Энэхүү судалгааны ажлын үр дүнгээс харахад “Геронтологийн төв”- өөр үйлчлүүлж буй ахмад настануудын дунд сэтгэл түгшилт болон стресс, гутралын байдал тодорхой хэмжээнд байгаа төдийгүй сэтгэл түгшилтийн байдал нь хамгийн өндөр хувьтай гарсан байна. Мөн эдгээр үр дүнгээс харахад боловсролын түвшин дээрхи судалгааны гурван шалгууртай сул урвуу харилцан хамааралтай гарсан байна. Харин нас дээрхи гурван шалгуур үзүүлэлттэй хэдийгээр урвуу харилцан хамааралтай гарсан хэдий ч стрессийн түвшинтэй бараг харилцан хамааралгүй байна. Энэ бүхнээс дүгнэж үзэхэд Монголын мянга мянган ахмад настны төлөөлөл болсон эдгээр хүмүүсээс авсан судалгааны үр дүн нь хэдийгээр бүх хүмүүсийг төлөөлж чадахгүй ч тодорхой хэмжээний хүмүүсийг төлөөлж байгаа. Ахмад настануудын сэтгэл түгшилтийн байдал өндөр байгаа болон стресс сэтгэл гутралын байдал байгаатай холбогдуулан ахмад настнуудад болон эдгээр сэтгэлзүйн асуудалд өртөх эрсдэлт бүлгийн ахмадуудад зориулсан сэтгэл түгшилтийг багасгах, сэтгэл гутрал , стрессийн сэтгэл засал эмчилгээ, сургалт , ахмад настануудын уулзалт зэрэг нийгэм болон хувь хүнд чиглэсэн үйл ажилгаануудыг холбогдох байгууллага олон нийтийн зүгээс зохион байгуулах хэрэгтэй гэсэн зөвлөмж дэвшүүлж байна.

Аймгийн хэмжээнд тодорхой газруудад агнуурын зарим хөхтөн амьтад (аргаль хонь, янгир ямаа, халиун буга, зэрлэг гахай) байршил нутагтаа тоо толгой өсөж, тогтворжих хандлагатай байгаа нь сайшаалтай боловч нийт нутаг дэвсгэрийн хэмжээнд нүүрлэж буй байгаль цаг уур, хүний шууд болон дам хүчин зүйлийн улмаас бүс нутгийн хөхтөн амьтны хэвийн тогтвортой байршил алдагдах, тоо толгой нь цөөрөх, тархац нутгийн зарим хэсэгт ховордон байхгүй болох зэргээр хөхтөн амьтдын элдэв хэлбэрт нөлөөлөх үйл ажиллагаа өдрөөс өдөрт эрчимжиж байна. Иймээс тус аймгийн агнуурын ач холбогдолтой амьтдын өнөөгийн тоо толгой, тархац байршил, нүүдэл шилжилтийн талаар судлаж, шинэ мэдээгээр баяжуулан цаашдын хамгааллын менежментэд ашиглах, ан агнуурын хуулинд заасны дагуу зарим хөхтөн амьтдын бодит нөөцөд тулгуурласан ашиглалтыг бий болгох зайлшгүй шаардлага бий болсон нь тус аймгийн агнуур зохион байгуулалтыг хийх гол үндэслэл болж байна.

Монгол хүн өдрийн 24 цагийн 51.0 хувийг зайлшгүй хувийн хэрэгцээндээ, 33.8 хувийг хөдөлмөр эрхлэхэд, 15.1 хувийг боловсрол болон чөлөөт цагтаа зарцуулж байна. Тодруулбал, 2023 оны байдлаар улсын дунджаар 12 ба түүнээс дээш насны хүн ам долоо хоногийн нэг өдрийн 12 цаг 15 минутыг унтах, хооллох, хувийн ариун цэвэр, эрүүл ахуйг сахих гэх мэт зайлшгүй хувийн хэрэгцээнд, 4 цаг 36 минутыг хөлстэй хөдөлмөр эрхлэхэд, 3 цаг 31 минутыг хөлсгүй хөдөлмөр эрхлэх үйл ажиллагаанд, 32 минутыг боловсролын үйл ажиллагаанд зарцуулж, үлдсэн 3 цаг 6 минутыг чөлөөт цагт хуваарилжээ. Хөлсгүй хөдөлмөр эрхлэхэд зарцуулсан цаг нь хөлстэй хөдөлмөр эрхлэхэд зарцуулсан цагийн 76.4 хувьтай тэнцэхүйц буюу ийм хэмжээний хөдөлмөр эдийн засгийн хувьд ямар нэг байдлаар үнэлэгдээгүй байна.

Энэхүү тайланд Харилцаа холбооны зохицуулах хороо нь Өргөн нэвтрүүлгийн тухай хуульд заасан эрх, чиг үүргийн дагуу Өргөн нэвтрүүлгийн тухай хууль, радио, телевизийн хөтөлбөрт тавигдах шаардлага, радио, телевизээр нэвтрүүлэх зар сурталчилгааны зохицуулалтын журмуудын хэрэгжилтийг хангуулах ажлын хүрээнд Улаанбаатар хотын телевизүүдийн хөтөлбөрт байнгын, орон нутгийн телевизүүд болон Улаанбаатар хотын радиогийн хөтөлбөрт түүврээр хяналт, мониторинг хийж, үр дүнг нэгтгэн танилцуулсан.

Хяргас нуурын загасны популяцийн төлөв байдал, нас, хүйс, идэш тэжээлийн амьтдын харьцааг тогтоож загасны нөөцийн тэнцвэрт харьцааг алдагдуулахгүйгээр агнуурын нөөцийг тогтоон Тусгай хамгаалалттай газрын хуулийн дагуу нөхөн сэргээх чадавхийг тооцоолон бодсоны үндсэн дээр сүргийн бүтцийг алдагдуулалгүйгээр загас барих цэгийг тогтоох суурь судалгааны материалыг бүрдүүлэх, мөн түүнчлэн хамгаалалтын захиргаадын мэргэжилтэн, сумын байгаль хамгаалагч нарт зориулан өөрийн хариуцсан нутаг дэвсгэрийн нуурт агнуур явуулах газрын байршил, тэдгээрийн онцлогийг ажиглах, усан орчны экологийн талаар онолын суурь мэдлэг олгох, мэдээллийн тогтолцоог бүрдүүлэх, боловсруулах арга зүйн анхан шатны ажлыг зохион байгуулж улмаар байгаль хамгаалагчид, эрдэм шинжилгээний байгууллагын уялдаа холбоог бэхжүүлэх, тэдэнд мэдлэг чадвар, дадлага эзэмшүүлэхэд судалгааны ажлын зорилго оршино.

Энэхүү улс орны оношлогооны судалгааны зорилго нь Монгол Улсад шинээр гарч ирж буй урт хугацааны тусламж үйлчилгээний бодлого, хөтөлбөр, тогтолцооны талаарх гүнзгий мэдээлийг бий болгох юм. Улс орны оношилгооны судалгаанд хүн ам зүй, ахмад настнуудын хэрэгцээ, тусламж үйлчилгээний хангамж, бодлого зохицуулалт, байгууллагын зохион байгуулалт, чадавхи, хүний ​​нөөц, санхүүжилт зэрэг асуудлуудыг хамаарна.

Авто зогсоолын төлөвлөлтөд матлаб программыг хэрэглэх нь ИЛТГЭГЧ: О.БОЛОР ШУТИС. Механик Инженер, Тээврийн Сургууль

Авто зогсоолын төлөвлөлтөд матлаб программыг хэрэглэх нь ИЛТГЭГЧ: О.БОЛОР ШУТИС. Механик Инженер, Тээврийн Сургууль

АВТОТЭЭВРИЙН БАЙГУУЛЛАГЫН АЖИЛТНЫ ОРОЛЦООНД НӨЛӨӨЛӨХ ХҮЧИН ЗҮЙЛСИЙН СУДАЛГААНЫ ҮР ДҮН ИЛТГЭГЧ: “Автотээврийн үндэсний төв” ТӨҮГ-ын хүний нөөцийн мэргэжилтэн Б.ХАНДАРМАА

АВТОТЭЭВРИЙН БАЙГУУЛЛАГЫН АЖИЛТНЫ ОРОЛЦООНД НӨЛӨӨЛӨХ ХҮЧИН ЗҮЙЛСИЙН СУДАЛГААНЫ ҮР ДҮН ИЛТГЭГЧ: “Автотээврийн үндэсний төв” ТӨҮГ-ын хүний нөөцийн мэргэжилтэн Б.ХАНДАРМАА

СЭДЭВ: УУЛЗВАРЫН ХӨДӨЛГӨӨН НЭВТРҮҮЛЭЛТИЙН ХУГАЦААГ VISSIM СИМУЛЯЦИ АШИГЛАН ОНОВЧЛОХ СУДАЛГАА ИЛТГЭГЧ: МЕХАНИК ИНЖЕНЕР,ТЭЭВРИЙН СУРГУУЛЬ доктор (Ph.D), дэд проф, Ц.Нямдулам

СЭДЭВ: УУЛЗВАРЫН ХӨДӨЛГӨӨН НЭВТРҮҮЛЭЛТИЙН ХУГАЦААГ VISSIM СИМУЛЯЦИ АШИГЛАН ОНОВЧЛОХ СУДАЛГАА ИЛТГЭГЧ: МЕХАНИК ИНЖЕНЕР,ТЭЭВРИЙН СУРГУУЛЬ доктор (Ph.D), дэд проф, Ц.Нямдулам

СЭДЭВ: НИЙТИЙН ТЭЭВРИЙН ЖОЛООЧ НАРЫН СТРЕСС ЗАМ ТЭЭВРИЙН ОСОЛД НӨЛӨӨЛӨХ НЬ ИЛТГЭГЧ: СУТАЙН БУЯНТ ХХК Б. Даваажаргал

СЭДЭВ: НИЙТИЙН ТЭЭВРИЙН ЖОЛООЧ НАРЫН СТРЕСС ЗАМ ТЭЭВРИЙН ОСОЛД НӨЛӨӨЛӨХ НЬ ИЛТГЭГЧ: СУТАЙН БУЯНТ ХХК Б. Даваажаргал

Монгол улсын хүн амын хоол тэжээлийн өнөөгийн байдлыг үнэлж, цаашид хэрэгжүүлэх арга хэмжээний чиг хандлага, зөвлөмж боловсруулахад судалгааны зорилго оршино.

Цахилгаан тээврийн хэрэгсэл цэнэглэх дэд бүтэц хөгжүүлэх төсөл