Монгол Улсын төрөх, нярайн тусламж, үйлчилгээний эрх зүйн орчин болон төрөх, хүүхдийн эмнэлгийн хүрэлцээ, орчин нөхцөлийг статистик, холбогдох байгууллагын мэдээлэлд тулгуурлан судалсан. Эмнэлгийн орны хүрэлцээ, ачаалал, хүний нөөц, санхүүжилт, бодлогын уялдаатай холбоотой тулгамдсан асуудлыг авч үзэж, шийдвэрлэх саналыг дэвшүүлсэн. ДЭМБ-ын зөвлөмж болон Шинэ Зеланд, Их Британийн төрөх, нярайн тусламж, үйлчилгээний стандарт, зохион байгуулалтын туршлагыг танилцуулсан.

Гадаадын зарим орны парламентын дэгийг тогтоосон эрх зүйн баримт бичгийг харьцуулан нэгтгэсэн. Парламентын дэгийг хууль, тогтоол болон бусад хэлбэрээр баталсан байдлыг ялган, баримт бичгийн нэр, төрөл, холбогдох он, цахим эх сурвалжийг хүснэгтээр танилцуулсан. Нэг болон хоёр танхимтай парламентын холбогдох дэгийн баримт бичгийн мэдээллийг багтаасан

Пропорциональ сонгуулийн тогтолцооны намын жагсаалтаар санал хураах болон санал шилжүүлэх хэлбэрүүдийг тайлбарласан. Нээлттэй, хаалттай, чөлөөт жагсаалтын ялгаа, нэр дэвшигчдийг эрэмбэлэх болон саналын квот тогтоох асуудлыг авч үзсэн. Улс орнуудын жагсаалтын хэлбэр, сонгуулийн босго, суудал хуваарилах арга, тойргийн хэлбэр, суудлын тоог хүснэгтээр харьцуулсан.

Байнга төвийг сахих статусын ойлголт, олон улсын эрх зүйн үндэслэл, төвийг сахисан улсын эрх, үүргийг тайлбарласан. Төвийг сахих статусаа олон улсын гэрээ, тунхаглал, дотоодын хууль тогтоомжоор баталгаажуулсан улс орнуудын түүхэн туршлагыг тоймлосон. Швейцар, Австри, Туркменистаны туршлагыг дэлгэрүүлэн авч үзэж, статусын баталгаажуулалт, хэрэгжилт, сургамж болон үр дагаврыг танилцуулсан.

Парламентын бүгд найрамдах 50 орны хууль тогтоох байгууллагын сонгуулийн тогтолцоо, саналын босгыг харьцуулсан. Парламентын танхимуудыг сонгох хэлбэр, пропорциональ, мажоритар болон холимог тогтолцоо, босгын хувь хэмжээг хүснэгтээр нэгтгэсэн. Мөн Турк, Азербайжанд 2015 оны арваннэгдүгээр сард болсон парламентын сонгуулийн эрх зүйн орчин, ирц, намуудын авсан санал, суудлын мэдээллийг танилцуулсан.

Энэхүү судалгаагаар Монгол Улсын “Атрын гурав дахь аян” үндэсний хөтөлбөрийн хэрэгжилт, үр дүн, газар тариалангийн үйлдвэрлэлийн технологийн шинэчлэл, усалгаатай тариалан, хөрс хамгаалал, боловсон хүчний хангамж, төрийн дэмжлэгийн бодлогыг судалсан. Мөн хөтөлбөрийн санхүүжилт, хөрөнгө оруулалт, үр тарианы үйлдвэрлэлийн зардал, эдийн засгийн үр ашгийг үнэлж, хэрэгжилтийг сайжруулах санал, зөвлөмж боловсруулсан бодлогын тойм судалгаа юм.

Их Британи, Израилийн 2015 оны парламентын сонгуулийн үр дүнг нэгтгэн танилцуулсан. Сонгуулийн тогтолцоо, сонгогчдын ирц, намуудын авсан санал, парламентын суудлын хуваарилалтыг хүснэгтээр харуулсан. Мөн сонгуулийн үр дүнд Их Британид нэг намын, Израильд эвслийн Засгийн газар байгуулагдсан талаар мэдээлсэн.

Дэлхийн 188 орны засаглалын хэлбэрийг ангилан, үндсэн шинж чанарыг тайлбарласан. Бүгд найрамдах болон хаант засаглалын хүрээнд ерөнхийлөгчийн, парламентын, холимог, социалист, шашинт, үндсэн хуульт хаант, хоёрдмол болон хэмжээгүй эрхт хаант засаглалын хэлбэрүүдийг авч үзсэн. Ангилал тус бүрд хамаарах улс орнуудыг жагсааж, төрийн тэргүүн, гүйцэтгэх засаглал, парламентын харилцааны онцлогийг хүснэгтээр харуулсан

Энэхүү судалгаагаар 2004–2008 онд Монгол Улсын өдөр тутмын болон долоо хоног тутмын долоон сонинд нийтлэгдсэн төрийн албан хаагчдын ёс зүйтэй холбоотой мэдээлэл, нийтлэлд дүн шинжилгээ хийсэн. Төрийн албан хаагчдын нэр хүнд, дүр төрхийг хэвлэлд тусгасан байдал, ёс зүйн асуудлын давтамж, нийтлэлийн эерэг, сөрөг хандлагыг судалж, төрийн албаны ёс зүй, ил тод байдал, хариуцлагыг сайжруулах санал, зөвлөмж боловсруулсан бодлогын судалгаа юм.

Сонгосон 25 орны 1945 оноос хойших засаглалын хэлбэр, төрийн тэргүүнийг сонгох тогтолцооны талаарх мэдээллийг нэгтгэсэн. Улс тус бүрийн төрийн тэргүүн болон ерөнхий сайдаар ажилласан хүмүүсийн нэр, ажилласан хугацааг хүснэгтээр танилцуулсан. Төрийн тэргүүнийг бүх нийтийн сонгууль, парламент, сонгуулийн коллеги зэрэг хэлбэрээр сонгох зохицуулалтыг мөн тусгасан.

Судалгаанд хамруулсан холбооны улсуудыг парламентын нэг болон хоёр танхимтай байдлаар нь ангилсан. Улс тус бүрийн парламентын танхимын тоо, танхимын нэр, гишүүдийн тоог хүснэгтээр нэгтгэсэн. Мэдээллийг Олон улсын парламентын холбооны парламентын мэдээллийн санд тулгуурлан бэлтгэсэн.

ХИЛ ХАМГААЛАХ БАЙГУУЛЛАГЫН 2025 ОНЫ ҮЙЛ АЖИЛЛАГААНД ХЭРЭГЛЭГЧИЙН ҮНЭЛГЭЭ ХИЙСЭН СУДАЛГААНЫ ТАЙЛАН

ХИЛ ХАМГААЛАХ БАЙГУУЛЛАГЫН 2024 ОНЫ ҮЙЛ АЖИЛЛАГААНД ХИЙСЭН ХЭРЭГЛЭГЧИЙН ҮНЭЛГЭЭНИЙ ТАЙЛАН

Энэхүү судалгаагаар Хөвсгөл аймгиин 3-5 насны хүүхдийн дүр төрхийг бие бялдар, танин мэдэхүй, нийгэмшлийн чадваруудыг тодорхойлж, тухайн насны хүүхдийн хөгжилд нөлөөлж буй нийгмийн хүчин зүйлийг тогтоож, хэрхэн дэмжих арга замыг тодорхойлохыг зорив. Судалгаанд аймгийн бүсээс цэцэрлэг, сургуулийг төлөөлүүлэн сонгож, нийт 2500 орчим суралцагчдын чадваруудыг оношлож, тодорхойлов. Ингэснээр Хөвсгөл аймгийн суралцагчдын хөгжлийн онцлог бүсээрээ ямар онцлогтой нь тодорхой болж, нутгийн ард иргэдийн эмпирик таамаглал шинжлэх ухааны үндэстэй батлагдаж байгаа юм.

Энэхүү судалгаагаар Хөвсгөл аймгиин 6-17 насны хүүхдийн дүр төрхийг бие бялдар, танин мэдэхүй, нийгэмшлийн чадваруудыг тодорхойлж, тухайн насны хүүхдийн хөгжилд нөлөөлж буй нийгмийн хүчин зүйлийг тогтоож, хэрхэн дэмжих арга замыг тодорхойлохыг зорив. Судалгаанд аймгийн бүсээс цэцэрлэг, сургуулийг төлөөлүүлэн сонгож, нийт 2500 орчим суралцагчдын чадваруудыг оношлож, тодорхойлов. Ингэснээр Хөвсгөл аймгийн суралцагчдын хөгжлийн онцлог бүсээрээ ямар онцлогтой нь тодорхой болж, нутгийн ард иргэдийн эмпирик таамаглал шинжлэх ухааны үндэстэй батлагдаж байгаа юм.

Монгол Улсад төрийн албан хаагчдын сэтгэл ханамжийн судлагдсан байдал, төрийн албан хаагчдын сэтгэл ханамжийн олон улсын туршлага, судалгааны аргачлал, давтамжийг судалж, олон улсын чиг хандлагатай уялдуулж санал зөвлөмж боловсруулах зорилгоор энэ судалгааг хийсэн.