Монгол Улсын нүүрсний нөөц, олборлолт, экспортын хэмжээ, зах зээлийн эрэлт нийлүүлэлт, үнийн өөрчлөлт болон эдийн засагт үзүүлэх нөлөөллийг авч үзсэн. Дэлхийн нүүрсний зах зээлийн төлөв байдал, БНХАУ болон Зүүн хойд Азийн орнуудын эрэлт, АНУ, Австрали, Энэтхэг, БНХАУ, ОХУ-ын эрх зүйн зохицуулалтыг харьцуулж, Монгол Улсын нүүрсний экспортыг нэмэгдүүлэх, тээврийн дэд бүтцийг хөгжүүлэх, нүүрсийг гүн боловсруулж нэмүү өртөг шингэсэн бүтээгдэхүүн үйлдвэрлэх боломж, бодлогын шаардлагыг тодорхойлсон.

Япон, БНСУ, БНХАУ, ОХУ, Словенийн сургууль, цэцэрлэгийн хоол үйлдвэрлэл, үйлчилгээг зохицуулсан эрх зүйн орчныг судалж, Европын зарим орны туршлагыг тоймлосон. Сургуулийн хоолны удирдлага, зохион байгуулалт, санхүүжилт, хүнсний нийлүүлэлт, хяналт, хариуцлагын зохицуулалтыг авч үзсэн. Мөн хоолны эрүүл ахуй, шим тэжээл, хоол зүйч болон шим тэжээлийн багшийн үүрэг, хооллолтын боловсролын асуудлыг танилцуулсан.

Монгол Улсын бүсчилсэн хөгжил, сумдын дэд бүтцийн талаарх бодлогын баримт бичиг, өмнөх судалгаа, хөрөнгө оруулалт, бүтээн байгуулалтын мэдээллийг нэгтгэсэн. Авто зам, инженерийн байгууламж болон хэрэгжүүлж буй дэд бүтцийн төслүүдийг танилцуулсан. Мөн сүү, сүүн бүтээгдэхүүн, төмс, хүнсний ногоо, үр тарианы үйлдвэрлэл, ургац хураалтын статистикийг бүс, аймаг, өрх, аж ахуйн нэгжийн түвшнээр эмхэтгэн харуулсан.

Уул уурхайн салбар дахь гадаадын хөрөнгө оруулалтыг татах төрийн бодлого, эрх зүйн зохицуулалт, татварын тогтолцоо, хөрөнгө оруулалтын гэрээ болон санхүүжилтийн нөхцөлийг харьцуулан авч үзсэн. Австрали, АНУ, Франц, Канад, ӨАБНУ, Чили, Перу, ОХУ, Киргизстан зэрэг улсын уул уурхайн хөрөнгө оруулалтын бодлого, тусгай зөвшөөрөл, татварын хөнгөлөлт, тогтвортой байдлын гэрээний туршлагыг шинжилж, хөрөнгө оруулалтын таатай орчин бүрдүүлэхэд эрх зүйн тогтвортой байдал, ил тод засаглал, шударга хяналт болон байгаль орчны хамгаалалтын ач холбогдлыг тодорхойлсон.

Казахстаны газрын хэвлий ашиглах хууль тогтоомжийн хөгжлийг тоймлож, 2017 оны хуулийн зорилго, зарчим, үндсэн зохицуулалтыг танилцуулсан. 2010, 2017 оны хуулийг бүтэц, газрын хэвлий ашиглах эрх, ашиглагчийн эрх, үүрэг, төрийн байгууллагын тогтолцоо, удирдлагын хүрээнд харьцуулсан. Тусгай зөвшөөрөл, гэрээ, ашиглалтын нөхцөлийн тогтвортой байдал, геологийн мэдээллийн хүртээмж зэрэг өөрчлөлтийг авч үзсэн.

Өндөр технологийн хөгжлийн чиг хандлага, эдийн засгийн өсөлт, инноваци, үйлдвэрлэлийн өрсөлдөх чадварт үзүүлэх нөлөөлөл болон төрийн бодлого, зохицуулалтын онцлогийг авч үзсэн. АНУ, Их Британи, ХБНГУ, Япон, ОХУ-ын өндөр технологи, нанотехнологийг хөгжүүлэх стратеги, санхүүжилт, удирдлага, зохион байгуулалтын туршлагыг харьцуулж, Монгол Улсын шинжлэх ухаан, технологийн бодлого, хүний нөөц, судалгааны байгууллагуудын чадавх, төр, хувийн хэвшлийн хамтын ажиллагааг хөгжүүлэхэд анхаарах асуудлыг тодорхойлсон.

Казахстаны 2017 оны Татварын тухай хуульд тусгасан ашигт малтмалын нөөц ашигласны татварын хувь хэмжээг нэгтгэн танилцуулсан. Газрын тос, түүхий хий болон бусад ашигт малтмалын татварыг олборлолтын хэмжээ, бүтээгдэхүүний төрөл, дотоодын зах зээлд борлуулах нөхцөлөөр ялган харуулсан. Мөн эдгээр хувь хэмжээг 2008 оны хуулийн зохицуулалттай харьцуулсан.

АНУ, Израил, Финланд, БНХАУ, Сингапур, Нидерланд, Норвегийн оюуны өмчийн үнэлгээ, ашиглалт, эдийн засгийн эргэлтэд оруулахтай холбоотой эрх зүйн орчныг судалсан. Оюуны өмчийн үнэлгээнд хэрэглэдэг зардал, зах зээл, орлогод суурилсан аргачлалуудыг тайлбарласан. Зохиогчийн эрх, патент, барааны тэмдгийг ашиглах, бусдад шилжүүлэх, лицензийн гэрээ байгуулах болон эрхийг хамгаалах зохицуулалтыг авч үзсэн.

Монгол Улсын тамхины хэрэглээний тархалт, тамхин бүтээгдэхүүний дотоодын үйлдвэрлэл, импорт, зах зээлийн бүтэц, бүтээгдэхүүний чанар, стандарт болон төрийн хяналтын нөхцөл байдлыг авч үзсэн. Мөн тамхины хэрэглээг бууруулахад чиглэсэн хууль тогтоомж, татварын бодлого, зар сурталчилгааны хязгаарлалт, тэдгээрийн хэрэгжилтийг шинжилж, тамхины хяналтыг сайжруулах, хүүхэд, өсвөр үеийнхнийг тамхидалтаас урьдчилан сэргийлэх, хүн амын эрүүл мэндийг хамгаалах санал, зөвлөмж боловсруулсан.

ОХУ, БНСУ, Ирланд, Канадын түрээсийн харилцааг зохицуулсан хууль тогтоомжийг судалсан. Түрээсийн ерөнхий зохицуулалт болон эд хөрөнгө, орон сууц, барилга байгууламж, санхүүгийн түрээс зэрэг төрлүүдэд хамаарах тусгай зохицуулалтыг авч үзсэн. Түрээсийн гэрээний нөхцөл, талуудын эрх, үүрэг, төлбөр, бүртгэл, засвар үйлчилгээ, гэрээг дуусгавар болгох асуудлыг танилцуулсан.

Монгол Улсын гадаад, дотоодын хөрөнгө оруулалтын нөхцөл байдал, эрх зүйн зохицуулалт, хөрөнгө оруулагчдад үзүүлэх хөнгөлөлт, дэмжлэг болон бизнесийн орчны тулгамдсан асуудлыг авч үзсэн. БНХАУ, БНСУ, ОХУ-ын гадаадын хөрөнгө оруулалтын хууль тогтоомж, хөрөнгө оруулалттай аж ахуйн нэгжид тавих шаардлага, зохицуулалтын онцлогийг харьцуулж, Монгол Улсын гадаад, дотоодын хөрөнгө оруулагчдад эрх зүйн тэгш нөхцөл бүрдүүлэх, үндэсний хөрөнгө оруулалтыг дэмжих зохицуулалтыг боловсронгуй болгох шаардлагыг тодорхойлсон.

БНХАУ, Тайвань, ОХУ, Финланд, Нидерланд болон Европын холбооны нэмэгдсэн өртгийн албан татвар, түүний буцаан олголтын зохицуулалтыг авч үзсэн. Буцаан олголт авах нөхцөл, хүсэлт гаргах болон шийдвэрлэх хугацаа, илүү төлсөн татварыг дараагийн төлбөрт шилжүүлэн тооцох зэрэг асуудлыг танилцуулсан. Мөн НӨАТ-ын дэлхийн чиг хандлага, эдийн засгийн өсөлтөд үзүүлэх нөлөөний талаарх судалгааны мэдээллийг тоймлосон.

Австрали, Гүрж, Их Британи, БНСУ, Швед, Финландын төсвийн хяналт, шинжилгээний хараат бус байгууллагын эрх зүйн байдал, бүтэц, чиг үүргийг судалсан. Байгууллагын хараат бус байдал, удирдлага, хүний нөөц, санхүүжилт, мэдээлэл авах болон тайлагнах зохицуулалтыг авч үзсэн. Түүнчлэн Эдийн засгийн хамтын ажиллагаа, хөгжлийн байгууллагын гишүүн 26 улсын холбогдох байгууллагын мэдээллийг харьцуулан нэгтгэсэн.

Монгол Улсын хөрөнгийн үнэлгээний тогтолцоо, эдийн засаг, эрх зүйн орчин, үнэлгээний үйл ажиллагаанд тулгамдаж буй асуудлыг авч үзсэн. Улсын Их Хуралд өргөн барьсан Хөрөнгийн үнэлгээний тухай хуулийн төсөлд шинжилгээ хийж, ОХУ, Украин улсын эрх зүйн зохицуулалт болон АНУ, ХБНГУ, Их Британи, Израил, Малайз зэрэг улсын үнэлгээний мэргэжлийн байгууллагуудын туршлагыг харьцуулан, хөрөнгийн үнэлгээний эрх зүйн орчин, мэргэжлийн стандарт, хяналт, зохицуулалтыг боловсронгуй болгох санал, дүгнэлт боловсруулсан.

Уул уурхайн орлогоос санхүүждэг дэлхийн 35 баялгийн сангийн хөрөнгийн эх үүсвэр, удирдлага, хөрөнгө оруулалтын бодлого, зарцуулалт, хяналт болон ил тод байдлын зарчмыг харьцуулан авч үзсэн. АНУ-ын Аляска, Чили, Норвеги, Казахстан зэрэг улсын баялгийн сангийн үйл ажиллагаа, эрх зүйн зохицуулалт, хуримтлал, тогтворжуулалтын тогтолцоог шинжилж, Монгол Улсад тохирох баялгийн сангийн удирдлага, санхүүгийн бие даасан байдал, хяналтын механизмыг бүрдүүлэхэд анхаарах асуудлыг тодорхойлсон.

Төрийн өмчит болон төрийн өмчийн оролцоотой банкны хэрэгцээ шаардлага, эдийн засагт гүйцэтгэх үүрэг, үйл ажиллагааны онцлогийг авч үзсэн. ОХУ, БНХАУ, ХБНГУ, Казахстан, Япон, Бразил, Тайланд, БНСУ, Канад, Австралийн төрийн мэдлийн банкуудын үйл ажиллагаа, эрх зүйн зохицуулалтыг судалсан. Мөн гадаадын болон төрийн өмчит банкуудын банкны салбарт эзлэх байр суурийг харуулсан статистик мэдээллийг хавсаргасан.