Өндөр технологийн хөгжлийн чиг хандлага, эдийн засгийн өсөлт, инноваци, үйлдвэрлэлийн өрсөлдөх чадварт үзүүлэх нөлөөлөл болон төрийн бодлого, зохицуулалтын онцлогийг авч үзсэн. АНУ, Их Британи, ХБНГУ, Япон, ОХУ-ын өндөр технологи, нанотехнологийг хөгжүүлэх стратеги, санхүүжилт, удирдлага, зохион байгуулалтын туршлагыг харьцуулж, Монгол Улсын шинжлэх ухаан, технологийн бодлого, хүний нөөц, судалгааны байгууллагуудын чадавх, төр, хувийн хэвшлийн хамтын ажиллагааг хөгжүүлэхэд анхаарах асуудлыг тодорхойлсон.

Уул уурхайн орлогоос санхүүждэг дэлхийн 35 баялгийн сангийн хөрөнгийн эх үүсвэр, удирдлага, хөрөнгө оруулалтын бодлого, зарцуулалт, хяналт болон ил тод байдлын зарчмыг харьцуулан авч үзсэн. АНУ-ын Аляска, Чили, Норвеги, Казахстан зэрэг улсын баялгийн сангийн үйл ажиллагаа, эрх зүйн зохицуулалт, хуримтлал, тогтворжуулалтын тогтолцоог шинжилж, Монгол Улсад тохирох баялгийн сангийн удирдлага, санхүүгийн бие даасан байдал, хяналтын механизмыг бүрдүүлэхэд анхаарах асуудлыг тодорхойлсон.

Монгол Улсын уул уурхайн стратегийн ордуудаас бүрдэх орлогыг Хүний хөгжил сангаар дамжуулан иргэдэд хуваарилах боломж, санхүүжилтийн эх үүсвэр болон эдийн засагт үзүүлэх нөлөөллийг үнэлсэн. Иргэн бүрт 1.5 сая төгрөгийг бэлэн болон бэлэн бус хэлбэрээр олгох бодлогын хувилбаруудыг харьцуулж, өрхийн орлого, зарлага, хэрэглээ, дотоодын үйлдвэрлэл, гадаад худалдаа, банкны хадгаламж, инфляцид үзүүлэх эерэг, сөрөг үр дагаврыг тооцоолон, эдийн засгийн тогтвортой байдлыг хангах бодлогын боломжит шийдлийг тодорхойлсон.

онгол Улсын 2005–2009 оны макро эдийн засгийн төлөв байдал, эдийн засгийн өсөлт, ажилгүйдэл, үйлдвэрлэл, гадаад худалдаа, төсвийн орлого, зарлага болон мөнгөний үзүүлэлтүүдийн өөрчлөлтийг харьцуулан шинжилсэн. Мөн дэлхийн эдийн засаг, санхүүгийн хямралын нөлөөлөл, инфляци, бодлогын хүү, мөнгөний нийлүүлэлт, зээл, хадгаламж, валютын нөөцийн динамикийг нэгтгэж, Хүний хөгжил сангаар дамжуулан иргэдэд мөнгөн хөрөнгө хуваарилах эдийн засгийн нөөц боломжийг тодруулахад чиглэсэн.

Монгол Улсын Сургалтын төрийн сангийн зээлээр 2001–2008 онд өндөр хөгжилтэй орнуудад магистр, аспирантур, докторын түвшинд суралцагчдын тоо, сургалтын санхүүжилт, зээлийн эргэн төлөлтийн байдлыг нэгтгэн авч үзсэн. Мөн суралцагчдын улс, сургууль, захиалагч байгууллагын мэдээллийг харьцуулж, гадаадад суралцуулах зээл, буцалтгүй тусламж, санхүүжилт олгох болон эргэн төлүүлэхтэй холбоотой эрх зүйн зохицуулалтыг танилцуулсан.

Монгол Улсын арилжааны банк, банк бус санхүүгийн байгууллагын эрхлэх үйл ажиллагаа, хязгаарлалт, хяналтын зохицуулалтыг танилцуулсан. Банк бус санхүүгийн салбарын нөхцөл байдал, үйлчилгээний төрөл болон тулгамдсан асуудлыг холбогдох мэдээлэлд тулгуурлан авч үзсэн. Гадаадын зарим орны банкны тогтолцоо, үйл ажиллагааны зохицуулалтын жишээг хамруулсан.

Монгол Улсын нефть бүтээгдэхүүний импорт, хилийн болон жижиглэнгийн үнийн өөрчлөлт, шатахууны зах зээлийн бүтэц, өрсөлдөөний нөхцөл байдлыг харьцуулан шинжилсэн. Мөн 2007–2009 оны шатахууны импортын хэмжээ, үнэ, татвар, тээвэрлэлтийн зардал, жижиглэнгийн үнийн зөрүүг тооцож, импортлогч компаниудын үнийн бодлого, зах зээлийн давамгай байдал, шударга бус өрсөлдөөнтэй холбоотой асуудлыг авч үзсэн.

Дэлхийн 21 төв банк, мөнгөний эрх бүхий байгууллагын 2008–2009 оны бодлогын хүүгийн түвшин, өөрчлөлт, шийдвэр гаргах тогтолцоог харьцуулан авч үзсэн. Мөн дэлхийн санхүүгийн хямралын үед төв банкуудаас хэрэгжүүлсэн хүүгийн бодлого, түүний өөрчлөлтийн чиг хандлага, зарим улсын бодлогын хүүгийн түүхэн динамикийг нэгтгэн танилцуулсан

Эдийн засаг, санхүүгийн хямралын үед төсвийн орлогыг нэмэгдүүлэх, зарлагыг бууруулах, төсвийн тэнцвэрийг хангах чиглэлээр олон улсад хэрэглэж буй арга хэмжээг авч үзсэн. АНУ-ын төсвийн зохицуулалтын туршлага, төсвийн удирдлагын байгууллагын зөвлөмжийг нэгтгэн, Монгол Улсын 2009 оны төсвийн тодотголын орлого, зарлагын өөрчлөлтийг харьцуулж, төсвийн зардлыг хэмнэх боломжит арга хэмжээг тодорхойлсон

Монгол Улсын 2009 оны төсвийн тодотголын төсөл, төсвийн орлого, зарлага, хөрөнгө оруулалт, нийгмийн халамжийн зохицуулалт болон төрийн бус байгууллагуудаас гаргасан санал, зөвлөмжийг харьцуулан авч үзсэн. Мөн Унгар, ОХУ, Казахстан, Латви, Украин зэрэг улсын эдийн засаг, санхүүгийн хямралын үед хэрэгжүүлсэн төсвийн бодлого, арга хэмжээг нэгтгэн, төсвийн зохицуулалтын боломжит хувилбаруудыг танилцуулсан

Энэхүү судалгаагаар 2008–2009 оны дэлхийн эдийн засаг, санхүүгийн хямралын шалтгаан, Монгол Улсын эдийн засагт үзүүлсэн нөлөөлөл, банк санхүү, төсөв, гадаад худалдаа, валютын зах зээлийн нөхцөл байдлыг судалсан. Мөн бусад улсын хямралыг даван туулах бодлого, олон улсын байгууллагын зөвлөмжийг харьцуулан шинжилж, эдийн засгийг тогтворжуулах, хямралыг даван туулах арга хэмжээний санал, зөвлөмж боловсруулсан бодлогын судалгаа юм.

Монгол Улсын бүс нутгийн хөгжлийн түвшин, эдийн засаг, нийгмийн ялгаа, төвөөс алслагдсан байдал, дэд бүтэц, байгаль цаг уурын нөхцөлийг харьцуулан судалсан. Мөн ОХУ, Канад, Казахстаны бүсийн нэмэгдлийн зохицуулалтын туршлагыг шинжилж, санхүүгийн дэмжлэг шаардлагатай Баруун бүсийн 4 аймгийн 9 сумыг бичил бүсээр тодорхойлон, бүсийн нэмэгдэл олгох шалгуур, хэлбэрийг боловсронгуй болгох санал, зөвлөмж боловсруулсан бодлогын судалгаа юм.

Энэхүү судалгаагаар Монгол Улсын малчдад арилжааны банкуудаас олгосон зээлийн хэмжээ, эргэн төлөлт, зээлийн үлдэгдэл, малын барьцааны үнэлгээний байдлыг судалсан. Мөн ХААН, Анод, Монгол шуудан банкны зээлийн мэдээллийг харьцуулж, малчдын зээлийн эрсдэл, барьцааны үнэлгээний зөрүүг тодорхойлон, зээлийн нөхцөлийг хөнгөвчлөх, төрийн баталгаа болон дэмжлэгийн механизмыг боловсронгуй болгох санал, зөвлөмж боловсруулсан бодлогын судалгаа юм.

Энэхүү судалгаагаар ашигт малтмалын орд ашиглах хөрөнгө оруулалтын болон тогтвортой байдлын гэрээний эрх зүйн зохицуулалт, санхүү, татварын нөхцөл, төрийн оролцоо, олон улсын туршлагыг харьцуулан судалсан. Мөн ОХУ, Киргизстан, Перу болон бусад улсын туршлагад үндэслэн Оюу толгойн хөрөнгө оруулалтын гэрээний төслийн зохицуулалт, эрсдэл, эдийн засгийн үр ашгийг шинжилж, гэрээний нөхцөл, татварын бодлогыг боловсронгуй болгох санал, зөвлөмж боловсруулсан бодлогын судалгаа юм.

Бүсчилсэн хөгжлийн үзэл баримтлалд тулгуурласан зам, тээврийн салбарын бүсчилсэн хөгжлийн түүвэр судалгаа

БНХАУ-ын 15 дугаар таван жилийн (2026-2030) төлөвлөгөө, Өвөр Монголын өөртөө засах орны 5 жилийн төлөвлөгөөний талаарх эх сурвалжуудад гарсан тойм судалгаа, мэдээллийн эмхэтгэл