Дэлхийн 50 орчим улсын парламентын мэдээллийн технологийн албаны бүтэц, чиг үүрэг, цахим мэдээллийн систем, автоматжуулалтын зохион байгуулалтыг шинжилсэн. Норвеги, Нидерланд, ХБНГУ-ын парламентын бүтцийг харьцуулж, Энэтхэгийн мэдээллийн автоматжуулалтын туршлагад тулгуурлан Монгол Улсын Их Хурлын Тамгын газрын мэдээллийн технологийн үйл ажиллагааг сайжруулах санал боловсруулсан

Дэлхийн 47 улсын парламентын судалгаа, архив, номын сангийн нэгжийн бүтэц, чиг үүрэг, орон тоо, судалгааны захиалга гүйцэтгэх журмыг харьцуулсан. АНУ, Австрали, Канад, Япон, БНСУ, Сингапур, Вьетнам, Эстони зэрэг улсын туршлагыг Монгол Улсын Их Хурлын Тамгын газрын холбогдох нэгжүүдийн үйл ажиллагаатай харьцуулсан

Парламентын үйл ажиллагааг олон нийтэд мэдээлэх, иргэдтэй харилцах, парламентын боловсрол олгох нэгжүүдийн бүтэц, чиг үүргийг харьцуулсан. Австри, ХБНГУ, Турк, Эстони, Украин, АНУ, Канад, Австрали болон бусад улсын парламентын хэвлэл мэдээлэл, радио, телевиз, олон нийттэй харилцах албаны зохион байгуулалтыг шинжилсэн

Монгол Улсын парламентын үйл ажиллагаанд иргэд, иргэний нийгмийн байгууллагын оролцоо, мэдээллийн ил тод байдал, парламентын хариуцлага, олон нийтийн итгэлийн асуудлыг шинжилсэн. Иргэдийн өргөдөл, гомдол, иргэний хөдөлгөөн, олон нийтийн санал асуулгын мэдээллийг авч үзэж, хууль тогтоох болон бодлого боловсруулах үйл ажиллагаанд иргэдийн оролцоог нэмэгдүүлэх арга замыг тодорхойлсон

Парламентын хууль тогтоох үйл ажиллагааны үе шат, ажлын албаны бүтэц, чиг үүрэг, хуулийн төсөл боловсруулах, хэлэлцэх, батлахад үзүүлэх мэргэшсэн үйлчилгээг шинжилсэн. Дэлхийн 50 орчим улсын парламентын ажлын албаны судалгаанд тулгуурлан Япон, АНУ, Чили, Нидерланд, Узбекистан, Австри, ОХУ, Серби, Норвеги зэрэг улсын туршлагыг Монгол Улсын Их Хурлын Тамгын газрын үйл ажиллагаатай харьцуулсан

Монгол Улсын Их Хурлын хяналт, шалгалтын бүрэн эрх, ажлын албанаас үзүүлэх мэргэжлийн үйлчилгээ, хяналтын ажлын хэсгүүдийн үйл ажиллагаа, үр дүнг шинжилсэн. Их Британи, ХБНГУ, Дани, Испани, Итали, Франц, Швед, АНУ, Японы парламентын хяналт, мөрдөн шалгах ажиллагаа, ажлын албаны дэмжлэгийн зохицуулалтыг харьцуулсан

Монгол Улсын Их Хурлын Тамгын газрын эрх зүйн байдал, бүтэц, чиг үүрэг, үйл ажиллагааг зохицуулсан хууль тогтоомж, эрх зүйн актуудыг системчилсэн. Судалгааны үеийн 17 хууль, Улсын Их Хурал, Засгийн газар, Төрийн албаны зөвлөл болон бусад эрх бүхий байгууллагын шийдвэрийг хамарсан нийт 74 эрх зүйн баримт бичгийг ангилан нэгтгэсэн

Монгол Улсын Их Хурлын Тамгын газар болон дэлхийн 50 орчим улсын парламентын ажлын албаны бүтэц, зохион байгуулалт, эрх зүйн байдал, чиг үүргийг харьцуулсан. Австрали, Турк, Энэтхэг, АНУ, Канад, Кабо-Верде, Австри, Норвеги, Серби зэрэг улсын парламентын ажлын албаны туршлагыг авч үзэж, мэргэшсэн үйлчилгээний зохион байгуулалтын онцлогийг тодорхойлсон

Дэлхийн эмэгтэйчүүдийн улс төрийн оролцоог дэмжих арга механизм, жендэрийн квотын төрөл, эрх зүйн зохицуулалт, хэрэгжилтийн үр дүнг шинжилсэн. Руанда, Уганда, Танзани, Кени, Швед, Франц, Бангладеш зэрэг улсын туршлага, нийт 80 улсын квотын зохицуулалт, эмэгтэй улс төрчдийн манлайлал, тулгамдсан асуудлыг харьцуулсан

Унитар тогтолцоотой 70 улсын парламентын гишүүдийн тоо, бүрэн эрхийн хугацаа, хүн амын төлөөллийн харьцааг шинжилсэн. БНХАУ, Эстони, Босни ба Херцеговин, Тажикистан зэрэг улсын жишээ, нэгээс таван сая хүн амтай 20 улсын парламентын бүрэлдэхүүн болон унитар 20 улсын орон нутгийн сонгуулийн зохицуулалтыг харьцуулсан

Сонгуулийн холимог тогтолцооны хэлбэр, сонгогч нэр дэвшигчид, улс төрийн намд болон намын нэрсийн жагсаалтад санал өгөх хувилбаруудыг шинжилсэн. ХБНГУ, Шинэ Зеланд, Япон, Филиппин, БНСУ, Мексик, Литва, Унгар зэрэг 24 улсын сонгуулийн зохицуулалтыг харьцуулж, санал өгөх хэлбэр, тойргийн бүтэц, суудал хуваарилах тогтолцооны онцлогийг тодорхойлсон

Монгол Улсад парламентын болон орон нутгийн сонгуулийг хамтад нь зохион байгуулах эрх зүйн боломж, эдийн засгийн үр ашиг, зохион байгуулалтын хүндрэл, давуу болон сул талыг шинжилсэн. Филиппин, Болгар, Индонез, Тайвань, АНУ, Австралийн сонгуулийг зэрэг явуулах туршлага болон унитар тогтолцоотой 20 улсын сонгуулийн зохицуулалтыг харьцуулсан

Гадаадын 33 улсын залуучуудын хөгжлийг дэмжих, эрхийг хамгаалах үндэсний хууль, бодлого, төлөвлөгөөний мэдээллийг нэгтгэсэн. Залуучуудын асуудлыг зохицуулах тусгай хууль байгаа эсэх, бодлогын баримт бичиг болон хэрэгжүүлэх үндэсний тогтолцоог улс тус бүрээр хүснэгтлэн танилцуулсан.

Төрийн зарим чиг үүргийг хувийн хэвшлээр гүйцэтгүүлэх зохицуулалт, төр, хувийн хэвшлийн түншлэлийн давуу, сул талыг судалсан. Төрийн өмчит хуулийн этгээдийн өрсөлдөөний зарчмын гадаад туршлага болон Монголын төрийн өмчит, оролцоотой байгууллагын мэдээллийг нэгтгэсэн.

Монголын хог хаягдал, эрчим хүч, үйлдвэрлэл, технологийн парктай холбоотой эрх зүйн зохицуулалтыг нэгтгэсэн. Холбогдох хууль, захиргааны хэм хэмжээний акт, батлагдсан болон батлагдах дүрэм, журмын мэдээллийг салбар тус бүрээр жагсааж, лавлагаа хэлбэрээр бэлтгэсэн.

Их Британи, Канад, БНСУ-ын парламентын гишүүдэд ажлын өрөө хуваарилах журам, зохион байгуулалтын туршлагыг нэгтгэсэн. Парламентын ажлын алба, намын бүлгийн оролцоо, шийдвэр гаргах болон өрөөний хуваарилалтыг хэрэгжүүлэх үүргийн хуваарийг танилцуулсан. СТ-410.pdf