Багшийн хөгжлийг дэмжих эрх зүйн орчин, мэргэжлийн шаардлага, стандарт, нийгмийн баталгаа, цалин, хөдөлмөрийн үнэлгээний асуудлыг судалсан. Тусгаар улсуудын хамтын нөхөрлөлийн орнуудын загвар хууль болон Польш, Филиппин, БНХАУ, БНСУ, Чехийн туршлагыг танилцуулсан. Олон улсын хөдөлмөрийн байгууллага, ЮНЕСКО-гийн багшийн статусын зөвлөмж, багшийн цалин хөлсний шинэчлэлийн мэдээллийг хамруулсан.

Их сургуулийн үйл ажиллагааг боловсролын суурь хууль, дээд боловсролын хууль, бие даасан болон тухайлсан сургуулийн нэрлэсэн хуулиар зохицуулах хувилбаруудыг судалсан. Канад, Эстони, Финланд, БНСУ, ОХУ, Ирланд, Малайзын зохицуулалтыг дэлгэрүүлэн танилцуулсан. Их сургуулийн статус, удирдлага, академик эрх чөлөө, бие даасан байдал, санхүүжилт, сургалт, судалгаа, хяналтын асуудлыг авч үзсэн.

Сайн дурын ажил, үйлчилгээний ойлголт, үүсэл хөгжил болон эрх зүйн зохицуулалтын үндсэн хувилбаруудыг танилцуулсан. Люксембург, Герман, БНСУ, Филиппин, Македон, Чехийн сайн дурын үйл ажиллагааны хууль, зохион байгуулалтын туршлагыг судалсан. Оролцогч талуудын эрх, үүрэг, хариуцлага, урамшуулал, хамгаалалт, татвар болон үйл ажиллагааг дэмжих байгууллагын асуудлыг хамруулсан.

Худалдааны бодлого, түүнийг хэрэгжүүлэх тарифын болон тарифын бус арга хэрэгсэл, олон талт худалдааны зохицуулалтыг танилцуулсан. Дэлхийн худалдааны байгууллагын хүрээнд тогтоосон худалдааны зарчим, хэлэлцээрийн асуудлыг авч үзсэн. ОХУ, Казахстан, Япон, БНХАУ, БНСУ, Чех, Германы дотоод, гадаад худалдааны үйл ажиллагааг зохицуулсан хуулиудын бүтэц, агуулгыг судалсан.

Мөнгө хүүлэлтийн ойлголт, зээлийн хүүг хязгаарлах эрх зүйн зохицуулалтыг судалсан. Европын холбооны гишүүн орнуудын зээлийн хүүгийн дээд хэмжээ, түүнийг тогтоох арга, эрх бүхий байгууллага, хариуцлагын механизмыг дэлгэрүүлэн танилцуулсан. Хүүгийн хязгаарлалтын эерэг, сөрөг үр дагавар болон санхүүгийн хэрэглэгчийг хамгаалах арга хэмжээний талаарх өмнөх судалгааны мэдээллийг хамруулсан.

Европ, Азийн орнууд парламентын нэгдсэн болон байнгын хорооны хуралдааныг олон нийтэд дамжуулах хэлбэр, зохицуулалтыг судалсан. Парламентын тусгай суваг, олон нийтийн болон арилжааны телевиз, радио, цахим хуудас, нийгмийн сүлжээний хэрэглээг авч үзсэн. Хуралдааныг бүрэн, хэсэгчлэн, тогтмол эсвэл онцгой тохиолдолд дамжуулах ялгаа болон БНСУ, Турк, Тайланд, Сингапурын туршлагыг танилцуулсан.

Их Британи, Румын, Словак, Энэтхэгийн шүгэлдэгчийн эрхийг хамгаалах хууль тогтоомжийг судалсан. Хамгаалалтад хамрагдах этгээд, мэдээлэх үйлдэл, мэдээлэл хүлээн авах байгууллага, мэдээлэгчийн нууцлал, ажлын байран дахь хамгаалалтыг авч үзсэн. Олон улсын байгууллагын зөвлөмж, зарчим болон бие даасан, салбар хуулиар хамгаалдаг зохицуулалтын онцлогийг танилцуулсан.

Эрх зүйн тогтолцооны хувьд Монголтой ижил төстэй 12 улсын Ерөнхий прокурорыг сонгох, томилох Үндсэн хуулийн зохицуулалтыг судалсан. Томилгоонд парламент, ерөнхийлөгч, Засгийн газар, шүүхийн зөвлөл хэрхэн оролцдогийг харьцуулсан. Англи-саксоны тогтолцооны “Attorney-General” болон эх газрын эрх зүйн тогтолцооны прокурорын статус, чиг үүргийн ялгааг тайлбарласан.

Парламентын санал хураалтад цахим болон биометрик систем ашиглах туршлага, хурууны хээгээр санал өгөх эрх зүйн зохицуулалтыг судалсан. Албани, Болгар, Итали, Шри Ланкийн туршлага болон бусад орны холбогдох санал, төлөвлөгөөг танилцуулсан. Хурууны хээгээр санал хураах тоног төхөөрөмж, систем нийлүүлсэн компаниудын бүтээгдэхүүн, техник, зохион байгуулалтын мэдээллийг хамруулсан.

Хоёр шатлал бүхий нэг танхимтай парламентын зохион байгуулалт, онцлог болон Монгол Улсын холбогдох түүхэн уламжлалыг танилцуулсан. БНХАУ-ын Ардын Төлөөлөгчдийн Их Хурал, түүний Байнгын хорооны бүрэн эрх, хуралдаан, хяналтын чиг үүргийг дэлгэрүүлсэн. БНХАУ, Вьетнамын Үндсэн хуулийн холбогдох зохицуулалтаар хууль тогтоох байгууллага, байнгын ажиллагаатай бүтцийн эрх, үүргийн хуваарилалтыг харьцуулсан.

Ази, Европын 18 улсын Үндсэн хуульд нэмэлт, өөрчлөлт оруулах журмыг харьцуулсан. Нэмэлт, өөрчлөлт санаачлах, батлах эрх бүхий этгээд, төсөлд тавих шаардлага, хэлэлцэх хугацаа, Үндсэн хуулийн шүүхийн оролцоог авч үзсэн. Мөн өөрчлөлт оруулахыг хязгаарласан нөхцөл, хөндөж үл болох зохицуулалт болон холбогдох нэр томьёоны ялгааг танилцуулсан.

Парламентын засаглалтай улс орнуудын төрийн эрх мэдлийн хуваарилалт, парламент, төрийн тэргүүн, ерөнхий сайдын эрх зүйн байдлыг судалсан. Тэдгээрийг сонгох, томилох, бүрэн эрхийг дуусгавар болгох, парламентыг тараах, огцруулах болон хууль санаачлах зохицуулалтыг харьцуулсан. Сонгосон 12 улсын мэдээллийг нэгтгэж, 11 улсын Үндсэн хуулийн зохицуулалтыг дэлгэрүүлэн, Их Британийн онцлогийг ерөнхий агуулгаар танилцуулсан.

Донор болон эд, эрхтэн шилжүүлэн суулгах үйл ажиллагааны олон улсын бодлого, зохион байгуулалт, зөвшөөрлийн тогтолцоог судалсан. Финланд, Литва, Турк, Сингапур, Армен, Молдовын донорын зөвшөөрөл, эрхтэн хуваарилалт, аюулгүй байдал, хориг, хариуцлагын зохицуулалтыг авч үзсэн. Монгол Улсын Донорын тухай хууль болон шинэчилсэн найруулгын төслийн агуулга, бүтцийн харьцуулалтыг хавсаргасан.

Польш, Чех, БНСУ, Вьетнамын жижиг, дунд үйлдвэрийн салбарыг хөгжүүлэх бодлого, эрх зүйн зохицуулалтыг судалсан. Жижиг, дунд үйлдвэрийг тодорхойлох шалгуур, төрөөс үзүүлэх дэмжлэг, хариуцсан байгууллага, хөгжлийн хөтөлбөрүүдийг танилцуулсан. Санхүүжилт, татварын хөнгөлөлт, бизнес инкубатор, технологи, хүний нөөцийн дэмжлэгийн жишээг хамруулсан.

БНСУ, Япон, Герман, Норвегийн хөдөө аж ахуйн хоршоодын хөгжил, бүтэц, үйл ажиллагаа, эрх зүйн орчныг судалсан. Хөдөө аж ахуйн бүтээгдэхүүний нэгдсэн борлуулалт, хангамжийн тогтолцоо болон бүтээгдэхүүн, түүхий эдийн үнэ бүрдэлтийг авч үзсэн. Монголын хоршоодын нөхцөл байдал, санхүүжилт, удирдлага, гишүүдийн оролцоотой холбоотой асуудлыг өмнөх судалгааны мэдээллээр танилцуулсан.

Мөнгө угаах, татвар төлөхөөс зайлсхийх гэмт хэрэгтэй тэмцэх олон улсын байгууллагуудын бүтэц, чиг үүрэг, хамтын ажиллагааг танилцуулсан. Мэдээлэл солилцох, стандарт тогтоох, үндэсний хэрэгжилтийг үнэлэх болон техникийн туслалцаа үзүүлэх механизмыг авч үзсэн. Оффшорт хадгалагдсан хууль бус хөрөнгийг илрүүлэх, хянан шалгах, буцаан олгох олон улсын механизм, холбогдох санаачилгыг судалсан.