Төвийн 2022 оны гүйцэтгэлийн төлөвлөгөөнд тусгагдсан ажлын хүрээнд үндсэн үйл ажиллагааг сайжруулах, Улаанбаатар хотын инженерийн хангамжийн байгууллагууд хоорондын уялдаа холбоо ямар түвшинд байгааг үнэлэх зорилгоор Нийслэлийн нийт албан хаагчдын өдөр тутмын үйл ажиллагаанд ашиглагдаж байгаа “Ulaanbaatar ERP” системийн тусламжтайгаар нийт 10 байгууллагыг хамруулан 2022 оны 10 дугаар сарын 12-ноос 18-ны өдрүүдэд зохион байгуулав.

Төвийн үйл ажиллагааг сайжруулах, нийслэлийн хамтран ажилладаг нутгийн захиргааны байгууллагуудад хэр зөв зохиостой мэдээлэлтэй байдаг, харилцаа хандлага зохистой түвшинд байгаа эсэхийг үнэлэх зорилгоор Нийслэлийн нийт албан хаагчдын өдөр тутмын үйл ажиллагаанд ашиглаж байгаа “Ulaanbaatar ERP” системээр 2021 оны 12 дугаар сарын 08-наас 10-ны өдрүүдэд цахимаар зохион байгуулан, дүн мэдээг авч нэгтгэн ажиллалаа.

Төвийн 2019 оны үйл ажиллагааны төлөвлөгөөний дагуу хэрэглэгчийн сэтгэл ханамжийн судалгааг 10 дугаар сарын 23-наас 11 дүээр 08-ны өдрүүдэд 6 асуулттай нийт 404 санал асуулгыг Төвийн 21 албан хаагчдад тус бүр 20 асуулгыг өгч, Баянзүрх, Баянгол, Чингэлтэй, Сүхбаатар, Хан-Уул, Сонгинохайрхан дүүргийн оршин суугчдаар судалгааг бөглүүлэн нэгтгэж ажиллалаа.

Төвийн 2019 оны үйл ажиллагааны төлөвлөгөөний дагуу инженерийн хангамжийн байгууллагуудын шуурхай ажиллагааны хэсгийн инженер, диспетчерүүдээс санал, асуулгыг 2019 оны 10 дугаар сарын 24-ний өдөр 01/204 дугаар албан бичгээр Улаанбаатар Цахилгаан түгээх сүлжээ ТӨХК, Орон сууц, нийтийн аж ахуйн удирдах газар, Ус сувгийн удирдах газар, Хэсэгчилсэн Инженерийн хангамжийн удирдах газар, Хот тохижилтын газар, Улаанбаатар Зам засвар, арчлалтын газар, Геодези, усны барилга байгууламжийн газарт тус тус хүргүүлж, авч ажилласан.