Монгол Улсад үйл ажиллагаа явуулж байсан төрийн болон төрийн бус судалгааны байгууллага, эрдэм шинжилгээний хүрээлэн, их, дээд сургуулийн судалгааны нэгжүүд, тэдгээрийн мэдээллийн санг нэгтгэн шинжилсэн. Судалгааны үеийн 100 гаруй байгууллага, нэгжийн мэдээлэлд тулгуурлан судалгааны бүтээл, мэдээллийн санг Улсын Их Хурлын хууль тогтоох, шийдвэр гаргах үйл ажиллагаанд ашиглах боломжийг авч үзсэн

Парламентын судалгааны албадын эрх зүйн байдал, бүтэц, чиг үүрэг, үйл ажиллагааны зохицуулалтыг шинжилсэн. АНУ-ын Конгрессын судалгааны алба, Австралийн Парламентын номын сан, БНСУ-ын Үндэсний ассамблейн судалгааны алба, Японы Парламентын номын сангийн эрх зүйн зохицуулалтыг харьцуулж, Монгол Улсын Их Хурлын Тамгын газрын судалгааны албаны үйл ажиллагааг авч үзсэн

Засгийн газрын бүтэц, чиг үүрэг, зохион байгуулалтын онолын үндэс, олон улсын өөрчлөлтийн чиг хандлагыг шинжилсэн. Монгол Улсын Засгийн газрын 1992 оноос хойших бүтэц, яамдын зохион байгуулалт, чиг үүргийн өөрчлөлтийг түүхчлэн авч үзэж, 2005 оноос хойших Засгийн газрын үйл ажиллагааны талаарх олон нийтийн санал асуулгын өмнөх үр дүнг нэгтгэсэн

Монгол Улсын 2011 онд шинэчлэн баталсан Гадаад бодлогын үзэл баримтлалын хэрэгжилтийг тоймлон шинжилсэн. Улс төр, эдийн засаг, шинжлэх ухаан, технологи, соёл, хүмүүнлэгийн гадаад харилцаа, гадаадад байгаа иргэдийн эрх ашгийг хамгаалах, олон улсын байгууллагуудтай хамтран ажиллах чиглэлээр судалгааны үеийн хэрэгжилтийн мэдээллийг нэгтгэсэн

Монгол Улсын нэгдэн орсон олон улсын гэрээг үндэсний хууль тогтоомжид тусгах, хэрэглэх, хэрэгжилтийг хангах эрх зүйн зохицуулалтыг шинжилсэн. Олон улсын гэрээ ба дотоодын хууль тогтоомжийн харилцан хамаарлын монист, дуалист онол, олон улсын хандлага, Монгол Улсын хууль тогтоомжийн зохицуулалтыг авч үзсэн

Гадаадын хөрөнгө оруулагч, бизнес эрхлэгчдэд виз олгох нөхцөл, хөрөнгө оруулалтын хэмжээ, шалгуур, оршин суух зөвшөөрөл, бизнес эрхлэх боломжийг шинжилсэн. Монгол Улсын визийн зохицуулалтыг АНУ, Казахстаны хөрөнгө оруулагчийн визийн тогтолцоо, эрх зүйн шаардлагатай харьцуулсан

Үндсэн хуулийн хяналтын байгууллагын эрх хэмжээ, маргаан хянан шийдвэрлэх ажиллагааны журам, шүүхэд хандах эрх, шийдвэрийн эрх зүйн үр дагаврыг шинжилсэн. Австри, Словени, Латвийн Үндсэн хуулийн шүүхийн эрх зүйн зохицуулалт, Үндсэн хуулийн хяналтын тогтолцооны онцлогийг харьцуулсан

Иргэдээс өргөдөл, гомдол хүлээн авах, бүртгэх, шийдвэрлэх, төрийн байгууллагуудын хооронд мэдээлэл солилцох нэгдсэн тогтолцоо болон мэдээллийн нууцлалыг хамгаалах зохицуулалтыг шинжилсэн. Энэтхэг, Украин, Австрали, Канад, Казахстаны эрх зүйн орчин, өргөдөл, гомдлын удирдлага, хяналт-шинжилгээний тогтолцоог харьцуулсан

Төрийн удирдлагын онолын хөгжил, шинэчлэлийн зарчим, олон улсын чиг хандлагыг шинжилсэн. XX зууны сүүлч, XXI зууны эхэн үеийн төрийн удирдлагын шинэчлэл, сайн засаглал, цахим засаглал, ухаалаг төрийн үзэл баримтлалыг авч үзэж, Японы сайн засаглал, ХБНГУ, АНУ-ын ухаалаг төрийн туршлагыг харьцуулсан

Уурхайчдын хөдөлмөрийн онцлог, хүнд хортой нөхцөлд ажиллагсдын нийгмийн хамгаалал, эрт тэтгэвэр тогтоолгох нөхцөл, тэтгэврийн нэмэгдэл, холбогдох эрх зүйн зохицуулалтыг шинжилсэн. ХБНГУ, ОХУ, Казахстаны уурхайчдын тэтгэврийн тогтолцоо, нийгмийн баталгааны туршлагыг харьцуулсан

Дэлхийн улс орнуудын нийгмийн даатгал, тэтгэврийн хуримтлалын тогтолцоо, тэтгэврийн зардлын ДНБ-д эзлэх хувь, нийгмийн хамгааллын төсвийн зардлыг шинжилсэн. Польш, Казахстан, Чили, Аргентин, Перу, Колумб зэрэг улсын тэтгэврийн шинэчлэлийн туршлага, дэлхийн бүс нутгуудын тэтгэврийн тогтолцоог харьцуулж, Монгол Улсын нийгмийн хамгааллын зардлын өөрчлөлтийг авч үзсэн

Унадаг дугуйгаар замын хөдөлгөөнд оролцох эрх, үүрэг, дугуйн замын төрөл, стандарт, дэд бүтцийн төлөвлөлт, хөдөлгөөний аюулгүй байдлыг шинжилсэн. Монгол Улсын эрх зүйн зохицуулалт, MNS 5683:2006 стандарт, Замын хөдөлгөөний тухай Венийн конвенцийг авч үзэж, ХБНГУ-ын дугуйн бодлого, Их Британийн зам төлөвлөлтийн шалгуур болон БНХАУ, Вьетнамын дугуйн хэрэглээний жишээг тусгасан

Соёлын биет болон биет бус өвийг хамгаалах, бүртгэх, үнэ цэнийг тодорхойлох, эдийн засгийн үнэлгээ хийх эрх зүйн зохицуулалтыг шинжилсэн. Австрали, Швейцар, Япон, Литвын туршлагыг харьцуулж, соёлын өвийн үнэлгээний шалгуур, олон улсын үнэлгээний стандарт, нөхөн төлбөрийн зохицуулалтыг авч үзсэн

Монгол Улсын 2013 оны хээлтэгч эх малын тоог аймаг, сум, малын төрлөөр ангилан нэгтгэсэн. Үнээ, сарлаг, хайнаг, эм хонь, эм ямааны сүүний гарц, саалийн хугацаа, тослогийн хэмжээ, сүү, сүүн бүтээгдэхүүний импорт, цагаан идээний дотоодын хэрэгцээний мэдээллийг шинжилсэн

Монгол Улс болон БНХАУ-ын 2015–2025 оны эрчим хүчний хэрэглээний төсөөлөл, Монгол Улсын импортын цахилгааны хэрэгцээ, худалдан авах зардлыг шинжилсэн. Монгол Улсын нар, салхи, усны эрчим хүчний нөөц, БНХАУ-д цахилгаан эрчим хүч экспортлох боломжийг авч үзсэн

Монгол Улс, БНХАУ-ын төмөр замын царигийн ялгаанаас үүдэн ашигт малтмалын экспортын бүтээгдэхүүнийг хилийн боомтод шилжүүлэн ачихад гарах зардлыг шинжилсэн. Нүүрс, төмрийн хүдэр, зэсийн баяжмалын экспортын таамаг хэмжээнд үндэслэн 2015–2025 оны шилжүүлэн ачилтын зардлын тойм тооцоог авч үзсэн