Их Британи, АНУ, ОХУ-ын компанийн улсын бүртгэлийн тогтолцоо, бүртгүүлэх шаардлага, бүрдүүлэх материал, хувьцаа эзэмшигчдийн бүртгэлийг судалсан. Бүртгэл хариуцсан байгууллага, цахим бүртгэл болон компанийн мэдээлэл авах боломжийг танилцуулсан. Хувьцаа барьцаалах, хувьцаагаар гэрчлэгдсэн өмчлөх эрхийг шилжүүлэх, баталгаажуулах зохицуулалт, холбогдох эрсдэлийг авч үзсэн.

Монголын арьс, ширний үйлдвэрлэлийн нөхцөл байдал, хүчин чадал, технологи, байгаль орчны нөлөөллийг судалсан. Малчдад олгосон түүхий эдийн урамшуулал, үйлдвэрлэгчдэд үзүүлсэн зээлийн дэмжлэг, үйлдвэрлэл, технологийн парк болон түүхий эдийн биржийн асуудлыг авч үзсэн. БНХАУ, ОХУ, Энэтхэг, Турк, Вьетнамын үйлдвэрлэлийг дэмжих бодлого, түүхий эдийн хангамж, өртөг, дэлхийн зах зээлийн мэдээллийг танилцуулсан.

онгол Улсын 2005–2009 оны макро эдийн засгийн төлөв байдал, эдийн засгийн өсөлт, ажилгүйдэл, үйлдвэрлэл, гадаад худалдаа, төсвийн орлого, зарлага болон мөнгөний үзүүлэлтүүдийн өөрчлөлтийг харьцуулан шинжилсэн. Мөн дэлхийн эдийн засаг, санхүүгийн хямралын нөлөөлөл, инфляци, бодлогын хүү, мөнгөний нийлүүлэлт, зээл, хадгаламж, валютын нөөцийн динамикийг нэгтгэж, Хүний хөгжил сангаар дамжуулан иргэдэд мөнгөн хөрөнгө хуваарилах эдийн засгийн нөөц боломжийг тодруулахад чиглэсэн.

Гадаадын орнуудын гол мөрөн, сав газрын хамгаалалт, усны бохирдлыг бууруулах бодлого, удирдлагын зохицуулалтыг судалсан. АНУ, Австралийн хот суурин газрын бохир ус цэвэршүүлэх байгууламжийн технологи, үйл ажиллагаа, стандартын мэдээллийг танилцуулсан. БНХАУ, Туркийн арьс шир боловсруулах үйлдвэрийн бохир усыг цэвэршүүлэх арга хэмжээ, эрх зүйн орчныг тусад нь авч үзсэн.

Монгол Улсын Сургалтын төрийн сангийн зээлээр 2001–2008 онд өндөр хөгжилтэй орнуудад магистр, аспирантур, докторын түвшинд суралцагчдын тоо, сургалтын санхүүжилт, зээлийн эргэн төлөлтийн байдлыг нэгтгэн авч үзсэн. Мөн суралцагчдын улс, сургууль, захиалагч байгууллагын мэдээллийг харьцуулж, гадаадад суралцуулах зээл, буцалтгүй тусламж, санхүүжилт олгох болон эргэн төлүүлэхтэй холбоотой эрх зүйн зохицуулалтыг танилцуулсан.

Улаанбаатар хотын ус хангамж, ариутгах татуурга, хөрсний бохирдол болон гэр хорооллын нүхэн жорлонгийн нөхцөл байдлыг судалсан. Сайжруулсан жорлонгийн төрөл, стандарт, давуу болон сул талыг танилцуулсан. Финланд, Турк, Сингапур, Австрали, Шведийн бохир ус, ариун цэврийн байгууламж, хөрс болон усны бохирдлоос хамгаалах туршлагыг авч үзсэн.

Улс орнуудын ДНБ, улсын төсөв, хөрөнгө оруулалтын харьцааг нэгтгэн харьцуулсан. Монгол Улсын төсвийн орлого, зарлага, хөрөнгө оруулалтын мэдээллийг олон жилийн үзүүлэлт болон 2017 оны төсвийн төслийн мэдээлэлтэй хамтатган танилцуулсан. Монгол Улсын төсөвт захиргааны зардлыг тусгайлан ангилсан өгөгдөл дутмаг тул төсөвт эзлэх хувийг гаргах боломжгүй байсныг тэмдэглэсэн.

Монгол Улсын арилжааны банк, банк бус санхүүгийн байгууллагын эрхлэх үйл ажиллагаа, хязгаарлалт, хяналтын зохицуулалтыг танилцуулсан. Банк бус санхүүгийн салбарын нөхцөл байдал, үйлчилгээний төрөл болон тулгамдсан асуудлыг холбогдох мэдээлэлд тулгуурлан авч үзсэн. Гадаадын зарим орны банкны тогтолцоо, үйл ажиллагааны зохицуулалтын жишээг хамруулсан.

Монгол Улсын нийгэм, эдийн засгийн гол үзүүлэлтийг 2016 оны жилийн эцсийн байдлаар нэгтгэн танилцуулсан. Хүн амын дундаж наслалт, ажилгүйдэл, цалин, нийгмийн даатгал, халамжийн мэдээллийг хамруулсан. Мөн мөнгөний нийлүүлэлт, инфляц, валютын ханш, зээлжих зэрэглэл, улсын төсөв болон бусад эдийн засгийн үзүүлэлтийн өөрчлөлтийг тоймлосон.

Дэлхийн 60 орны тухайн үед хамгийн сүүлд зохион байгуулсан парламентын сонгуулийн хугацааг сар, улирлаар ангилан нэгтгэсэн. Мөн 2016 онд парламентын сонгууль явуулахаар товлосон улс орнуудын огноог тусдаа хүснэгтээр танилцуулсан. Улс орнуудын сонгууль зохион байгуулдаг хугацааны ялгаа, улирлын хуваарилалтын талаар товч тайлбарласан.

Мүүний хөдөлгөөний үүсэл, номлол, бүтэц, зохион байгуулалт болон Монгол Улс дахь үйл ажиллагааны талаарх мэдээллийг нэгтгэсэн. МУИС-ийн Философи, шашин судлалын тэнхмээс гаргасан тайлбар болон уг хөдөлгөөнийг тодорхойлсон судлаачдын байр суурийг танилцуулсан. Гадаадын зарим оронд үйл ажиллагаанд нь хяналт тавьсан, хязгаарласан болон хориглосон талаарх мэдээлэл, Герман, Францын жишээг авч үзсэн.

Монгол Улсын төрөх, нярайн тусламж, үйлчилгээний эрх зүйн орчин болон төрөх, хүүхдийн эмнэлгийн хүрэлцээ, орчин нөхцөлийг статистик, холбогдох байгууллагын мэдээлэлд тулгуурлан судалсан. Эмнэлгийн орны хүрэлцээ, ачаалал, хүний нөөц, санхүүжилт, бодлогын уялдаатай холбоотой тулгамдсан асуудлыг авч үзэж, шийдвэрлэх саналыг дэвшүүлсэн. ДЭМБ-ын зөвлөмж болон Шинэ Зеланд, Их Британийн төрөх, нярайн тусламж, үйлчилгээний стандарт, зохион байгуулалтын туршлагыг танилцуулсан.

Монгол Улсын нефть бүтээгдэхүүний импорт, хилийн болон жижиглэнгийн үнийн өөрчлөлт, шатахууны зах зээлийн бүтэц, өрсөлдөөний нөхцөл байдлыг харьцуулан шинжилсэн. Мөн 2007–2009 оны шатахууны импортын хэмжээ, үнэ, татвар, тээвэрлэлтийн зардал, жижиглэнгийн үнийн зөрүүг тооцож, импортлогч компаниудын үнийн бодлого, зах зээлийн давамгай байдал, шударга бус өрсөлдөөнтэй холбоотой асуудлыг авч үзсэн.

Дэлхийн 21 төв банк, мөнгөний эрх бүхий байгууллагын 2008–2009 оны бодлогын хүүгийн түвшин, өөрчлөлт, шийдвэр гаргах тогтолцоог харьцуулан авч үзсэн. Мөн дэлхийн санхүүгийн хямралын үед төв банкуудаас хэрэгжүүлсэн хүүгийн бодлого, түүний өөрчлөлтийн чиг хандлага, зарим улсын бодлогын хүүгийн түүхэн динамикийг нэгтгэн танилцуулсан

Эдийн засаг, санхүүгийн хямралын үед төсвийн орлогыг нэмэгдүүлэх, зарлагыг бууруулах, төсвийн тэнцвэрийг хангах чиглэлээр олон улсад хэрэглэж буй арга хэмжээг авч үзсэн. АНУ-ын төсвийн зохицуулалтын туршлага, төсвийн удирдлагын байгууллагын зөвлөмжийг нэгтгэн, Монгол Улсын 2009 оны төсвийн тодотголын орлого, зарлагын өөрчлөлтийг харьцуулж, төсвийн зардлыг хэмнэх боломжит арга хэмжээг тодорхойлсон

Монгол Улсын 2009 оны төсвийн тодотголын төсөл, төсвийн орлого, зарлага, хөрөнгө оруулалт, нийгмийн халамжийн зохицуулалт болон төрийн бус байгууллагуудаас гаргасан санал, зөвлөмжийг харьцуулан авч үзсэн. Мөн Унгар, ОХУ, Казахстан, Латви, Украин зэрэг улсын эдийн засаг, санхүүгийн хямралын үед хэрэгжүүлсэн төсвийн бодлого, арга хэмжээг нэгтгэн, төсвийн зохицуулалтын боломжит хувилбаруудыг танилцуулсан