Бүгд Найрамдах Улс тунхагласны баярын өдрийг тэмдэглэж ирсэн түүх, эрх зүйн зохицуулалтын өөрчлөлтийг тоймлосон. Тус өдрийг нийтээр тэмдэглэх баярын болон тэмдэглэлт өдөрт хамааруулсан хуулийн өөрчлөлт, тэдгээрийн үндэслэлийг танилцуулсан. Төрийн удирдлагын мэндчилгээ, хүндэтгэлийн ёслол, иргэний андгай өргөх болон бусад арга хэмжээний мэдээлэл, холбогдох материалын жагсаалтыг нэгтгэсэн.

Монгол Улсын хүүхдийн хөгжил, хамгааллын хууль тогтоомж, бодлогын баримт бичиг болон тэдгээрийн хэрэгжилтийн байдлыг тоймлосон. Хүүхдийн эрхийн асуудлыг иргэний эрх, хүчирхийлэл, гэр бүлийн орчин, асрамж, эрүүл мэнд, нийгмийн халамж, тусгай хамгааллын чиглэлээр авч үзсэн. Мөн олон улсын байгууллагын зөвлөмж, төлөвлөсөн арга хэмжээ, хүүхдэд олгох тэтгэмж, хөнгөлөлт болон мэргэжлийн хяналтын байгууллагын ажлын мэдээллийг нэгтгэсэн.

Монгол Улсын хөгжлийн бэрхшээлтэй иргэдийн эрхийг хамгаалах хууль тогтоомж, хэрэгжилтийн байдлыг нийгмийн хамгаалал, боловсрол, эрүүл мэнд, хөдөлмөр эрхлэлт, хүртээмжтэй орчны хүрээнд судалсан. БНСУ, Австрали, ОХУ-ын холбогдох зохицуулалт, дэмжлэг үйлчилгээний туршлагыг танилцуулсан. Хууль тогтоомжийн уялдаа, хэрэгжилтэд тулгарч буй асуудлыг авч үзэж, эрх зүйн орчныг боловсронгуй болгох саналуудыг нэгтгэсэн.

БНСУ, ОХУ, Австралийн хүүхдийн эрхийг хамгаалах хууль тогтоомж, байгууллагын тогтолцоо, хэрэгжүүлэх механизмыг судалсан. Хүүхэд хамгааллын байгууллагуудын эрх хэмжээ, чиг үүрэг, төв болон орон нутгийн түвшний зохион байгуулалтыг танилцуулсан. Мөн хүүхдийн эрхийн байдал, хэрэгжүүлж буй арга хэмжээ, Хүүхдийн эрхийн тухай конвенцын хэрэгжилттэй холбоотой олон улсын байгууллагын зөвлөмжийг авч үзсэн.

БНСУ, ОХУ, Австралийн хүүхдийн эрхийг хамгаалах хууль тогтоомж, байгууллагын тогтолцоо, хэрэгжүүлэх механизмыг судалсан. Хүүхэд хамгааллын байгууллагуудын эрх хэмжээ, чиг үүрэг, төв болон орон нутгийн түвшний зохион байгуулалтыг танилцуулсан. Мөн хүүхдийн эрхийн байдал, хэрэгжүүлж буй арга хэмжээ, Хүүхдийн эрхийн тухай конвенцын хэрэгжилттэй холбоотой олон улсын байгууллагын зөвлөмжийг авч үзсэн.

Орон сууцны санхүүжилтийн бодлогыг хэрэгжүүлэх арга хэрэгсэл, татаас, хөнгөлөлтийн хэлбэрүүд болон тэдгээрийн давуу, сул талыг авч үзсэн. АНУ, БНСУ, Сингапур, ОХУ, Японы зорилтот бүлгийн иргэдийг орон сууцаар хангах тогтолцоо, төрийн болон орон нутгийн байгууллагын оролцоог судалсан. Төрийн орон сууцны байгууллагын бүтэц, санхүүжилтийн эх үүсвэр, түрээсийн орон сууцны сан бүрдүүлэх, ашиглах зохицуулалтыг танилцуулсан.

Казахстан, Швейцар, ОХУ, Финландын усан замын тээврийн аюулгүй байдлыг зохицуулсан эрх зүйн орчныг судалсан. Хөлөг онгоцны бүртгэл, техникийн шаардлага, аюулгүй ажиллагаа, хяналт шалгалт болон эрх бүхий байгууллагын чиг үүргийг авч үзсэн. Мөн Кени, Танзани, Угандагийн дунд орших Виктория нуурын тээврийн аюулгүй байдлыг зохицуулсан хуулийг танилцуулсан.

Газрын тосны олборлолтоос бүрдэх орлогыг төв болон орон нутгийн төсөвт хуваарилах тогтолцоог ОХУ, АНУ, БНХАУ зэрэг таван улсын туршлагад тулгуурлан судалсан. Орлогыг орон нутгийн төсөвт шууд төвлөрүүлэх, төвлөрсөн төсвөөс шилжүүлэх болон тодорхой шалгуур үзүүлэлтээр хуваарилах хэлбэрүүдийг тайлбарласан. Татвар, төлбөрийн орлогын эх үүсвэр, хуваарилалтын хувь хэмжээ, олборлолт явагдаж буй бүс нутгийн хүртэх орлогын зохицуулалтыг авч үзсэн.

Монгол Улсын уул уурхайн салбарын нөхөн сэргээлтийн өнөөгийн байдал, эрх зүйн зохицуулалт, хэрэгжилтийн хүндрэл болон байгаль орчныг хамгаалахад иргэдийн оролцоог хангах асуудлыг авч үзсэн. Канад, Австрали, Энэтхэг зэрэг улсын туршлага, Аархусын конвенцийн зохицуулалтыг харьцуулж, байгаль орчны мэдээллийн ил тод байдал, шийдвэр гаргах үйл явц дахь олон нийтийн оролцоо, зөрчигдсөн эрхээ хамгаалуулах боломжийг шинжилсэн. Мөн уул уурхайн нөхөн сэргээлтийн хариуцлага, хяналтын тогтолцоог сайжруулах, байгаль орчны шударга ёсыг хангах эрх зүйн зохицуулалтыг боловсронгуй болгох санал, зөвлөмж боловсруулсан.

Монгол Улсын хүнсний үйлдвэрлэлд хэрэглэж буй нийлэг сав баглаа боодлын төрөл, химийн найрлага, хүнсний бүтээгдэхүүнд химийн хорт бодис шилжих эрсдэл болон эрүүл ахуйн аюулгүй байдлын зохицуулалтыг авч үзсэн. Полимер материалын шинж чанар, химийн бодисын зөвшөөрөгдөх хэмжээ, холбогдох стандартын шаардлага, лабораторийн шинжилгээний чадавхыг шинжилсэн. Мөн дотоодын сав баглаа боодол, хүнсний үйлдвэрлэгчдийн үйл ажиллагаа, чанарын хяналтын нөхцөл байдлыг үнэлж, лабораторийн хяналтыг сайжруулах, хүнсний аюулгүй байдлыг хангах санал, зөвлөмж боловсруулсан.

Монгол Улсын хүнсний бүтээгдэхүүний сав баглаа боодлын хэрэглээ, импортын хамаарал, шилэн савны хэрэгцээ болон дотоодын үйлдвэрлэлийг хөгжүүлэх боломжийг авч үзсэн. Савлагааны материалын шинж чанар, хүнсний аюулгүй байдалд үзүүлэх нөлөөлөл, шилэн сав үйлдвэрлэх түүхий эдийн нөөц, технологийн шаардлага, зах зээлийн хэрэгцээ, хөрөнгө оруулалт, үйлдвэрлэлийн өртөг зардлыг шинжилсэн. Мөн Налайх дүүрэгт шилэн савны үйлдвэр байгуулах техник, эдийн засгийн боломжийг тооцож, үндэсний хүнсний үйлдвэрүүдийн сав баглаа боодлын хэрэгцээг дотоодын үйлдвэрлэлээр хангах чиглэлийг тодорхойлсон.

Монгол Улсын орон нутгийн нийгэм, эдийн засгийн хөгжлийн түвшин, бүс нутгийн хөгжлийн ялгаа, хотжилт, хүн амын суурьшил болон бүсчлэн хөгжүүлэх шаардлагыг авч үзсэн. БНХАУ, Тайвань, Япон, Туркын нутаг дэвсгэрийн ангилал, хот, суурин газрын хөгжлийн шалгуур үзүүлэлтийг харьцуулж, Монгол Улсын аймаг, бүс нутгийн хөгжлийн түвшнийг статистик мэдээлэлд тулгуурлан үнэлсэн. Мөн бүсчилсэн хөгжлийн бодлого, эрх зүйн зохицуулалт, хөгжлийн индекс, шалгуур үзүүлэлтүүдийг шинжилж, орон нутгийн эдийн засгийн бие даасан байдлыг хангах, хөгжлийн бичил бүсийг тогтоох, хүн амын суурьшлыг тогтворжуулах санал, дүгнэлт боловсруулсан.

Монгол Улсын эрчим хүчний салбарын өнөөгийн байдал, цахилгаан, дулааны үйлдвэрлэл, хэрэглээ, эрчим хүчний системийн хүчин чадал, санхүүгийн нөхцөл байдал болон эрх зүйн зохицуулалтыг авч үзсэн. Эрчим хүчний эх үүсвэрийн дутагдал, тоног төхөөрөмжийн шинэчлэл, үнэ тариф, өр авлага, сэргээгдэх эрчим хүчний хөгжлийн тулгамдсан асуудлыг шинжилж, 2009–2021 он болон түүнээс хойших хугацаанд салбарын найдвартай ажиллагааг хангах, дэд бүтцийг өргөжүүлэх, эрчим хүчний экспортыг нэмэгдүүлэх бодлогын зорилт, хөгжлийн чиглэлийг тодорхойлсон.

Монгол Улсын төмөр замын тээврийн хөгжлийн бодлого, эрх зүйн зохицуулалт, олон улсын тээврийн коридорт нэгдэх боломж болон стратегийн ач холбогдол бүхий төмөр замын дэд бүтцийг хөгжүүлэх асуудлыг авч үзсэн. Төв Ази, Евразийн тээврийн коридор, Казахстан, ОХУ, БНХАУ-ын төмөр замын хөгжлийн чиг хандлага, Монгол Улсын олон улсын гэрээ, хэлэлцээр, төмөр замын суурь бүтэц байгуулах зөвшөөрлийн зохицуулалтыг шинжилж, төмөр замын нэгдсэн сүлжээг өргөжүүлэх, транзит тээврийг нэмэгдүүлэх, уул уурхайн ордуудыг олон улсын зах зээлтэй холбох бодлогын чиглэлийг тодорхойлсон.

Монгол Улсын эрдэс баялгийн салбарын эрх зүйн орчин, уул уурхай, эрчим хүч, дэд бүтэц, байгаль орчин, хүний нөөц болон бүс нутгийн хөгжлийн чиглэлээр гадаад, дотоодын байгууллагуудаас гүйцэтгэсэн судалгааны ажлуудыг нэгтгэн танилцуулсан. Нийт 18 байгууллагын 2003–2009 онд хийсэн 56 судалгааг долоон үндсэн чиглэлээр ангилж, судалгааны нэр, гүйцэтгэсэн байгууллага, хугацаа, зорилго, гол үр дүн, эх сурвалжийн мэдээллийг нэгтгэн, эрдэс баялгийн салбарын бодлого, эрх зүйн зохицуулалтыг боловсронгуй болгоход ашиглах мэдээллийн суурийг бүрдүүлсэн.

БНСУ, Сингапур, Япон, Финланд, Норвег, Канад, ХБНГУ, Эстони, Шинэ Зеланд, Нидерландын ерөнхий боловсролын тогтолцоог судалсан. Сургуульд элсэх нас, боловсролын шатлал, сургалтын хугацаа, гадаад хэл зааж эхлэх үе болон сургалтын агуулгын онцлогийг харьцуулсан. Үндэсний өв, соёлыг эх хэл, түүх, уран зохиол, урлаг, ёс зүй, иргэний боловсрол зэрэг хичээлийн агуулга, хөтөлбөрт хэрхэн тусгасныг авч үзсэн.