Монгол Улсын хотжилтын бодлого, хот тосгоны эрх зүйн байдал, засаг захиргаа, нутаг дэвсгэрийн нэгжийн зохион байгуулалт болон холбогдох хууль тогтоомжийн уялдаа холбоог шинжилсэн. Хот, тосгоны ангилал, зэрэглэл, удирдлага, харьяаллын зохицуулалтад тулгамдсан асуудлыг тодорхойлж, Үндсэн хууль болон салбарын хууль тогтоомжийг боловсронгуй болгох санал, шийдлийн хувилбар боловсруулсан.

Цаазаар авах ялыг халахтай холбоотой олон улсын гэрээ, эрх зүйн зохицуулалт, дэлхийн улс орнуудын 2008 оны нөхцөл байдал, чиг хандлагыг харьцуулсан. Монгол Улсын цаазаар авах ялын эрх зүйн үндэслэл, хэрэглэх нөхцөл, хязгаарлалт болон уг ялыг халах талаарх олон нийтийн байр суурийг шинжилж, хүний эрхийн хамгаалалт, эрүүгийн бодлогын асуудлыг авч үзсэн.

Монгол Улсын төрийн албан хаагчийн ангилал, албан тушаалын эрх зүйн зохицуулалтыг ОХУ, БНХАУ, Турк, ХБНГУ-ын туршлагатай харьцуулсан. Төрийн албаны төрөл, албан тушаалын зэрэглэл, боловсрол, эрүүл мэндийн салбарын албан хаагчдын ангиллын онцлогийг тодорхойлж, Монгол Улсын төрийн албаны ангиллыг боловсронгуй болгоход анхаарах асуудлыг авч үзсэн.

Монгол Улсын Их Хурлын 1996–2009 онд хяналт шалгалтын чиглэлээр байгуулсан 244 ажлын хэсгийн үйл ажиллагаа, эрх зүйн үндэслэл, шалгалтын үр дүн, гаргасан шийдвэрийг нэгтгэн шинжилсэн. Ажлын хэсгүүдийн үйл ажиллагааны тайлагнал, шийдвэрийн хэрэгжилт, мэдээллийн бүртгэл, хяналтын тогтолцоонд тулгамдсан асуудлыг тодорхойлсон.

Голчлон Австралийн Тасмани мужийн хууль боловсруулах, хэлэлцүүлэх, нэгтгэх, цахим санд оруулах, хэвлэн нийтлэх үйл явцыг хамарсан EnAct программыг судалсан. Программ хангамжийн зорилго, ач холбогдол, мэдээллийн системийн бүрэлдэхүүнийг тайлбарласан. Хууль тогтоомжийн хувилбар, нэмэлт, өөрчлөлтийг удирдах, мэдээллийг олон нийтэд хүртээмжтэй болгох боломжийг авч үзсэн.

Голчлон Австралийн Тасмани мужийн хууль боловсруулах, хэлэлцүүлэх, нэгтгэх, цахим санд оруулах, хэвлэн нийтлэх үйл явцыг хамарсан EnAct программыг судалсан. Программ хангамжийн зорилго, ач холбогдол, мэдээллийн системийн бүрэлдэхүүнийг тайлбарласан. Хууль тогтоомжийн хувилбар, нэмэлт, өөрчлөлтийг удирдах, мэдээллийг олон нийтэд хүртээмжтэй болгох боломжийг авч үзсэн.

Монгол Улсын 2002 оны Эрүүгийн хуульд заасан хээл хахууль авах, өгөх, зуучлах гэмт хэргийн хариуцлага, 2008 онд хуулийн 269 дүгээр зүйлийн тайлбарыг хүчингүй болгосон үндэслэл, түүний хэрэгжилтэд үзүүлсэн нөлөөг авч үзсэн. Авлигын гэмт хэргийн статистик мэдээлэл, хууль тогтоох үйл ажиллагааны баримт бичиг, холбогдох байгууллагуудын санал, зөвлөмжийг шинжилж, эрх зүйн зохицуулалтад тулгамдсан асуудлыг тодорхойлсон.

Ирландын Төсвийн зөвлөх зөвлөл болон Парламентын төсвийн албаны талаарх мэдээллийг танилцуулсан. Голлон Төсвийн зөвлөх зөвлөлийн эрх зүйн үндэс, чиг үүрэг, удирдлага, бүтэц, санхүүжилт, тайлагнал, парламенттай харилцах харилцааг авч үзсэн. Мөн Парламентын төсвийн алба байгуулагдсан байдал, төсөв, орон тооны мэдээллийг оруулсан.

Дэлхийн 53 улсын Үндсэн хуульд нэмэлт, өөрчлөлт оруулах эрх зүйн зохицуулалт, санаачлах эрх бүхий субъект, хэлэлцэн батлах журам, санал хураалтын босго болон хязгаарлалтыг бүс нутгаар харьцуулсан. Парламентын оролцоо, ард нийтийн санал асуулга, Үндсэн хуулийн өөрчилж болохгүй зохицуулалтын онцлогийг нэгтгэн, улс орнуудын эрх зүйн зохицуулалтын ялгааг тодорхойлсон.

Монгол Улсын 1992–2008 оны Улсын Их Хурлын таван удаагийн сонгуулийн үр дүн, суудлын хуваарилалтыг нэгтгэн, мажоритар, пропорциональ болон холимог сонгуулийн тогтолцооны давуу, сул талыг харьцуулсан. Сонгогчдын төлөөлөл, улс төрийн намуудын оролцоо, парламентын бүтэц, Засгийн газар бүрдүүлэх нөхцөлийг харгалзан Монгол Улсад холимог тогтолцоог хэрэглэх боломжийг авч үзсэн.

УИХ-ын хуралдааны дэгийн хууль тогтоомж, цахим тоолуураар санал хураах зохицуулалтын өөрчлөлтийг тоймлосон. Цахим санал хураалт, хурууны хээгээр бүртгүүлэх зохицуулалттай холбоотой 1997, 2010, 2018 оны өөрчлөлтийг авч үзсэн. Эдгээр өөрчлөлтийн өмнөх болон дараах чуулганы гишүүдийн ирц, хуралдаан тасалсан өдөр, цагийн үзүүлэлтийг харьцуулсан.

Монгол Улсын Их Хурлын гишүүний мандат, бүрэн эрхийн ялгаа, гишүүний халдашгүй байдал, парламентын байцаан шинжих түр хороо, төсвийн аудит болон омбудсмэний эрх зүйн зохицуулалтыг авч үзсэн. Словак, Люксембург, Турк, Болгар, Унгар, ОХУ болон бусад улсын парламентын хяналт шалгалт, төсвийн аудитын байгууллага, хүний эрхийн омбудсмэний тогтолцоо, эрх хэмжээ, томилгоо, үйл ажиллагааны зохион байгуулалтыг харьцуулсан. Мөн хүний эрхийг хамгаалах, төрийн байгууллагын үйл ажиллагаанд хяналт тавих, авлигатай тэмцэх байгууллагын чиг үүргийн ялгааг тодорхойлж, Монгол Улсын холбогдох эрх зүйн зохицуулалтад анхаарах асуудлыг нэгтгэн дүгнэсэн.

Монгол Улсын Их Хурлын гишүүний мандат, бүрэн эрхийн ялгаа, гишүүний халдашгүй байдал, парламентын байцаан шинжих түр хороо, төсвийн аудит болон омбудсмэний эрх зүйн зохицуулалтыг авч үзсэн. Словак, Люксембург, Турк, Болгар, Унгар, ОХУ болон бусад улсын парламентын хяналт шалгалт, төсвийн аудитын байгууллага, хүний эрхийн омбудсмэний тогтолцоо, эрх хэмжээ, томилгоо, үйл ажиллагааны зохион байгуулалтыг харьцуулсан. Мөн хүний эрхийг хамгаалах, төрийн байгууллагын үйл ажиллагаанд хяналт тавих, авлигатай тэмцэх байгууллагын чиг үүргийн ялгааг тодорхойлж, Монгол Улсын холбогдох эрх зүйн зохицуулалтад анхаарах асуудлыг нэгтгэн дүгнэсэн.

Армен, ОХУ, Монтенегро, БНСУ, АНУ, Украины холбогдох мөрдөн шалгах байгууллагын харьяалал, чиг үүрэг, эрх хэмжээ, эрх зүйн баталгааг судалсан. Монгол Улсын мөрдөн байцаах албаны үүсэл, хөгжил, бүтцийн өөрчлөлтийг тоймлосон. Армены Мөрдөн шалгах тусгай албаны тухай хуулийн албан бус орчуулгыг оруулсан.

Монгол Улсын Их Хурлын хянан шалгах бүрэн эрх, түүний хэрэгжилтийн өнөөгийн байдал, эрх зүйн зохицуулалт болон хяналт шалгалтын үр нөлөөнд тулгамдаж буй асуудлыг авч үзсэн. ОХУ, АНУ, ХБНГУ болон Европын бусад улсын парламентын хяналт, шалгалтын эрх зүйн зохицуулалт, хэрэгжүүлэх механизм, тусгай комиссын үйл ажиллагааны туршлагыг харьцуулсан. Мөн Улсын Их Хурлын 1996–2009 оны хяналт шалгалтын ажлын хэсгүүдийн үйл ажиллагаа, үр дүнг шинжилж, парламентын шалгалтыг бие даасан хуулиар зохицуулах, хяналт-шинжилгээ, үнэлгээний тогтолцоог бүрдүүлэх, олон нийтийн оролцоог нэмэгдүүлэх, парламентын хяналтын үр нөлөөг дээшлүүлэх санал, зөвлөмж боловсруулсан.

Хүний эрхийн комисс, омбудсмэн, холимог байгууллага, зөвлөх хороо, хүрээлэн болон тодорхой асуудлаар дагнасан байгууллагын загваруудыг тайлбарласан. Омбудсмэний үүсэл, хөгжил, томилгоо, бүрэн эрх, үйл ажиллагааны хамрах хүрээг дэлгэрүүлэн авч үзсэн. Иргэдийн өргөдөл, гомдлыг шалгах, зөвлөмж гаргах, тайлагнах болон хараат бус байдлыг баталгаажуулах зохицуулалтыг танилцуулсан.