Уг судалгаагаар яам, агентлагийн стратегийн төлөвлөгөө, түүний хэрэгжилтэд нөлөөлж буй хүчин зүйлсийг тодорхойлохыг зорьсон.

Менежментийн ухаан, микро эдийн засгийн харилцан уялдааны хүрээнд бизнесийн байгууллагын хөгжлийг тодорхойлох арга зүй, хэмжигдэхүүнийг тогтоон , түүгээр Монголын бизнесийн байгууллагын хөгжлийн түвшинг тодорхойлсон.

Судалгааны баг Ерөнхийлөгчийн институцийг тойрсон бүх асуудалд цэг хатгах зорилго тавиагүй бөгөөд төрийн эрх мэдлийн хуваарилалт, төрийн институцүүдийн харилцан хамаарал, хяналт, тэнцлийн харьцааг бэхжүүлэх талаар илүү сайн ойлголт бий болгоход бага атугай хувь нэмэр оруулах, хууль тогтоогч, судлаачдын бодрол, бясалгалыг өдөөх, мэтгэлцээн өрнүүлэхийг зорьсон юм.

Энэхүү судалгаа нь Монгол Улсын төрийн албанд мөрдөгдөж буй холбогдох хууль тогтоомжийн хүрээнд төрийн захиргааны байгууллагад боловсруулан хэрэгжүүлж байгаа хүний нөөцийн хөтөлбөр, түүний хэрэгжилтэд шинжилгээ хийж дүгнэлт, санал боловсруулан гаргах зорилготой юм.

Монгол Улсын хүлээн авсан хөгжлийн албан ёсны тусламжийн хөгжилд үзүүлсэн үр нөлөө, түүнийг сайжруулахад нөлөөлж буй хүчин зүйлсийг тодорхойлох зорилготой.

Төсвийн зарлагын удирдлагын онол, арга зүйд тулгуурлан Монгол Улсад хэрэгжүүлж буй төсвийн зарлагын удирдлагын шинэчлэлийн явц, үр дүнг үнэлж, туршлага, сорилтыг тодорхойлон шинэчлэлийг цаашид үр дүнтэй хэрэгжүүлэхэд чиглэсэн зөвлөмж боловсруулахад энэхүү судалгааны ажлын зорилго оршино.

Төрийн тогтолцооныхоо өвчнийг зөв оношилж, үр дүнтэй эмчилгээ хийх талаар үндэслэлтэй санаа оноо дэвшүүлэхийн тулд парламентын засаглалтай 40 гаруй орны эрх зүйн зохицуулалт, эрх зүйн практикийг судлан, тулгамдаж буй асуудлыг тодруулах оролдлого хийсэн.

Аймаг, сумын төвийн дунд давхраанд хамаарах өрхийн төлөв байдлыг олон хэмжээст үзүүлэлтээр судалж, бодлогын түвшинд анхаарах үндсэн чиглэлийг тодруулахад судалгааны зорилго оршино.

Энэхүү судалгааны зорилго нь Монгол Улсын төрийн захиргааны албаны ёс зүйн хариуцлагын тогтолцооны өнөөгийн байдлыг тоймлон гаргаж, түүний үйлчлэлийг үр дүнтэй болгох боломж, арга замуудыг судлан илэрхийлэхэд оршино.

Монголын захиргааны кейсүүдийг гаргахын тулд манай захиргааны хөгжлийн түүхийг В.Вильсоны үзлийн дагуу үечлэх оролдлого хийх, тодорхой үеүдэд тохирсон оновчтой кейс сонгох, ер нь кейс бичих, судлахтай холбогдуулж томоохон их сургуулиуд тухайлбал, Харвардын их сургуулийн эрдэмтэдийн гол баримталдаг үзлийг энэ ажилд ямар нэгэн хэмжээгээр тусгахыг хичээсэн юм.

Төрийн өмчит аж ахуйн нэгжүүдийн эдийн засагт гүйцэтгэх үүрэг, оролцоог эрх зүйн зохицуулалтын хүрээнд судалж, дүн шинжилгээ хийхэд судалгааны зорилго оршино.

Хөдөлмөр эрхлэлтийг дэмжих төрийн бодлогын үр дүн, нөлөөлж буй хүчин зүйлийг тодорхойлж, бодлогын тулгамдсан асуудлыг тогтооход уг судалгааны зорилго оршино.

Орон нутгийн түвшин дэх иргэдийн оролцооны талаарх төрийн албан хаагчид болон иргэдийн ойлголт, хандлагын өнөөгийн байдлыг судлан, иргэд болон төрийн албан хаагчдын ойлголт, хандлагад харьцуулсан шинжилгээ хийж, ойлголт, хандлагын ерөнхий дүр зургийг тоймлон гаргах нь судалгааны ажлын зорилго юм.

Монгол Улсын өндөр насны тэтгэврийн тогтолцооны өнөөгийн байдлыг бодлого, үйлчилгээ, үр дүнгийн уялдаа холбоонд, анхдагч шалгуураар судалж, дүн шинжилгээ хийхэд судалгааны зорилго оршино.

Төрийн захиргааны албан хаагчдын мотивацын өнөөгийн байдлыг тодорхойлон, түүнд нөлөөлөх хүчин зүйлийг эрэмбэлэн гаргаж, мотивацын бүрдэл хэсгүүдийн хамаарлыг судалж, мотивацыг хэмжин тогтооход судалгааны зорилго оршино.

Төрийн албан тушаалын ангилал, зэрэглэлд төрийн захиргааны болон бусад албан тушаалыг хамааруулан тогтоосон өнөөгийн байдлыг харьцуулан шинжилж албан тушаалын ангилал, зэрэглэлийн талаар дүгнэлт, санал гаргахад энэхүү судалгааны зорилго оршино.