Монгол Улсын 2009 оны төсвийн тодотголын төсөл, төсвийн орлого, зарлага, хөрөнгө оруулалт, нийгмийн халамжийн зохицуулалт болон төрийн бус байгууллагуудаас гаргасан санал, зөвлөмжийг харьцуулан авч үзсэн. Мөн Унгар, ОХУ, Казахстан, Латви, Украин зэрэг улсын эдийн засаг, санхүүгийн хямралын үед хэрэгжүүлсэн төсвийн бодлого, арга хэмжээг нэгтгэн, төсвийн зохицуулалтын боломжит хувилбаруудыг танилцуулсан

Монгол Улсын үйлдвэрлэлийг дэмжих бодлого болон үйлдвэрлэлийн суурь зардалд хамаарах цахилгаан, дулаан, ус, ус бохирдуулсны төлбөр, шатахууны үнэ тарифын зохицуулалтыг судалсан. Эдгээр зардлын өөрчлөлтийг 2010–2015 оны статистик мэдээлэлд тулгуурлан танилцуулсан. БНХАУ, БНСУ, Энэтхэг, Тайванийн үйлдвэрлэлийг дэмжих бодлогын хүрээнд суурь зардлын үнэ тарифыг тогтоож буй зарчим, зохицуулалтыг харьцуулан авч үзсэн

Стратегийн ач холбогдолтой салбаруудад гадаадын хөрөнгө оруулагчдын хувьцаа эзэмших эрхэд тавих хязгаарлалт, түүний эдийн засаг, үндэсний аюулгүй байдал, улс төрийн үндэслэлийг авч үзсэн. АНУ, ОХУ, ХБНГУ, Энэтхэг болон бусад улсын эрх зүйн зохицуулалт, туршлагыг харьцуулан шинжилж, Монгол Улсын стратегийн салбар дахь гадаадын хөрөнгө оруулалтын эрх зүйн орчныг боловсронгуй болгох шаардлагыг тодорхойлсон.

Энэхүү судалгаагаар 2008–2009 оны дэлхийн эдийн засаг, санхүүгийн хямралын шалтгаан, Монгол Улсын эдийн засагт үзүүлсэн нөлөөлөл, банк санхүү, төсөв, гадаад худалдаа, валютын зах зээлийн нөхцөл байдлыг судалсан. Мөн бусад улсын хямралыг даван туулах бодлого, олон улсын байгууллагын зөвлөмжийг харьцуулан шинжилж, эдийн засгийг тогтворжуулах, хямралыг даван туулах арга хэмжээний санал, зөвлөмж боловсруулсан бодлогын судалгаа юм.

Энэхүү судалгаагаар Монгол Улсын тусгай хамгаалалттай газар нутгийн өнөөгийн байдал, хамгаалалтын сүлжээ, менежмент, эрх зүйн зохицуулалт болон үндэсний хөтөлбөрийн хэрэгжилтийг судалсан. Мөн газар нутгийг хамгаалалтад авах, хамгаалалтаас чөлөөлөх, санхүүжилт, нутгийн иргэдийн оролцоотой холбоотой тулгамдсан асуудлыг шинжилж, Намиби Улсын туршлагад үндэслэн эрх зүйн орчныг боловсронгуй болгох санал, зөвлөмж боловсруулсан бодлогын судалгаа юм.

Монгол Улсын бүс нутгийн хөгжлийн түвшин, эдийн засаг, нийгмийн ялгаа, төвөөс алслагдсан байдал, дэд бүтэц, байгаль цаг уурын нөхцөлийг харьцуулан судалсан. Мөн ОХУ, Канад, Казахстаны бүсийн нэмэгдлийн зохицуулалтын туршлагыг шинжилж, санхүүгийн дэмжлэг шаардлагатай Баруун бүсийн 4 аймгийн 9 сумыг бичил бүсээр тодорхойлон, бүсийн нэмэгдэл олгох шалгуур, хэлбэрийг боловсронгуй болгох санал, зөвлөмж боловсруулсан бодлогын судалгаа юм.

Энэхүү судалгаагаар Монгол Улсын малчдад арилжааны банкуудаас олгосон зээлийн хэмжээ, эргэн төлөлт, зээлийн үлдэгдэл, малын барьцааны үнэлгээний байдлыг судалсан. Мөн ХААН, Анод, Монгол шуудан банкны зээлийн мэдээллийг харьцуулж, малчдын зээлийн эрсдэл, барьцааны үнэлгээний зөрүүг тодорхойлон, зээлийн нөхцөлийг хөнгөвчлөх, төрийн баталгаа болон дэмжлэгийн механизмыг боловсронгуй болгох санал, зөвлөмж боловсруулсан бодлогын судалгаа юм.

Мега төслийн ойлголт, онцлог, хэрэгжүүлэх шийдвэр гаргах үйл явц болон оролцогч талуудын үүрэг, оролцоог судалсан. Тайланд, Мозамбикийн эрх зүйн зохицуулалтыг авч үзэж, төсөл санаачлах, санал боловсруулах, хэрэгжүүлэх, удирдах болон хяналт тавих асуудлыг танилцуулсан. Шийдвэр гаргах үе шатыг АНУ, Японы туршлагаар тайлбарлаж, оролцогч талуудын менежментийг авч үзсэн. Мөн төслийн гэрээ, хөрөнгө оруулалттай холбоотой маргааныг шийдвэрлэх механизм, олон улсын арбитрын онцлогийг тусгасан

Монгол Улс болон Австрали, АНУ, БНХАУ, Канад, ОХУ, Филиппиний уул уурхайн үйл ажиллагааг хориглох, хязгаарлах эрх зүйн орчныг судалсан. Тусгай хамгаалалттай газар, ус, ойн сан, түүх, соёлын дурсгалт газар болон улсын нөөцөд авсан газар нутгийн зохицуулалтыг авч үзсэн. Уул уурхайгаас ангид бүс байгуулахад төрийн байгууллагын эрх хэмжээ, газар нутгийг хамгаалалтад авах хэлбэр, байгаль орчин болон уламжлалт аж ахуйг хамгаалах асуудал хэрхэн холбогдож байгааг тайлбарласан.

Баялгийн болон эрсдэлийн сангийн ойлголт, төрөл, сан бүрдүүлэх, хөрөнгө зарцуулах үндсэн зарчмыг авч үзсэн. Тогтворжуулалтын, хадгаламжийн, хөрөнгө оруулалтын сангийн ялгаа болон уул уурхайн баялгийн сангуудын статистик мэдээллийг танилцуулсан. Норвеги, Канад, Австрали, Чили, Азербайжаны туршлагад тулгуурлан сангийн эрх зүйн зохицуулалт, удирдлага, хөрөнгө оруулалт, ашиглалт, зарцуулалтын асуудлыг судалсан.

Гадаадын зарим орны парламентын дэгийг тогтоосон эрх зүйн баримт бичгийг харьцуулан нэгтгэсэн. Парламентын дэгийг хууль, тогтоол болон бусад хэлбэрээр баталсан байдлыг ялган, баримт бичгийн нэр, төрөл, холбогдох он, цахим эх сурвалжийг хүснэгтээр танилцуулсан. Нэг болон хоёр танхимтай парламентын холбогдох дэгийн баримт бичгийн мэдээллийг багтаасан

Гадаадын 20 орны хуулийг албан ёсоор нийтлэх, хүчин төгөлдөр болгох зохицуулалтыг харьцуулсан. Хууль нийтлэх хугацаа, албан ёсны хэвлэл, цахим нийтлэлийн эрх зүйн байдал болон холбогдох байгууллагын чиг үүргийг авч үзсэн. Мөн найман орны олон улсын гэрээг нийтлэх, албан ёсны орчуулга гүйцэтгэх зохицуулалтыг нэгтгэсэн. НҮБ-ын дүрэм, Олон улсын гэрээний эрх зүйн тухай Венийн конвенцийн холбогдох зохицуулалтыг орчуулан оруулсан

Пропорциональ сонгуулийн тогтолцооны намын жагсаалтаар санал хураах болон санал шилжүүлэх хэлбэрүүдийг тайлбарласан. Нээлттэй, хаалттай, чөлөөт жагсаалтын ялгаа, нэр дэвшигчдийг эрэмбэлэх болон саналын квот тогтоох асуудлыг авч үзсэн. Улс орнуудын жагсаалтын хэлбэр, сонгуулийн босго, суудал хуваарилах арга, тойргийн хэлбэр, суудлын тоог хүснэгтээр харьцуулсан.

Байнга төвийг сахих статусын ойлголт, олон улсын эрх зүйн үндэслэл, төвийг сахисан улсын эрх, үүргийг тайлбарласан. Төвийг сахих статусаа олон улсын гэрээ, тунхаглал, дотоодын хууль тогтоомжоор баталгаажуулсан улс орнуудын түүхэн туршлагыг тоймлосон. Швейцар, Австри, Туркменистаны туршлагыг дэлгэрүүлэн авч үзэж, статусын баталгаажуулалт, хэрэгжилт, сургамж болон үр дагаврыг танилцуулсан.

ХБНГУ, Норвеги, Франц, Австрали, Канадын парламентын хэлэлцүүлэг, мэтгэлцээний дэг болон үг хэлэх хугацааны зохицуулалтыг судалсан. ХБНГУ, Норвеги, Францын холбогдох дэгийн баримт бичгийн хэлэлцүүлэг, хуралдаан зохион байгуулах заалтуудыг албан бусаар орчуулан оруулсан. Австрали, Канадын хуралдааны дэг, хэлэлцүүлэгт оролцох болон үг хэлэх хугацааг хүснэгтээр харьцуулан танилцуулсан.

Парламентын бүгд найрамдах 50 орны хууль тогтоох байгууллагын сонгуулийн тогтолцоо, саналын босгыг харьцуулсан. Парламентын танхимуудыг сонгох хэлбэр, пропорциональ, мажоритар болон холимог тогтолцоо, босгын хувь хэмжээг хүснэгтээр нэгтгэсэн. Мөн Турк, Азербайжанд 2015 оны арваннэгдүгээр сард болсон парламентын сонгуулийн эрх зүйн орчин, ирц, намуудын авсан санал, суудлын мэдээллийг танилцуулсан.