Монгол Улсын тэтгэврийн нэрийн дансны эрх зүйн зохицуулалт, хуримтлал, тэтгэврийн хөрөнгийг өвлүүлэхтэй холбоотой асуудлыг шинжилсэн. ХБНГУ, Япон, Эстони, Украин улсын тэтгэврийн тогтолцоо, нэрийн данс болон тэтгэврийн эрхийг өвлүүлэх нөхцөл, өвлөгчийн эрх зүйн байдал, нас барсан даатгуулагчийн гэр бүлийн гишүүдэд олгох тэтгэвэр, төлбөрийн зохицуулалтыг харьцуулсан

Монгол Улсын оюуны хөгжлийн бэрхшээлтэй хүүхдүүдийн боловсрол эзэмших эрх, сургалтын байгууллагын тогтолцоо, сургалтын стандарт, багшлах боловсон хүчин, төсвийн санхүүжилт, хөдөө орон нутгийн хүүхдийн боловсролын хүртээмжийг шинжилсэн. Франц, Швейцар, ОХУ-ын тусгай боловсролын хөгжлийн түүхэн жишээг авч үзэж, Монгол Улсын тусгай сургуулиудын үйл ажиллагаа, сургалтын орчин, санхүүжилт, хүний нөөцийн асуудлыг тодорхойлсон

АНУ, ХБНГУ, ОХУ, БНСУ, Японы ялтны хөдөлмөр эрхлэлтийн эрх зүйн зохицуулалт, албадан болон сайн дурын хөдөлмөр, хөдөлмөрийн нөхцөл, цалин хөлс, мэргэжлийн сургалтын тогтолцоог харьцуулсан. Ялтны хөдөлмөр эрхлэлтийг засан хүмүүжүүлэх, мэргэжил эзэмшүүлэх, нийгэмд эргэн дасан зохицох үйл ажиллагаатай уялдуулах зохицуулалтын онцлогийг тодорхойлсон

ХБНГУ-ын мэргэшлийн холбоо, мэргэжлийн танхим, нийтийн болон хувийн эрх зүйн хуулийн этгээдийн ойлголт, бүтэц, чиг үүрэг, гишүүнчлэл, өөрөө удирдах ёсны зохицуулалтыг шинжилсэн. Мэргэжлийн холбоодын эрх зүйн байдал, гишүүдийн ашиг сонирхлыг төлөөлөх, мэргэжлийн шаардлага тогтоох, төрийн хяналт хэрэгжүүлэх тогтолцооны онцлогийг тодорхойлсон

Монгол Улсын тэмдэгтийн хураамжийн эрх зүйн зохицуулалт, 2002–2010 оны төсвийн орлого, архи, согтууруулах ундааны худалдаа, татварын бодлогыг шинжилсэн. БНХАУ, Сингапур, Ирландын тэмдэгтийн хураамжийн зохицуулалт, Ирланд, Шинэ Зеланд, БНХАУ-ын архидалттай тэмцэх бодлого болон Франц, Их Британи, ХБНГУ, ОХУ-ын архины татварын туршлагыг харьцуулсан

Монгол Улсын төрийн дээд цол, одон, медалийн тухай хуулийн төслийн үзэл баримтлал, шагналын төрөл, нэршил, олгох зарчим, мөнгөн урамшуулал, төсөвт үзүүлэх нөлөөлөл, бусад хууль тогтоомжтой нийцэх байдлыг шинжилсэн. Төрийн шагналын тогтолцоог шинэчлэх, шагналын давхардлыг арилгах, олгох шалгуур, зарчим, эрх зүйн зохицуулалтыг боловсронгуй болгох санал, зөвлөмж боловсруулсан

Монгол Улсын улс төрийн намуудын гишүүнчлэл, намд элсэх, гишүүнээс түдгэлзэх, гарах, намын гишүүний эрх, үүрэг, бүртгэлийн зохицуулалтыг шинжилсэн. ХБНГУ, Унгар, Португал, Бразил, Энэтхэг, Швейцарь, Мексик, АНУ, Их Британи, Шинэ Зеланд болон бусад улсын улс төрийн намын бүртгэл, гишүүнчлэл, намын тогтолцооны туршлагыг харьцуулсан. Мөн Монгол Улсын улс төрийн намуудын дүрэм, бүртгэлийн мэдээлэл, иргэдийн санал асуулгын үр дүнд тулгуурлан намын гишүүнчлэлийн бодлогын асуудлыг авч үзсэн.

Монгол Улсын Тамхины хяналтын тухай хуулийн хэрэгжилт, тамхины хэрэглээ, стандарт, хяналт, хариуцлагын зохицуулалт, хэрэгжилтэд тулгамдсан асуудлыг шинжилсэн. ОХУ, Турк, Их Британи, Япон, Испанийн тамхины хэрэглээг хязгаарлах, хяналт тавих, хариуцлага ногдуулах эрх зүйн зохицуулалтыг харьцуулж, Тамхины хяналтын тухай хуульд нэмэлт, өөрчлөлт оруулах хуулийн төслийг боловсронгуй болгох санал, дүгнэлт боловсруулсан.

Парламентын нэгдсэн болон байнгын хорооны хуралдааны нээлттэй, хаалттай зохион байгуулалт, оролцогчдын хүрээ, хэвлэл мэдээллийн оролцоо, хуралдааны мэдээллийг нийтлэх зохицуулалтыг шинжилсэн. Австрали, АНУ, БНХАУ, Япон, ОХУ, Франц, Шинэ Зеланд, ХБНГУ, Туркийн парламентын хуралдааны дэгийг харьцуулж, Монгол Улсын Их Хурлын чуулганы хуралдааны дэгийн тухай хуулийн 7.1 дэх хэсгийн зохицуулалтыг үнэлсэн.

ОХУ, Япон, АНУ, ХБНГУ-ын өмгөөллийн байгууллагын тогтолцоо, өмгөөлөгчийн эрх зүйн байдал, эрх, үүрэг, үйл ажиллагааны хэлбэр, мэргэжлийн зохицуулалтыг харьцуулсан. АНУ-ын Техас мужийн хуульчдын холбооны дүрэм, Франц, ХБНГУ-ын өмгөөллийн үйл ажиллагааны зохицуулалтын мэдээллийг ашиглаж, Монгол Улсын Өмгөөллийн тухай хуулийн шинэчилсэн найруулгын төсөлд харгалзан үзэх эрх зүйн онцлогийг тодорхойлсон.

Монгол Улсын Их Хурлын гишүүний халдашгүй байдал, бүрэн эрхийн баталгаа, парламентын хэлэлцүүлгийн үеэр хэлсэн үг, илэрхийлсэн байр суурьтай холбоотой хариуцлагын зохицуулалтыг шинжилсэн. АНУ, ОХУ, Австрали, Франц, Унгар, ХБНГУ, Украин, Киргиз, Литва, Латви, Эстони, Румын зэрэг улсын Үндсэн хууль, парламентын дэгийн холбогдох зохицуулалтыг харьцуулж, Улсын Их Хурлын тухай хуулийн 34.3 дахь заалтыг боловсронгуй болгох санал боловсруулсан.

Эстони, Польш, Молдова, ХБНГУ, Эквадор, Турк, АНУ-ын улс төрийн намын санхүүжилтийн эх үүсвэр, гишүүний татвар, хандив, төрийн дэмжлэг, санхүүгийн тайлагнал, хяналтын эрх зүйн зохицуулалтыг харьцуулсан. Санхүүжилтийн таван үндсэн эх үүсвэр, төрийн санхүүжилт олгох шалгуур, хувийн хандивын хязгаарлалт, ил тод байдлыг хангах зохицуулалтын онцлогийг тодорхойлсон.

Монгол Улсын дүүргийн Засаг дарга, нутгийн удирдлагын байгууллагын эрх хэмжээ, чиг үүргийг зохицуулсан 63 хуулийн холбогдох заалтыг нэгтгэн судалсан. Хот байгуулалт, газрын харилцаа, төсөв, нийгмийн үйлчилгээ, байгаль орчин, захиргааны удирдлага зэрэг салбар дахь дүүргийн байгууллагын бүрэн эрх, хүлээх үүргийн эрх зүйн үндэслэлийг тодорхойлсон.

Монгол Улсын нийслэлийн дүүргүүдийн эрх мэдэл, төсөв, татвар, өмч, газрын харилцааны зохицуулалт, эдийн засгийн бие даасан байдлыг шинжилсэн. Нийслэлийн эрх зүйн байдлын тухай хуулийн төсөл болон холбогдох хууль тогтоомжид үндэслэн дүүргийн төсвийн орлогын эх үүсвэрийг өргөжүүлэх, татварын орлогын зохих хэсгийг дүүрэгт төвлөрүүлэх, санхүүгийн бие даасан байдлыг нэмэгдүүлэх санал боловсруулсан.

Унгар, Дани, Франц, ХБНГУ, Ирланд, Испани, Английн орон нутгийн сонгуулийн тогтолцоо, санал тоолох аргачлал, нэр дэвшүүлэх эрх, улс төрийн намуудын оролцоо, төлөөлөгчдийн бүрэн эрхийн хугацааг харьцуулсан. Унгар Улсын орон нутгийн сонгуулийн хуулийн шинэчлэл, төлөөлөгчдийн тоо, сонгуулийн холимог тогтолцооны зохицуулалтыг дэлгэрэнгүй шинжилсэн.

Хэрэглэгчийн эрхийг хамгаалах байгууллагуудын бүтэц, чиг үүрэг, эрх зүйн байдал, хяналт, мэдээлэл, зөвлөгөө өгөх үйл ажиллагааны онцлогийг шинжилсэн. АНУ, Швед, Их Британи, ХБНГУ, Турк, Ирланд, БНСУ-ын хэрэглэгчийн эрхийг хамгаалах төрийн болон төрийн бус байгууллагын тогтолцоо, хамтын ажиллагаа, хэрэглэгчийн хөдөлгөөний туршлагыг харьцуулж, Монгол Улсын хэрэглэгчийн эрхийг хамгаалах тогтолцоог боловсронгуй болгох санал дэвшүүлсэн.