ХБНГУ-ын Веберийн болон АНУ-ын Блэкийн хууль зүйн толь бичгийн үүсэл, хөгжлийн түүх, агуулга, ач холбогдлыг тоймлон танилцуулсан. Толь бичгийн зохиогчдын бүрэлдэхүүн, мэргэжлийн шаардлага, шинэчлэн хэвлэх үйл явц, нэр томьёоны хамрах хүрээ, хэрэглээ болон мэргэжлийн хүрээнд хүлээн зөвшөөрөгдөх байдлыг авч үзэж, Монголын хууль зүйн толь бичгийн талаарх мэдээллийг багтаасан.

Монгол Улсын Ерөнхийлөгчийн институц үүссэн түүх, Үндсэн хуулийн хэлэлцүүлэг, Ерөнхийлөгчийг сонгох журмын өөрчлөлтийг тоймлон судалсан. Парламентын засаглалтай орнуудын төрийн тэргүүний нэршил, сонгох, томилох хэлбэрийг ангилан, Ерөнхийлөгчийг бүх нийтийн сонгууль, парламент болон сонгогчдын коллегиос сонгох журам, саналын босго, эдгээр хувилбарын эерэг, сөрөг талыг харьцуулсан.

Парламентын гишүүн өөр ажил, албан тушаал хавсран эрхлэхийг зөвшөөрөх, хязгаарлах, хориглох Үндсэн хуулийн зохицуулалтыг тоймлон судалсан. Монгол Улсын Үндсэн хуулийн төслийн хэлэлцүүлэг, нэмэлт, өөрчлөлт, Үндсэн хуулийн цэцийн дүгнэлтүүдийг авч үзэж, парламентын засаглалтай орнуудад парламентын болон Засгийн газрын гишүүний албыг хавсран гүйцэтгэх нөхцөл, ялгааг харьцуулсан.

Монгол Улсын парламентын сонгуулийн түүх, Үндсэн хуулийн зохицуулалт, сонгуулийн тогтолцоотой холбоотой Үндсэн хуулийн цэцийн маргааныг тоймлон судалсан. Олон улсын туршлагын хүрээнд ардчилсан сонгуулийн зарчим, мажоритар, пропорциональ, холимог тогтолцооны хувилбар, давуу болон сул тал, Үндсэн хуульд тусгасан зохицуулалт, парламентын гишүүдийг сэлгэн сонгох туршлагыг харьцуулсан.

Парламентын гишүүдийн тоог тогтоох зарчим, хүн амын хэмжээ болон парламентын төлөөллийн харьцааг олон улсын туршлагад тулгуурлан судалсан. Монгол Улсын Үндсэн хуулийн хэлэлцүүлэг, гишүүдийн тоог өөрчлөх саналын түүхэн баримтыг нэгтгэж, улс орнуудын парламентын бүрэлдэхүүн, нэг гишүүний төлөөлөх хүн амын тоо болон олон, цөөн гишүүнтэй парламентын онцлогийг харьцуулсан.

Дэлхийн улс орнуудын парламентын нэг танхим, хоёр танхим болон хоёр шатлал бүхий бүтцийн онцлог, эерэг, сөрөг талыг тоймлон судалсан. Монгол Улсын Үндсэн хуулийн хэлэлцүүлэг, өмнөх асуулга, зөвлөлдөх санал асуулгын материалыг авч үзэж, парламентын бүтцийг засаглалын болон төрийн байгууламжийн хэлбэртэй холбон харьцуулсан.

ОХУ, Франц, Эстонийн шүүхийн шинжээчийн эрх зүйн байдал, томилгоо, дүгнэлтийг үнэлэх зохицуулалтыг харьцуулан судалсан. Шүүхийн шинжилгээний эрх зүйн орчин, шинжээчид тавих шаардлага, дүгнэлт гаргах журам болон шинжээчийн дүгнэлтийг хэрэг хянан шийдвэрлэх ажиллагаанд нотлох баримтын түвшинд хэрхэн авч үздэгийг нэгтгэн тайлбарласан.

Монгол Улс, ОХУ, БНСУ, Туркийн гүйцэтгэх ажлын эрх зүйн орчин, хэрэгжүүлэгч байгууллагын эрх, үүрэг, хяналтын тогтолцоог харьцуулан судалсан. Тагнуулын болон нууц мөрдөн шалгах ажиллагааны үед хүний эрхийг хангах зохицуулалт, парламентын хяналтын хороо, ерөнхий хянан шалгагч, хөндлөнгийн мэргэшсэн хяналтын байгууллагын хэлбэрийг авч үзсэн.

Их Британи, Ирланд, Канад, Австралийн парламент дахь Ерөнхий сайдын мэдээлэл, асуулт хариултын дэгийг харьцуулан судалсан. Парламентын олонх, цөөнхийн асуулт асуух эрх, дараалал, хугацааны хязгаарлалт, Ерөнхий сайд биечлэн оролцох, бусад сайдаар төлөөлүүлэх нөхцөлийг нэгтгэж, Сингапур, Малайз, Герман, Болгарын туршлагыг тоймлон авч үзсэн.

Гадаадын 10 орны зөвшөөрөл, тусгай зөвшөөрлийн хууль тогтоомж, хэрэгжилтэд хяналт тавих тогтолцоог харьцуулан судалсан. Зөвшөөрлийн төрөл, тоог тогтоох, жагсаалтад өөрчлөлт оруулах журам, дуудлага худалдаа болон сонгон шалгаруулалтаар олгох нөхцөл, хяналт хэрэгжүүлэх байгууллага, олон нийтийн зөвлөлийн эрх зүйн байдал, бүтэц, санхүүжилтийг нэгтгэн тайлбарласан.

Монгол Улсын гэрлэлт, гэр бүл салалт, гэр бүлийн маргаан, хүүхдийн эрх, тэтгэлгийн нөхцөл байдлыг хууль тогтоомж, статистик, өмнөх судалгаанд тулгуурлан авч үзсэн. Их Британи, Эстони, БНСУ, Нидерланд, Канадын гэр бүлийн харилцааны зохицуулалт, хариуцсан байгууллага, зөрчил шийдвэрлэх арга хэмжээ болон олон улсын баримт бичгийг харьцуулан судалсан.

Хэвлэл мэдээллийн тогтолцооны загвар, хараат бус байдалд нөлөөлөх хүчин зүйлс, үзэл бодлоо илэрхийлэх эрх чөлөөний олон улсын жишгийг тоймлон судалсан. ЮНЕСКО болон Европын байгууллагуудын тайлан, судалгаанд тулгуурлан цахим платформ, худал мэдээлэл, сэтгүүлчдийн аюулгүй байдал, санхүүгийн тогтвортой байдал, хэвлэл мэдээлэлд итгэх итгэлийн асуудлыг авч үзсэн.

Иргэдийн өргөдөл, гомдол, хүсэлтийг хүлээн авч шийдвэрлэх байгууллагын эрх зүйн байдал, бүтэц, чиг үүрэг, хяналтын тогтолцоог судалсан. Филиппин, Япон, Энэтхэг, Их Британийн байгууллагын туршлага болон Канад, ОХУ, Украин, Австралийн өргөдөл, гомдол шийдвэрлэх зохицуулалт, цахим систем, хариу өгөх механизмыг харьцуулсан.

Төрийн хөрөнгөөр бараа, ажил, үйлчилгээ худалдан авах ажиллагааны зохицуулалт, оролцогчдод тавих шаардлага, баталгааны хэлбэрүүдийг судалсан. Латви, Тайвань, Киргиз, БНСУ-ын хууль тогтоомжийг харьцуулж, АНУ-ын туршлагаар тендерийн, урьдчилгаа төлбөрийн болон гүйцэтгэлийн баталгаанд даатгалын баталгаа ашиглах асуудлыг дэлгэрүүлэн авч үзсэн.

Эмэгтэйчүүдийн бизнес эрхлэлтийг дэмжих олон улсын чиг хандлага, эмэгтэй эзэнтэй бизнесийн тодорхойлолт, тусгайлсан хууль тогтоомжийг судалсан. АНУ, БНСУ, Филиппиний туршлагыг харьцуулж, Монгол Улсын бизнесийн орчин, эмэгтэй бизнес эрхлэгчдийн нөхцөл байдал, эдийн засгийн оролцоо болон дэмжлэгийн асуудлыг авч үзсэн.

Цалин хөлс, нэрлэсэн болон бодит цалингийн ойлголт, тооцох аргачлал, худалдан авах чадварт нөлөөлөх хүчин зүйлсийг судалсан. Монгол Улсын нөхцөл байдал, хөдөлмөрийн харилцааны зохицуулалтыг АНУ, Их Британи, Канад, Герман, Хойд Македоны туршлагатай харьцуулж, цар тахлын үед цалин, орлогыг дэмжсэн арга хэмжээ, олон улсын зөвлөмжийг танилцуулсан.