Манай царай танилтын систем нь дээр дурдсан мэдээллийн аюулгүй байдалд бүрэн нийцсэн хиймэл оюун ухаанд суурилсан шийдлийг өртөг багатайгаар хүргэж байгаагаар онцлогтой. Мөн бид Монгол хүний оюун ухаанд суурилж бүтсэн царай танилтын системийн дэд бүтцийг өргөтгөн хувийн хэвшлийн компаниудын технологийн ажлыг хөнгөвчилсөн инновацлаг програм хангамж нийлүүлэхзорилготой

Монгол Улсын эдийн засгийн богино ба урт хугацааны хөгжлийн төлөвлөлтөд салбар хоорондын балансын арга зүйг нэвтрүүлэх онол арга зүйг боловсруулах

Тархмал нарны эрчим хүчний эх үүсвэрийг Монгол орны цахилгаан түгээх сүлжээнд суурилуулж, нутагшуулан цахилгаан түгээх сүлжээний алдагдлыг бууруулах, хүчдэлийн түвшин чанарыг сайжруулах.

Тархины саатай хүүхдийн булчингийн чангаралд Ботулины токсин-А тарилга ба сэргээн засахын цогц эмчилгээний үр дүнг тооцон булчин чангарлын менежментийг эмнэлзүйн практикт нэвтрүүлэх, нутагшуулах

Нуурын бүсэд тархсан палеозойн насны магмын чулуулгийн нарийвчилсан геохими, геохронологийн судалгаа хийх; Палеозойн магмын чулуулгийн үнэмлэхүй нас, геохимийн шинж чанарт тулгуурлан магмын бүрдлүүдийн ангиллыг нарийвчлах; Нуурын бүсийн палеозойн магматизмын хөгжсөн геодинамикийн нөхцлийг тодорхойлох; Палеогеодинамик орчинд хүдэржилтийн онцлогийг судлан, хэтийн төлөвийг тодорхойлох зэрэг болно.

Геологийн систем тус бүрийн стейжүүдийг төлөөлөх зүсэлтүүдийн судалгаа гаргаж, зарим нэгэн зүсэлтийг нарийвчлан судлаж мэдээллийг нэгтгэн стратиграфийн харьцуулалтын ангилалыг систем тус бүрээр зохиох

Монгол Төрийн соёлын салбарын уламжлалт бодлогын үндэс, үнэт зүйлийг судлан тодруулж, соёлын бодлогын хэрэгжилтийг олон улсын аргачлалаар үнэлэх, үнэлгээний шалгуур үзүүлэлт, арга зүй, аргачлал болон соёлын бодлогын хэрэгжилтийг сайжруулахад чиглэсэн стратеги төлөвлөгөө боловсруулах арга зүйн зөвлөмж боловсруулах.

Монгол улсын боловсролын салбарын бодлогын судалгааны чадамжийг сайжруулах Боловсролын бодлого, хөтөлбөрт бодлогын шинжилгээ хийх арга зүйг боловсруулах, Бодлогын шинжээч, судлаачдын бодлогын шинжилгээ хийх мэдлэг, ур чадварыг сайжруулахад туслах боловсролын салбарын бодлогын шинжилгээний багц гарын авлагуудыг боловсруулан бичиж хэвлүүлэх, Бодлогын шинжилгээ, судалгаа хийх мэдлэг, ур чадварыг нэмэгдүүлэх сургалт явуулах, Үндэсний бодлогын судалгааны дэд бүтцийг хөгжүүлэх бодлогын судалгааны хүрээлэн, тинк танк байгууллагуудыг байгуулах бодлогын зөвлөмж боловсруулан гаргах.

Малын гаралтай түүхий эд ноолуур, гүзээ сархинагийг нүүдэлчин малчдын соёл, ахуйгаас улбаатай уламжлалт сэтгэлгээний философид суурилж, орчин үеийн хэрэглэгчдийн хүсэл сонирхол, хэрэгцээ шаардлагад нийцсэн, чанар, өнгө, дизайны өвөрмөц шийдэл бүхий “Монгол брэнд”-ийг хөгжүүлэхэд төслийн зорилго оршино.

Хорин нэгдүгээр зууны монгол суралцагчийн суурь цогц чадамжийн “Тоонон” загварыг боловсролын түвшин бүрт нарийвчлан буулган боловсруулж, тодорхой жишээгээр харуулах

Энэхүү судалгааны ажлын зорилго нь хот хоорондын зорчигч тээврийн үйлчилгээний эдийн засгийн үр ашиг, техник ашиглалт зэрэг үзүүлэлтүүдийг тооцох математик загварыг шинжлэх ухааны үндэслэлтэй боловсруулахад оршино.

Бензин болон дизель хөдөлгүүртэй бүх төрлийн тээврийн хэрэгсэлд суурилуулах утаа шүүгчийг дотоодод үйлдвэрлэх боломжийг тодорхойлох.

Түгжрэлийг бууруулах Засгийн газрын зорилтын хүрээнд зорчих урсгалын судалгааг АТҮТ-ийн алтан албан хааагчийн дунд явуулсан судалгаа.

Монгол улсад мотоциклоор үйлдэгдэж буй зам тээврийн осол их гарч байгаа шалтгаан, түүнд нөлөөлөх хүчин зүйлсийг статистик тоон мэдээлэл болон холбогдох бодлогын бичиг баримтын хүрээнд нөхцөл байдлыг тодорхойлж дүн шинжилгээ хийх.

Монгол Улсад нэвтрүүлж болохуйц суурь тэтгэврийн даатгалын загварыг тодорхойлох /суурь тэтгэврийн даатгалд хамрах хүрээ, шимтгэл ногдуулах цалин хөлс, орлого, шимтгэлийн хувь хэмжээ, сард олгох суурь тэтгэврийн хэмжээ, суурь тэтгэврийн сангийн орлого, зарлага, хэтийн хандлага, тооцоолол зэргийг багтаасан загварыг боловсруулах;

Уур амьсгалын өөрчлөлт, хүний буруутай үйл ажиллагааны нөлөөнд өртөн хурдацтай ховордож байгаа болон ховордон устах аюулд өртсөн нийт доод ургамлын төрөл зүйлийн ховордлын зэрэглэлийг Олон Улсын Байгаль хамгаалах холбооны Улаан дансны харгалзах шалгуураар нарийвчлан үнэлэх, (IUCN 2001, 2003) ховордлын шалтгааны тодорхойлох, Монгол орны доод ургамлын улаан дансны жагсаалт гаргах хамгааллын төлөвлөгөө боловсруулах