Монгол Улсын нийгмийн болон эрүүл мэндийн даатгалын хамрагдалтыг нас, хүйс, даатгалын хэлбэрээр харьцуулан судалсан. 2016–2020 оны статистик мэдээлэлд тулгуурлан даатгуулагчдын тоо, албан журмын болон сайн дурын даатгалын хамрагдалт, шимтгэл төлөлт, даатгалын сангийн орлогын өөрчлөлтийг танилцуулсан.

Сургуулийн орчин дахь хүчирхийлэл, үе тэнгийн дээрэлхэлтээс урьдчилан сэргийлэх олон улсын бодлого, зөвлөмж, эрх зүйн зохицуулалтыг судалсан. БНСУ, Япон, Сингапур, Финланд, Тайванийн сургуулийн ёс зүйн дүрэм, хүүхэд хамгааллын тогтолцоо, зөрчил илрүүлэх, хохирогчийг хамгаалах болон хариу арга хэмжээ авах практикийг харьцуулсан.

Хүний эрхийн боловсролын ойлголт, ач холбогдол, олон улсын бодлогын баримт бичиг, боловсрол олгох тогтолцоо, хөтөлбөр, арга хэлбэрийг судалсан. Австрали, Их Британи, БНСУ-ын туршлагад тулгуурлан хүний эрхийн боловсролыг олон нийтэд хүргэхэд парламентын оролцоо, холбогдох байгууллагуудын үйл ажиллагааг харьцуулан танилцуулсан.

Монгол Улсын сэтгэл судлалын салбарын нөхцөл байдал, мэргэжилтэн бэлтгэх тогтолцоо, хүний нөөц, ажлын байрны хэрэгцээ, мэргэжлээрээ ажиллах боломжийг судалсан. Филиппин, Япон, Намибийн туршлагыг харьцуулж, сэтгэл судлаачийн үйл ажиллагаа, бүртгэл, мэргэжлийн эрх, ёс зүй, хариуцлагын зохицуулалтыг авч үзсэн.

Эрүүл мэндийн санхүүжилтийн загваруудын онцлог, давуу болон сул тал, санхүүжилтийн эх үүсвэр, арга механизмыг судалсан. Монгол Улс болон гадаадын орнуудын туршлагыг харьцуулж, эмч, эрүүл мэндийн ажилтнуудын цалин хөлс, урамшууллын тогтолцоо, шинэчлэл, эрх зүйн орчин болон олон улсын байгууллагуудын зөвлөмжийг танилцуулсан.

Цар тахлын үед Монгол Улсын макро эдийн засаг, санхүүгийн зах зээл, хөдөлмөр эрхлэлт, өрхийн орлого болон нийгмийн бусад үзүүлэлтэд гарсан өөрчлөлтийг судалсан. Цар тахал гараагүй байх үеийн төсөөллийг 2020 оны бодит гүйцэтгэлтэй харьцуулан алдагдсан боломжийн зардлыг тооцож, төрөөс хэрэгжүүлсэн эдийн засаг, санхүү, нийгмийн хамгааллын арга хэмжээг тоймлон танилцуулсан.

Тавантолгойн бүлэг ордоос хилийн боомтууд руу чиглэсэн төмөр зам, автозамын бүтээн байгуулалт, хүчин чадал, эдийн засгийн боломжит үр ашгийг судалсан. Нүүрсний зах зээл, боомтын нөхцөл, тээврийн зардлыг авч үзэж, шинэ замуудыг ашигласнаар нүүрсний компаниудын ашиг, экспорт, төсвийн орлогод гарах өөрчлөлтийг төсөөлөн тооцоолж, төслүүдийн давуу, сул тал, боломж, эрсдэлийг шинжилсэн.

Хууль тогтоомжийн төслийн үр нөлөөг үнэлэх, хэрэгжүүлэх зардал, үр ашгийг шинжлэх, бодлогын өртөг тооцох онол, арга зүйг судалсан. Парламентын төсвийн шинжилгээний албаны чиг үүрэг, Монгол Улсын холбогдох аргачлалыг авч үзэж, Австрали, Тайланд, Канад, Шинэ Зеланд, Их Британи зэрэг орны үнэлгээ, тооцооллын туршлагыг харьцуулсан.

өсвийн төслийг хүний эрх, жендэрийн тэгш байдал, ядуурлыг бууруулах зорилттой нийцэж байгаа эсэхээр үнэлэх шалгуур, шалгах хуудасны онол, арга зүйг судалсан. Хүний эрхэд суурилсан төсөвлөлтийг Шотланд, Уганда, ядуурлыг бууруулах асуудлыг Вьетнам, Гана, Болив, жендэрийн мэдрэмжтэй төсөвлөлтийг Украин, Австрийн туршлагаар танилцуулсан.

Төсвийн орлого, зарлага, өр, алдагдалд хязгаарлалт тогтоох шалгуур үзүүлэлт, төсвийн дүрмийн эрх зүйн үндэс, хэрэгжилтийг хангуулах механизмыг судалсан. АНУ, Европын Холбоо, Зүүн Өмнөд Азийн орнуудын туршлагыг танилцуулж, Монгол Улсын төсвийн тусгай шаардлага, түүнийг түр түдгэлзүүлэх нөхцөл болон Төсвийн тогтвортой байдлын тухай хуулийн хэрэгжилтийг авч үзсэн.

Парламентын төсөв, санхүүгийн хяналтын бүрэн эрх, төсвийн үйл явц дахь оролцоо, хяналтыг хэрэгжүүлэх бүтэц, арга механизмыг судалсан. Олон улсын байгууллагуудын зөвлөмжийг нэгтгэж, парламентын төсвийн алба, хараат бус төсвийн байгууллага, төрийн хариуцлагын хорооны үйл ажиллагааг АНУ, БНСУ, Гүрж, Канад болон бусад орны туршлагаар танилцуулсан.

Цар тахлын эдийн засагт нөлөөлөх сувгууд, Монгол Улсын нөхцөл байдал, хэрэгжүүлсэн дэмжлэгийн арга хэмжээг авч үзсэн. АНУ, БНХАУ, ОХУ, Ирланд, Герман, Япон, Тайванийн эдийн засгийг сэргээх бодлого, эрх зүйн орчныг харьцуулж, төсөв, татвар, зээл, хөдөлмөр эрхлэлт, бизнесийн дэмжлэг, ногоон болон цахим шилжилтийн арга хэмжээг нэгтгэсэн.

Франчайзингийн ойлголт, төрөл, олон улсын гэрээний нөхцөл болон Монгол Улсын франчайзингийн бизнес, эрх зүйн орчныг танилцуулсан. Канад, Итали, Бразил, БНХАУ, Малайзын туршлагыг харьцуулж, гэрээний үндсэн нөхцөл, мэдээлэл ил болгох үүрэг, төлбөр, талуудын эрх, үүрэг, гэрээ зөрчсөн тохиолдолд хүлээлгэх хариуцлагыг судалсан.

Монгол Улс, АНУ, Польш, Вьетнамын экспортыг дэмжих гадаад худалдааны бодлого, эрх зүйн орчин, байгууллагын тогтолцоог харьцуулан судалсан. Экспортын санхүүжилт, экспортлогчдод үзүүлэх үйлчилгээ, байгууллагуудын үйл ажиллагааны уялдаа болон Монгол Улсын бодлогын баримт бичиг, олон улсын худалдааны гэрээ, хэлэлцээрийн зохицуулалтыг авч үзсэн.

Гүрж, Сингапур, БНСУ, Эстонийн аж ахуйн үйл ажиллагаа эрхлэх зөвшөөрлийн тодорхойлолт, ангилал, төрөл, олгох эрх бүхий байгууллагыг харьцуулан судалсан. Зөвшөөрлийн хугацаа, нөхцөл, хяналт, хариуцлагын механизмыг авч үзэж, зөвшөөрөл, тусгай зөвшөөрөл, мэдэгдлийн ялгаа болон холбогдох байгууллагуудын мэдээллийг нэгтгэсэн.

Шүүгчийн ёс зүй, сахилгын хариуцлагын ойлголт, олон улсын стандарт, Монгол Улсын шүүхийн шинэтгэлийн хүрээнд бүрдсэн зохицуулалтыг судалсан. Шүүхийн ёс зүйн хорооны үйл ажиллагаа, гомдол, шийтгэлийн мэдээллийг шинжилж, Шүүхийн сахилгын хорооны тухай хуулийн төслийн зохицуулалтыг 2019 оны Үндсэн хуулийн нэмэлт, өөрчлөлт болон олон улсын стандарттай харьцуулсан.