Санхүүгийн зохицуулалтын институцийн уламжлалт, функциональ, нэгтгэсэн болон хосолмол зохицуулалттай дөрвөн загварыг тайлбарласан. БНХАУ, Мексик, Хонконг, Итали, Франц, Япон, Сингапур, ХБНГУ зэрэг орны зохицуулагч байгууллагын бүтэц, чиг үүргийг авч үзсэн. Загваруудын давуу, сул тал, зохицуулагч байгууллагуудын эрх хэмжээний хуваарилалт, хамтын ажиллагааг харьцуулсан.

Монгол Улсын төсөв, татвар, банк, санхүү, гадаад худалдаа, аж ахуйн нэгж, уул уурхай, тусгай сан, чөлөөт бүс, аудит зэрэг 10 чиглэлийн хууль тогтоомжийн үзэл баримтлал, зохицуулалтын агуулга, уялдаа холбоог шинжилсэн. Хуулийн төсөл боловсруулах үндэслэл, үзэл баримтлалд тусгасан асуудлууд батлагдсан хуульд хэрхэн туссаныг харьцуулж, эрх зүйн зохицуулалтын онцлогийг тодорхойлсон. Мөн Англи, Герман, Франц, АНУ, Канад, Итали зэрэг улсын эрх зүйн зохицуулалтын зарим жишээг ашигласан.

Монгол Улсын хадгаламж, зээлийн хоршоодын үйл ажиллагаа, эрх зүйн зохицуулалт, санхүүгийн хяналтын тогтолцоо болон 2007 онд өргөн барьсан Хадгаламж, зээлийн хоршооны тухай хуулийн төслийн агуулгыг шинжилсэн. Чех, Узбекистан, Литва, Эстони, Их Британи, Хонконг, Шинэ Зеланд, АНУ-ын хадгаламж, зээлийн хоршооны хууль тогтоомж, гишүүнчлэл, удирдлага, хяналт, хөрөнгийн шаардлагыг харьцуулж, Монгол Улсын эрх зүйн зохицуулалтыг боловсронгуй болгох санал, зөвлөмж боловсруулсан.

Монгол Улсын орон нутгийн төсвийн эрх зүйн зохицуулалт, төсвийн орлого, зарлагын хуваарилалт, санхүүгийн бие даасан байдал болон төвлөрлийг сааруулах бодлогын давуу, сул талыг шинжилсэн. Турк, Латви, Польш Улсын орон нутгийн төсвийн хууль тогтоомж, санхүүжилт, төсвийн шилжүүлэг, нутгийн удирдлагын эрх мэдлийг харьцуулж, Бразил Улсын иргэдийн оролцоотой төсөв боловсруулах туршлагыг авч үзсэн. Орон нутгийн төсвийн эрх мэдлийг нэмэгдүүлэх, санхүүгийн тэнцвэрийг хангах, эрх зүйн зохицуулалтыг боловсронгуй болгох асуудлыг тодорхойлсон.

Монгол Улсын орон нутгийн татварын эрх зүйн зохицуулалт, татвар, төлбөр, хураамжийн төрөл, төсвийн орлогын бүрдүүлэлт болон нутгийн удирдлагын байгууллагын татварын эрх мэдлийг авч үзсэн. Болгар, Польш, БНСУ-ын орон нутгийн татварын бие даасан хууль, татварын төрөл, хувь хэмжээ, хөнгөлөлт, чөлөөлөлт болон төсөвт төвлөрүүлэх зохицуулалтыг харьцуулж, орон нутгийн санхүүгийн бие даасан байдлыг хангах, татварын тогтолцоог боловсронгуй болгох асуудлыг тодорхойлсон.

Их Британийн Засгийн газрын Кабинетийн бүтэц, Ерөнхий сайдын үүрэг, парламентын сонгуулийн дараа Засгийн газар байгуулах үйл явцыг тайлбарласан. Аль нэг нам олонх болоогүй үед Засгийн газар бүрдүүлэх хэлбэр, намуудын хэлэлцээр, төрийн албаны оролцоог авч үзсэн. Ерөнхий сайд, Засгийн газар огцрох, парламентын итгэлтэй холбогдох зохицуулалтыг танилцуулсан.

Улс төрийн нам байгуулах, бүртгүүлэхэд шаардах гишүүдийн тоо, гишүүнчлэлийн доод хязгаарын зохицуулалтыг судалсан. Венецийн комиссын холбогдох тайлан, байр суурь болон улс орнуудын Үндсэн хууль, бусад хуулийн зохицуулалтыг авч үзсэн. Европын холбооны зарим улсын намын гишүүн, үүсгэн байгуулагч, сонгогчийн гарын үсэгтэй холбоотой шаардлагыг хүснэгтээр харьцуулсан.

Хөгжлийн бодлого төлөвлөлтийн ойлголт, үүсэл, хөгжлийг тоймлож, төлөвлөлтийн байгууллагыг Үндсэн хуулиар зохицуулсан байдлыг судалсан. Байгууллагын харьяалал, бүтэц, чиг үүрэг, удирдлага, гишүүдийн томилгоо, бүрэн эрхийн хугацааг авч үзсэн. Мөн зарим орны хөгжлийн төлөвлөлтийн байгууллагуудын үйл ажиллагаа, зохион байгуулалтыг харьцуулсан.

Төв банктай холбоотой асуудлыг Үндсэн хуульд тусгасан 70 улсын зохицуулалтыг нэгтгэсэн. Төв банкны тогтолцоо, хараат бус байдал, чиг үүрэг, удирдлагыг томилох, огцруулах, бүрэн эрхийн хугацааг тогтоох асуудлыг ангилан харуулсан. Холбогдох Үндсэн хуулийн заалтуудыг эх хэлээр нь хавсаргасан.

Олонхын, хувь тэнцүүлсэн, холимог сонгуулийн тогтолцоо болон тэдгээрийн хувилбар, онцлогийг тайлбарласан. Тогтолцоонуудын давуу, сул тал, мандат хуваарилах болон сонгогчийн саналтай холбогдох асуудлыг авч үзсэн. Сонгуулийн тогтолцоогоо Үндсэн хуульд тусгасан орнуудыг тогтолцооны төрөл, парламентын танхимын бүтцээр ангилан нэгтгэсэн.

Америкийн Нэгдсэн Улсын Конгрессийн судалгааны алба, Конгрессийн номын сангийн бүтэц, зохион байгуулалт, чиг үүрэг, судалгааны үйлчилгээ, хууль тогтоох үйл ажиллагаанд үзүүлэх мэргэжлийн дэмжлэгийг авч үзсэн. АНУ-ын Мэрилэнд мужийн хууль тогтоох байгууллагын судалгааны ажлын туршлага, Канадын парламентын зөвлөхийн танилцуулсан мэдээллийг хамруулж, судалгааны байгууллагын хараат бус байдал, судалгааны төрөл, бүтээгдэхүүн, зохион байгуулалтын онцлогийг тодорхойлсон.

: Парламентын гишүүдийн тоог хүн амын хэмжээтэй холбон тайлбарладаг куб язгуурын хуулийн үзэл санаа, томьёог танилцуулсан. Хуулиар тогтоосон болон томьёогоор тооцоолсон гишүүдийн тооны харьцуулалтыг авч үзсэн. Нийт болон идэвхтэй хүн амд тулгуурлах тооцоолол, парламентын хэмжээнд нөлөөлөх бусад хүчин зүйлийг тайлбарласан.

Филипин Улсын парламентын Тамгын газрын бүтэц, зохион байгуулалт, бодлогын болон төсвийн судалгаа, хууль зүйн судалгаа, мэдээллийн үйлчилгээний туршлагыг авч үзсэн. Конгрессийн судалгааны байгууллага, номын сан, Мэдлэгийн менежментийн төв болон Дэлхийн банкны хөгжлийн сургалтын сүлжээний үйл ажиллагааг судалж, Монгол Улсын Их Хурлын Тамгын газрын судалгаа, мэдээллийн үйлчилгээ, байгууллагын чадавхыг сайжруулах боломжийг тодорхойлсон.

Австрали Улсын парламентын Сенат, Төлөөлөгчдийн танхимын Тамгын газар, Парламентын үйлчилгээний газар болон номын сангийн бүтэц, зохион байгуулалт, үйл ажиллагааны туршлагыг авч үзсэн. Парламентын байнгын хороодын ажлын алба, олон нийттэй харилцах үйл ажиллагаа, судалгааны үйлчилгээ, хуулийн төслийн шинжилгээний арга зүй, судлаачдын чиг үүргийг судалж, Монгол Улсын парламентын судалгаа, мэдээллийн үйлчилгээний зохион байгуулалтад ашиглаж болох туршлагыг тодорхойлсон.

Байгалийн баялаг дахь байнгын бүрэн эрх, байгалийн баялгийн ойлголт, төрийн болон нийтийн өмчийн ялгааг тайлбарласан. Улс орнуудын Үндсэн хуульд байгалийн баялгийг төрийн, нийтийн, ард түмний өмчөөр тодорхойлсон байдлыг ангилан нэгтгэсэн. Холбогдох заалтуудын эхийг хавсаргаж, өмчлөл болон ашиглах эрхийн зохицуулалтыг авч үзсэн.

Бүгд Найрамдах Франц Улсын парламентын Үндэсний Хурал, Сенатын бүтэц, хууль тогтоох үйл ажиллагаа, парламентын хяналт, судалгааны алба, номын сан, архивын зохион байгуулалт, үйл ажиллагааны туршлагыг авч үзсэн. Мөн Франц Улсын уул уурхайн салбарын эрх зүйн зохицуулалт, нөхөн сэргээлт, татварын бодлогыг судалж, энэ хүрээнд Их Британи, АНУ-ын татварын зохицуулалтын зарим туршлагыг дурдсан.