Судалгааны тайлбар: Нийслэлийн Засаг даргын 2021 оны 06 дугаар сарын 30 өдрийн А/524 дугаар захирамжийн дагуу "Нисэх" олон нийтийн төвийн техник эдийн засгийн үндэслэл, барилгажилтын төсөл боловсруулах ажлын гүйцэтгэгчээр “Хот төлөвлөлт, судалгааны институт” ОНӨААТҮГ шалгарч, НХААГ-21/175/4 дугаартай гэрээ, НХААГ-21/175/4-1 дугаартай сунгалтын гэрээг тус тус байгуулсан. Зөвлөх үйлчилгээний гэрээний дагуу “Нисэх” олон нийтийн төвийн техник эдийн засгийн үндэслэл, барилгажилтын төслийг хянаж 2022 оны 04 дүгээр сарын 28-ны өдөр Мэргэжлийн зөвлөлийн 13 дугаар хурлаар хэлэлцүүлж, эцсийн тайланг хүлээн авч, холбогдох санхүүжилтийг олгохоор шийдвэрлэсэн. Зөвлөх үйлчилгээний гэрээний дагуу эцсийн тайланд орон тооны бус экспертүүдийг томилуулан магадлалын нэгдсэн дүгнэлт гаргуулах хүсэлтийг 2022 оны 07 дугаар сарын 04-ний өдрийн 02/2535 дугаартай албан бичгээр Барилга, хот байгуулалтын яаманд хүргүүлсэн. Барилга, хот байгуулалтын Сайдын 2022 оны 12 дугаар сарын 14-ний өдрийн 251 дугаар тушаалаар "Хот төлөвлөлт, судалгааны институт"-ийн боловсруулсан Нисэх олон нийтийн төвийн техник эдийн засгийн үндэслэл, барилгажилтын төслийг хянаж экспертиз хийх орон тооны бус экспертүүдийн ажлын хэсгийг байгуулж зураг төслийг хянаж 2022 оны 12 дугаар сарын 22-ний өдрийн ЕД-2650/2022 дугаартай магадлалын нэгдсэн дүгнэлт гарсан. Улмаар дээрх ажлыг Нийслэлийн иргэдийн Төлөөлөгчдийн Хурлын 2024 оны 11-р сарын 15-ны өдрийн хурлаар хэлэлцүүлэн дэмжигдсэн болно.