Монгол Улсын Их Хурлын тухай хууль тогтоомжийн өөрчлөлт, парламентын байнгын, дэд, түр хороодын бүтэц, бүрэлдэхүүн, бүрэн эрх, үйл ажиллагааны зохион байгуулалт болон нам, эвслийн бүлэг, олонхи, цөөнхийн эрх зүйн зохицуулалтыг авч үзсэн. Монгол Улсын 1992–2006 оны хууль тогтоомжийг 2009 онд өргөн мэдүүлсэн Улсын Их Хурлын тухай хуулийн төсөлтэй харьцуулж, Франц, Турк, ХБНГУ, Их Британи, АНУ болон бусад улсын парламентын зохион байгуулалтын туршлагыг шинжилсэн. Мөн парламентын хяналтын бүрэн эрх, байнгын хороодын үйл ажиллагаа, улс төрийн нам, эвслийн бүлгийн эрх зүйн байдлын зохицуулалтад тулгамдаж буй асуудлыг тодорхойлж, хуулийн төслийг боловсронгуй болгох санал, дүгнэлт боловсруулсан.

Монгол Улсын Шүүхийн ерөнхий зөвлөлийн эрх зүйн байдал, бүтэц, бүрэлдэхүүн, удирдлага, чиг үүрэг болон шүүхийн бие даасан, шүүгчийн хараат бус байдлыг хангахад тулгамдаж буй асуудлыг авч үзсэн. ОХУ, БНХАУ, Япон, Сингапур, Израил, Турк улсын ижил төстэй байгууллагын эрх зүйн зохицуулалт, шүүгчийг томилох, шүүхийн захиргааг удирдах тогтолцоог харьцуулсан. Мөн Шүүхийн ерөнхий зөвлөлийн даргыг томилох эрх бүхий субъект, байгууллагын бүрэлдэхүүн, төсөв, санхүүгийн бие даасан байдалд шинжилгээ хийж, эрх зүйн зохицуулалтыг Үндсэн хуулийн зарчимд нийцүүлэн боловсронгуй болгох боломжит хувилбаруудыг тодорхойлсон.

Япон, Сингапур, ОХУ, БНСУ, ХБНГУ-ын орон сууцны дундын өмчлөлийн эд хөрөнгийн ашиглалт, хамгаалалт, засвар үйлчилгээний зохицуулалтыг судалсан. Сууц өмчлөгчдийн холбоо болон ижил чиг үүрэгтэй байгууллагын эрх зүйн байдал, удирдлага, гишүүнчлэл, санхүүжилтийг авч үзсэн. Өмчлөгчдийн эрх, үүрэг, төлбөр хураамж, мэргэжлийн байгууллагаар үйлчилгээ гүйцэтгүүлэх харилцааг танилцуулсан.

Монгол Улсын төрийн одон, медаль, цол, шагналын тогтолцоо, эрх зүйн зохицуулалт, түүхэн уламжлал болон шинэчлэлийн шаардлагыг авч үзсэн. ОХУ, Казахстан, Польш, Чех, Турк, Их Британи, ХБНГУ, АНУ-ын төрийн шагналын төрөл, олгох журам, эрх бүхий байгууллага, шагналд нэр дэвшүүлэх, гардуулах болон шагналын эрхийг хасах зохицуулалтыг харьцуулсан. Мөн Монгол Улсын төрийн шагналын тогтолцооны хөгжлийн онцлог, тулгамдсан асуудлыг шинжилж, одон, медалийн төрөл, эрх зүйн зохицуулалтыг боловсронгуй болгох санал, дүгнэлт боловсруулсан.

Монгол Улсын жендэрийн эрх тэгш байдлыг хангах эрх зүйн зохицуулалт, хөдөлмөр эрхлэлт, улс төрийн оролцоо, нийгмийн харилцаанд тулгамдаж буй асуудлыг авч үзсэн. Япон, БНХАУ, Норвеги, Австрали, Дани, Швед улсын жендэрийн тэгш байдлыг хангах хууль тогтоомж, төрийн бодлого, хяналтын тогтолцоо, хэрэгжилтийн туршлагыг харьцуулж, Монгол Улсын Жендэрийн эрх тэгш байдлыг хангах тухай хуулийн төсөлд шинжилгээ хийсэн. Мөн олон улсын байгууллага, төрийн бус байгууллагуудын үнэлэлт, зөвлөмж болон жендэрийн тэгш бус байдлын статистик мэдээлэлд тулгуурлан эрх зүйн зохицуулалтыг боловсронгуй болгох шаардлага, үндэслэлийг тодорхойлсон.

Монгол Улсын нийгмийн халамжийн тогтолцоо, эрх зүйн зохицуулалт, хуулийн хэрэгжилтийн өнөөгийн байдал болон халамжийн үйлчилгээний хүртээмж, санхүүжилтэд тулгамдаж буй асуудлыг авч үзсэн. Япон, Франц, БНСУ-ын нийгмийн халамжийн тогтолцоо, үйлчилгээний төрөл, хамрах хүрээ, удирдлага, зохион байгуулалтыг харьцуулж, Монгол Улсын нийгмийн халамжийн сангийн орлого, зарцуулалт, зорилтот бүлгийн хамрагдалт, төсвийн зардлын өөрчлөлтийг шинжилсэн. Мөн халамжийн үйлчилгээг зорилтот бүлэгт чиглүүлэх, санхүүжилт, удирдлага, эрх зүйн зохицуулалтыг боловсронгуй болгох санал, зөвлөмж боловсруулсан.

Азербайжан, Молдова, Латви, ХБНГУ-ын зөрчил шалган тогтоох, шийдвэрлэх ажиллагааны эрх зүйн зохицуулалтыг судалсан. Зөрчлийн ойлголт, төрөл, хариуцлага хүлээлгэх эрх бүхий байгууллага, албан тушаалтан болон хэрэг хянан шийдвэрлэх зарчим, журмыг авч үзсэн. Мөн зөрчлийг шүүхээр хянан шийдвэрлэх, шийтгэл оногдуулсан шийдвэрт гомдол гаргах, давж заалдах зохицуулалтыг танилцуулсан.

Парламентын ээлжит бус, тусгай болон онцгой чуулганы ойлголт, нэр томьёоны хэрэглээ, зарлан хуралдуулах үндэслэлийг авч үзсэн. Улс орнуудын Үндсэн хуульд чуулган санаачлах, зарлах эрх бүхий субъект, шаардагдах гишүүдийн тоо, хэлэлцэх асуудал, хугацааг хэрхэн зохицуулсныг нэгтгэсэн. ХБНГУ, БНСУ, Япон, Латви, Болгар, Серби, Унгарын холбогдох хууль, парламентын дүрмийн зохицуулалтыг дэлгэрүүлэн танилцуулсан.

Парламентын спикерийн намын гишүүнчлэл, улс төрийн үйл ажиллагаанд оролцохтой холбоотой зохицуулалтыг Их Британи, Канад, БНСУ, Туркийн жишээгээр авч үзсэн. Дэлхийн улс орнуудын спикерийн бүрэн эрхийн хугацааг парламентын танхимын бүрэн эрхийн хугацаатай харьцуулан нэгтгэсэн. Мөн парламентын үйл ажиллагааг зохион байгуулах, хууль санаачлах, үг хэлэх, санал өгөх болон онцгой бүрэн эрхийн зохицуулалтыг судалсан.

АНУ, Австрали, БНСУ, Япон, Македон, ХБНГУ-ын парламентын судалгааны алба, номын сан, институтын үйл ажиллагааны эрх зүйн зохицуулалтыг судалсан. Судалгааны байгууллагын бүтэц, чиг үүрэг, үйлчилгээ, хараат бус байдал болон хууль тогтоох үйл ажиллагааг мэдээлэл, судалгаагаар хангах зарчмыг авч үзсэн. Мөн бусад орны парламентын судалгааны нэгжийн бүтэц, харьяалал, чиг үүргийн мэдээллийг хавсаргасан.

Парламентын хүний эрхийн хороодын үндсэн чиг үүрэг, үйл ажиллагааны хэлбэр, Европын орнуудад хэрэглэж буй хороодын загваруудыг тоймлосон. Австрали, Их Британи, Хорват, ХБНГУ-ын парламентын хүний эрхийн хороодын эрх зүйн орчин, бүтэц, бүрэлдэхүүн, зохион байгуулалтыг судалсан. Хууль тогтоомжийн хүний эрхийн нийцэл, олон улсын үүргийн хэрэгжилтэд хяналт тавих болон бусад байгууллагатай харилцах чиг үүргийг авч үзсэн.

Бүгд Найрамдах Улс тунхагласны баярын өдрийг тэмдэглэж ирсэн түүх, эрх зүйн зохицуулалтын өөрчлөлтийг тоймлосон. Тус өдрийг нийтээр тэмдэглэх баярын болон тэмдэглэлт өдөрт хамааруулсан хуулийн өөрчлөлт, тэдгээрийн үндэслэлийг танилцуулсан. Төрийн удирдлагын мэндчилгээ, хүндэтгэлийн ёслол, иргэний андгай өргөх болон бусад арга хэмжээний мэдээлэл, холбогдох материалын жагсаалтыг нэгтгэсэн.

Монгол Улсын хүүхдийн хөгжил, хамгааллын хууль тогтоомж, бодлогын баримт бичиг болон тэдгээрийн хэрэгжилтийн байдлыг тоймлосон. Хүүхдийн эрхийн асуудлыг иргэний эрх, хүчирхийлэл, гэр бүлийн орчин, асрамж, эрүүл мэнд, нийгмийн халамж, тусгай хамгааллын чиглэлээр авч үзсэн. Мөн олон улсын байгууллагын зөвлөмж, төлөвлөсөн арга хэмжээ, хүүхдэд олгох тэтгэмж, хөнгөлөлт болон мэргэжлийн хяналтын байгууллагын ажлын мэдээллийг нэгтгэсэн.

Монгол Улсын хөгжлийн бэрхшээлтэй иргэдийн эрхийг хамгаалах хууль тогтоомж, хэрэгжилтийн байдлыг нийгмийн хамгаалал, боловсрол, эрүүл мэнд, хөдөлмөр эрхлэлт, хүртээмжтэй орчны хүрээнд судалсан. БНСУ, Австрали, ОХУ-ын холбогдох зохицуулалт, дэмжлэг үйлчилгээний туршлагыг танилцуулсан. Хууль тогтоомжийн уялдаа, хэрэгжилтэд тулгарч буй асуудлыг авч үзэж, эрх зүйн орчныг боловсронгуй болгох саналуудыг нэгтгэсэн.

БНСУ, ОХУ, Австралийн хүүхдийн эрхийг хамгаалах хууль тогтоомж, байгууллагын тогтолцоо, хэрэгжүүлэх механизмыг судалсан. Хүүхэд хамгааллын байгууллагуудын эрх хэмжээ, чиг үүрэг, төв болон орон нутгийн түвшний зохион байгуулалтыг танилцуулсан. Мөн хүүхдийн эрхийн байдал, хэрэгжүүлж буй арга хэмжээ, Хүүхдийн эрхийн тухай конвенцын хэрэгжилттэй холбоотой олон улсын байгууллагын зөвлөмжийг авч үзсэн.

БНСУ, ОХУ, Австралийн хүүхдийн эрхийг хамгаалах хууль тогтоомж, байгууллагын тогтолцоо, хэрэгжүүлэх механизмыг судалсан. Хүүхэд хамгааллын байгууллагуудын эрх хэмжээ, чиг үүрэг, төв болон орон нутгийн түвшний зохион байгуулалтыг танилцуулсан. Мөн хүүхдийн эрхийн байдал, хэрэгжүүлж буй арга хэмжээ, Хүүхдийн эрхийн тухай конвенцын хэрэгжилттэй холбоотой олон улсын байгууллагын зөвлөмжийг авч үзсэн.