилгээний болон техник, зохион байгуулалтын ажилбаруудыг ангилан, нэгжүүдийн чиг үүрэг, 2009–2010 оны ажлын гүйцэтгэлийн үзүүлэлтүүдэд дүн шинжилгээ хийсэн

Судалгаа