Хайлтын үр дүн

124 илэрц олдлоо.

/ 2010 он

Улаанбаатар хотын агаарын бохирдлын эх үүсвэр, агаарын чанар, хүн амын эрүүл мэндэд үзүүлэх нөлөөлөл, бохирдлыг бууруулах арга хэмжээний хэрэгжилт, санхүүжилтийг өмнөх судалгаа, тайлангуудад тулгуурлан шинжилсэн. БНХАУ, Япон, ОХУ-ын агаарын бохирдлыг бууруулах технологи, хяналт, зохицуулалтын туршлагыг авч үзэж, эрх зүй, эдийн засаг, нийгэм, эрүүл мэнд, эрчим хүчний чиглэлээр хэрэгжүүлэх санал, зөвлөмж боловсруулсан.

/ 2020 он

УИХ-ын зургаа, долоо дахь удаагийн бүрэн эрхийн хугацааны нэгдсэн болон байнгын хороодын хуралдааны ирцийг хамруулсан. Хуралдааны тоо, үргэлжилсэн хугацаа, гишүүдийн оролцоо, хоцролт, таслалт, чөлөө болон томилолтын мэдээллийг нэгтгэсэн. Үзүүлэлтүүдийг бүрэн эрхийн хугацаа, чуулган, гишүүн тус бүрээр хүснэгтлэн харуулсан.

/ 2020 он

Гадаадын парламентын судалгааны алба, номын сан, судалгааны институтын орон тооны мэдээллийг нэгтгэсэн. Парламентын танхимын бүтэц, гишүүдийн тоо, судалгааны байгууллагын нэр, ажилтнуудын тоог зэрэгцүүлэн харуулсан. Судалгааны болон номын сангийн ажилтны тоог парламентын гишүүдийн тоотой харьцуулсан мэдээллийг мөн оруулсан.

/ 2010 он

Монгол Улсын төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагааны эрх зүйн зохицуулалт, 2006–2010 оны хэрэгжилт, тендер шалгаруулалтын ил тод байдал, хяналт, авлигын эрсдэл болон тулгамдсан асуудлыг шинжилсэн. Их Британийн тендер шалгаруулалтын туршлага, Европын зарим улсын хэрэглэж байсан загварыг дурдан, худалдан авах ажиллагааны үр ашиг, өрсөлдөөн, хариуцлагын тогтолцоог сайжруулах бодлогын санал, зөвлөмж боловсруулсан.

/ 2019 он

Их Британийн Засгийн газрын Кабинетийн бүтэц, Ерөнхий сайдын үүрэг, парламентын сонгуулийн дараа Засгийн газар байгуулах үйл явцыг тайлбарласан. Аль нэг нам олонх болоогүй үед Засгийн газар бүрдүүлэх хэлбэр, намуудын хэлэлцээр, төрийн албаны оролцоог авч үзсэн. Ерөнхий сайд, Засгийн газар огцрох, парламентын итгэлтэй холбогдох зохицуулалтыг танилцуулсан.

/ 2010 он

Америкийн Нэгдсэн Улсын Конгрессийн судалгааны алба, Конгрессийн номын сангийн бүтэц, зохион байгуулалт, чиг үүрэг, судалгааны үйлчилгээ, хууль тогтоох үйл ажиллагаанд үзүүлэх мэргэжлийн дэмжлэгийг авч үзсэн. АНУ-ын Мэрилэнд мужийн хууль тогтоох байгууллагын судалгааны ажлын туршлага, Канадын парламентын зөвлөхийн танилцуулсан мэдээллийг хамруулж, судалгааны байгууллагын хараат бус байдал, судалгааны төрөл, бүтээгдэхүүн, зохион байгуулалтын онцлогийг тодорхойлсон.

/ 2019 он

: Парламентын гишүүдийн тоог хүн амын хэмжээтэй холбон тайлбарладаг куб язгуурын хуулийн үзэл санаа, томьёог танилцуулсан. Хуулиар тогтоосон болон томьёогоор тооцоолсон гишүүдийн тооны харьцуулалтыг авч үзсэн. Нийт болон идэвхтэй хүн амд тулгуурлах тооцоолол, парламентын хэмжээнд нөлөөлөх бусад хүчин зүйлийг тайлбарласан.

/ 2010 он

Филипин Улсын парламентын Тамгын газрын бүтэц, зохион байгуулалт, бодлогын болон төсвийн судалгаа, хууль зүйн судалгаа, мэдээллийн үйлчилгээний туршлагыг авч үзсэн. Конгрессийн судалгааны байгууллага, номын сан, Мэдлэгийн менежментийн төв болон Дэлхийн банкны хөгжлийн сургалтын сүлжээний үйл ажиллагааг судалж, Монгол Улсын Их Хурлын Тамгын газрын судалгаа, мэдээллийн үйлчилгээ, байгууллагын чадавхыг сайжруулах боломжийг тодорхойлсон.

/ 2010 он

Австрали Улсын парламентын Сенат, Төлөөлөгчдийн танхимын Тамгын газар, Парламентын үйлчилгээний газар болон номын сангийн бүтэц, зохион байгуулалт, үйл ажиллагааны туршлагыг авч үзсэн. Парламентын байнгын хороодын ажлын алба, олон нийттэй харилцах үйл ажиллагаа, судалгааны үйлчилгээ, хуулийн төслийн шинжилгээний арга зүй, судлаачдын чиг үүргийг судалж, Монгол Улсын парламентын судалгаа, мэдээллийн үйлчилгээний зохион байгуулалтад ашиглаж болох туршлагыг тодорхойлсон.

/ 2019 он

1990–2019 оны Монгол Улсын Засгийн газрын гишүүн, сайд нарын мэдээллийг нэгтгэсэн. Ажилласан он, хашсан албан тушаал, нэр болон парламентын гишүүн байсан эсэхийг хүснэгтээр харуулсан. Ерөнхий сайдын үүрэг гүйцэтгэгч болон холбогдох зарим албан тушаалын талаарх тайлбарыг оруулсан.

/ 2019 он

Гадаадын 12 улсын парламентын болон байнгын хороодын хуралдааны танхимыг схем, гэрэл зургаар танилцуулсан. Австрали, Канад, Шинэ Зеландын парламентын танхимын зохион байгуулалт, суудлын хуваарилалтыг дэлгэрүүлэн харуулсан. Бусад орны байнгын хороодын танхимын хамт нийт 40 схем, гэрэл зургийг нэгтгэсэн.

/ 2019 он

Гадаадын парламентуудын стратеги төлөвлөгөөний хугацаа, зорилго, тэргүүлэх чиглэл, хэрэгжүүлэх арга хэмжээг харьцуулсан. Хууль тогтоох, хяналт тавих, төлөөлөх чиг үүрэг, ажлын албаны чадавх, цахим парламент зэрэг асуудлыг төлөвлөгөөнд тусгасан байдлыг авч үзсэн. Австрали, Их Британи, Молдова, Шинэ Зеландын парламентын ажлын албадын стратеги төлөвлөгөөг мөн танилцуулсан.

/ 2009 он

Гадаадын 23 улсын парламентын судалгааны нэгжийн харьяалал, эрх зүйн статус, үүсэл хөгжил, бүтэц зохион байгуулалт, чиг үүрэг, судалгааны бүтээгдэхүүнийг харьцуулан авч үзсэн. Парламентын гишүүд, байнгын хороодыг судалгаа, мэдээлэл, шинжилгээний материалаар хангах тогтолцоо, судалгааны нэгжүүдийн үйл ажиллагааны онцлог, зохион байгуулалтын ялгааг нэгтгэн танилцуулсан.

/ 2009 он

Монгол Улсын Их Хурлын судалгаа, шинжилгээний нэгжийн 1991–2009 оны түүхэн хөгжил, бүтэц, зохион байгуулалт, чиг үүрэг, эрх зүйн үндэслэлийг үе шаттайгаар авч үзсэн. Төр, нийгэм судлалын академиас эхлэн Судалгааны төв, Бодлогын шинжилгээний төв, Судалгаа, шинжилгээ, олон нийттэй харилцах төв болон хөгжсөн үйл явцыг нэгтгэн, судалгааны ажлын зохион байгуулалт, хүний нөөц, үйл ажиллагааны үр дүн, олон улсын хамтын ажиллагааг танилцуулсан

/ 2009 он

Монгол Улсын төрийн байгууллагуудын албан хаагчдын тоо бүртгэл, орон тооны өсөлт, бууралт, цалингийн сангийн өөрчлөлтийг 2005–2008 оны мэдээлэлд тулгуурлан авч үзсэн. Төрийн байгууллагуудын хүний нөөцийн бүртгэлийн аргачлал, мэдээллийн зөрүү, давхар ажил эрхлэлт болон байгууллагын бүтцийн өөрчлөлтөөс үүдэлтэй тоо бүртгэлийн хүндрэлүүдийг тодорхойлж, яам, агентлагуудын орон тоо, цалингийн сангийн үзүүлэлтүүдийг харьцуулан нэгтгэсэн.

/ 2009 он

Монгол Улсад авлига, төрийн албаны хүнд суртал, төрийн албан хаагчийн ашиг сонирхлын зөрчлийн чиглэлээр өмнө хийгдсэн судалгаа, тайлан, ном зүйн мэдээллийг нэгтгэн тоймлосон. Авлигын тархалт, олон нийтийн хандлага, төрийн байгууллагын ил тод байдал, хүнд суртлын индекс, ашиг сонирхлын зөрчлийн шалтгаан, эрх зүйн зохицуулалтын асуудлыг авч үзэж, өмнөх судалгаануудын үр дүн, дүгнэлт, бодлогын зөвлөмжийг харьцуулан танилцуулсан.

Судалгаа