Монгол Улс, БНХАУ хооронд цөөн нэр төрлийн бараагаар чөлөөт худалдааны хэлэлцээр байгуулах боломж, эдийн засгийн үр нөлөө, тарифын болон тарифын бус зохицуулалтыг шинжилсэн. Нүүрс, синтетик хий, төмөр, ган, хонины махны үйлдвэрлэл, экспорт, БНХАУ-ын зах зээлийн нөхцөлийг судалж, БНХАУ-ын АСЕАН, Чили, Пакистан, Шинэ Зеланд зэрэгтэй байгуулсан хэлэлцээрийн туршлагыг авч үзсэн

Монгол Улсад үйл ажиллагаа явуулж байсан төрийн болон төрийн бус судалгааны байгууллага, эрдэм шинжилгээний хүрээлэн, их, дээд сургуулийн судалгааны нэгжүүд, тэдгээрийн мэдээллийн санг нэгтгэн шинжилсэн. Судалгааны үеийн 100 гаруй байгууллага, нэгжийн мэдээлэлд тулгуурлан судалгааны бүтээл, мэдээллийн санг Улсын Их Хурлын хууль тогтоох, шийдвэр гаргах үйл ажиллагаанд ашиглах боломжийг авч үзсэн

Монгол Улсын 2011 онд шинэчлэн баталсан Гадаад бодлогын үзэл баримтлалын хэрэгжилтийг тоймлон шинжилсэн. Улс төр, эдийн засаг, шинжлэх ухаан, технологи, соёл, хүмүүнлэгийн гадаад харилцаа, гадаадад байгаа иргэдийн эрх ашгийг хамгаалах, олон улсын байгууллагуудтай хамтран ажиллах чиглэлээр судалгааны үеийн хэрэгжилтийн мэдээллийг нэгтгэсэн

Монгол Улс болон БНХАУ-ын 2015–2025 оны эрчим хүчний хэрэглээний төсөөлөл, Монгол Улсын импортын цахилгааны хэрэгцээ, худалдан авах зардлыг шинжилсэн. Монгол Улсын нар, салхи, усны эрчим хүчний нөөц, БНХАУ-д цахилгаан эрчим хүч экспортлох боломжийг авч үзсэн

Монгол Улс, БНХАУ-ын төмөр замын царигийн ялгаанаас үүдэн ашигт малтмалын экспортын бүтээгдэхүүнийг хилийн боомтод шилжүүлэн ачихад гарах зардлыг шинжилсэн. Нүүрс, төмрийн хүдэр, зэсийн баяжмалын экспортын таамаг хэмжээнд үндэслэн 2015–2025 оны шилжүүлэн ачилтын зардлын тойм тооцоог авч үзсэн

Хөдөлмөрийн бүтээмжийн онол, тооцох аргачлал, бүтээмж болон цалин хөлсний хамаарлыг шинжилсэн. Монгол Улсын 1995–2013 оны ДНБ, ажиллах хүч, салбарын үйлдвэрлэл, цалин хөлс, хөдөлмөрийн хөлсний доод хэмжээ, инфляцын мэдээлэлд үндэслэн бүтээмжид нөлөөлөх хүчин зүйлсийг улсын болон салбарын түвшинд судалсан

ДНБ-ий хэмжээгээр дэлхийд тэргүүлэгч 30 улс болон Монгол Улсын ДНБ, нэг хүнд ногдох ДНБ, төсвийн зарлага, гадаад өр, татварын орлого, улсын зээлийн ДНБ-д эзлэх хувь хэмжээг харьцуулсан. Улс орнуудыг ДНБ-ий нийт хэмжээ болон нэг хүнд ногдох хэмжээгээр эрэмбэлсэн хүснэгт боловсруулсан

Хүүхдийн хөгжлийн бэрхшээлийг эрт илрүүлэх, хөгжлийн дэмжлэг үзүүлэх, боловсролд хамруулах тогтолцоог шинжилсэн. Унгарын кондактив боловсрол, Шведийн 0–3 насны хүүхдийн хөгжлийн бэрхшээлийг эрт илрүүлэх тогтолцоо, АНУ-ын хөгжлийн бэрхшээлтэй хүүхдийн боловсролын хууль дахь эрт үеийн үйлчилгээний зохицуулалтыг авч үзсэн

Жирэмсэн болон амаржсан эхчүүдэд олгох тэтгэмж, амралт, хүүхэд асрах чөлөө, гэр бүлийн дэмжлэг, татварын хөнгөлөлтийн зохицуулалтыг шинжилсэн. Франц, ОХУ-ын халамжийн тогтолцоог дэлгэрэнгүй авч үзэж, Герман, Бельги, Дани, Их Британи зэрэг улсын тэтгэмж, амралтын нөхцөлийн мэдээллийг харьцуулсан

Хөрөнгө оруулалтын шингээх чадварын онол, түүнд нөлөөлөх хүний капитал, технологийн хөгжил, санхүүгийн зах зээл, эдийн засгийн хүчин зүйлсийг шинжилсэн. Монгол Улсын хөрөнгө оруулалтын нөхцөл, технологийн чадавхыг авч үзэж, Япон, АНУ, ХБНГУ, БНСУ, БНХАУ, Сингапур, Өмнөд Африкийн эдийн засаг, технологийн үзүүлэлтийн жишээг ашигласан

Бүсчилсэн хөгжлийн бодлого, нутаг дэвсгэрийг бүсчлэх шалгуур, хүн амын төвлөрлийг сааруулах арга хэмжээ, бүс нутгийн хөгжлийг дэмжих зохицуулалтыг шинжилсэн. Их Британи, ХБНГУ, ОХУ, Канадын бүсчилсэн хөгжлийн бодлого, арга туршлагыг харьцуулсан

Үйлдвэржүүлэлтийн бодлого, стратеги, үйлдвэрлэлийн ангилал, экспортын дэмжлэг, эдийн засгийн шалгуурыг шинжилсэн. Чех, Польш, БНСУ, Тайвань, Сингапурын үйлдвэржилтийн туршлага болон АНУ, ХБНГУ, Франц, Японы бодлогын хэрэгслүүдийг харьцуулсан

Үндэсний хөгжлийн бодлого, урт хугацааны стратеги төлөвлөлт, бодлого боловсруулах зарчим, хэрэгжилтийн туршлагыг шинжилсэн. ОХУ, Швейцар, Их Британи, Малайз, БНСУ, БНХАУ, Японы хөгжлийн бодлого, төлөвлөлтийн онцлогийг харьцуулсан

Монгол Улсын эмэгтэйчүүдийн улс төрийн оролцоо, 1992–2012 оны Улсын Их Хурлын сонгуулиудаар сонгогдсон эмэгтэй гишүүдийн тоо, төлөөллийн хувь, сонгуулийн жендэрийн квотын зохицуулалтыг шинжилсэн. Эмэгтэй гишүүдийн улс төрийн оролцоо, үйл ажиллагааны мэдээллийг нэгтгэсэн

Улаанбаатар хотод 16 хүртэлх насны хөгжлийн бэрхшээлтэй хүүхдэд боловсрол, эрүүл мэнд, нийгмийн халамж, хамгааллын үйлчилгээ үзүүлдэг төрийн болон төрийн бус байгууллагуудын харьяалал, үйл ажиллагааны чиглэлийг нэгтгэн танилцуулсан

Залуу гэр бүлийг дэмжих төрийн бодлого, хүүхдийн тэтгэмж, татварын хөнгөлөлт, орон сууц, хөдөлмөр эрхлэлтийн дэмжлэгийг шинжилсэн. АНУ, Их Британи, Франц, Швед, ОХУ, БНХАУ-ын гэр бүлийн дэмжлэгийн эрх зүйн зохицуулалт, хөтөлбөрийг харьцуулсан