Монгол Улсын алслагдсан бүс нутгийг тодорхойлох шалгуур, газар зүйн байршил, амьжиргааны өртөг, эдийн засаг, нийгмийн хөгжлийн ялгааг шинжилсэн. Скандинавын орнууд, Франц, Их Британийн бүс нутгийн хөгжлийг тодорхойлох шалгуур, бодлогын туршлагыг авч үзсэн. Алслагдсан бүс нутгийн хөгжлийг дэмжих санхүүгийн хөшүүрэг, татварын хөнгөлөлт, цалин хөлсний нэмэгдэл, хөрөнгө оруулалтын дэмжлэгийн боломжийг тодорхойлсон

Монгол Улсын хүн амын өсөлт, түүнд нөлөөлөх хүчин зүйл, эдийн засгийн хөгжилтэй харилцан хамаарах байдлыг шинжилж, 2050 он хүртэлх хүн амын өсөлтийн прогноз боловсруулсан. ОХУ, Швед, Франц, Итали, Бельгийн хүн амын өсөлтийг дэмжих бодлогын арга хэмжээг авч үзсэн. Хүн амын өсөлт, эдийн засгийн үзүүлэлтүүдийн хамаарлыг статистик загвараар тооцоолон үнэлсэн

Монгол Улсын 2011 оны эхний хагас жилийн эдийн засгийн өсөлт, улсын төсвийн орлого, зарлага, мөнгөний бодлого, инфляц, гадаад худалдаа, аж үйлдвэрийн үйлдвэрлэлийн үзүүлэлтүүдийг шинжилсэн. Өмнөх онуудын статистик мэдээлэлтэй харьцуулан төсвийн тэнцэл, эдийн засгийн өсөлт, үйлдвэрлэл, гадаад худалдааны өөрчлөлтийг тодорхойлсон

Монгол Улсын 2005–2011 оны эхний хагас жилийн импортын гол нэрийн бараа бүтээгдэхүүний тоо хэмжээ, үнийн дүн, өсөлт, бууралтын өөрчлөлтийг шинжилсэн. Шатахуун, согтууруулах ундаа, тамхи, автомашин болон бусад импортын бүтээгдэхүүний статистик мэдээллийг харьцуулж, импортын гол нэрийн 50 бараа бүтээгдэхүүний жагсаалтыг боловсруулсан

Монгол Улсын жижиг, дунд үйлдвэрийн хөгжил, үйлдвэрлэлийн өнөөгийн байдал, орон нутгийн үйлдвэрлэлийн бодлого, эдийн засгийн дэмжлэг, экспортын боломжийг шинжилсэн. Польш, Чех, Болгарын жижиг, дунд үйлдвэрлэлийг хөгжүүлэх, экспортыг дэмжих төрийн бодлого, арга хэмжээний туршлагыг харьцуулсан. Үйлдвэрлэлийн бодлогын уялдаа, экспортын чиг баримжаа, эрх зүйн орчныг сайжруулах асуудлыг тодорхойлсон

Эрүүл мэнд, боловсрол, харилцаа холбоо, байгаль орчны чиглэлийн төсвийн гадуурх сангуудын үйл ажиллагааг Казахстан, Австрали, Япон, Арабын Нэгдсэн Эмират Улсын жишээгээр судалсан. СТ-23/209 судалгааны нэмэлт тодруулга болгон сангийн эрх зүйн орчин, удирдлага, орлогын эх үүсвэр, хөрөнгө оруулалтын стратеги, зарцуулалт, хяналтыг харьцуулсан.

Хөдөө аж ахуйн хоршооны ойлголт, үндсэн зарчим, олон улсын хөгжлийн чиг хандлагыг БНСУ, Япон, Казахстан, Герман, Норвегийн туршлагад тулгуурлан судалсан. Хоршоодын үүсэл хөгжил, эрх зүйн орчин, үйл ажиллагаа, менежмент болон хөдөө аж ахуйн бүтээгдэхүүн, түүхий эдийн нэгдсэн борлуулалт, хангамжийн тогтолцоог харьцуулсан.

Аялал жуулчлалын салбарын хөгжлийн чиг хандлага, олон улсын туршлага болон Гүрж, БНСУ, Тайланд, Австри, Чехийн бодлого, эрх зүйн орчныг судалсан. Гадаадын жуулчдыг татах, дотоодын аялал жуулчлалыг хөгжүүлэх, татварын хөнгөлөлт үзүүлэх, төр, хувийн хэвшлийн түншлэлийг дэмжих болон жуулчны аюулгүй байдлыг хангах арга хэмжээг харьцуулсан.

Монгол Улсын хонин болон үхэр сүргийн тоо толгой, тархалт, омог, үүлдэр, ашиг шим, эрчимжсэн аж ахуй, махны экспортын мэдээллийг нэгтгэсэн. Салбарын бодлого, эрх зүйн орчин, бэлчээрийн хүрэлцээ, тэжээл үйлдвэрлэл, хадлан бэлтгэл, тэжээлийн импортын үзүүлэлтийг албан ёсны статистикт тулгуурлан танилцуулж, мал үржүүлэг, тэжээлийн чиглэлээр хийгдсэн судалгаануудыг тоймлосон.

Монгол Улсын жижиг, дунд үйлдвэр, үйлчилгээ эрхлэгчдийн бүртгэл, тоон мэдээлэл, салбарт чиглэсэн бодлого, хөтөлбөр, санхүүгийн болон санхүүгийн бус дэмжлэгийг нэгтгэсэн. Холбогдох хуулиудын үйлчлэх хүрээ, зээлийн санхүүжилт, дэмжлэг үзүүлдэг байгууллагуудыг танилцуулж, иргэн болон аж ахуйн нэгжийн мэдээллийг тусад нь ялгахад тулгарсан хязгаарлалтыг тэмдэглэсэн.

Монгол Улсын мах, сүү бэлтгэл, үйлдвэрийн боловсруулалт, дотоодын хэрэглээ, хүнсний хангамж, экспорт, импортын мэдээллийг нэгтгэсэн. 2016-2021 оны холбогдох статистикт тулгуурлан бүтээгдэхүүний нэр төрөл, хэмжээ, экспортын үнэ, импортын гарал үүсэл болон гаалийн татварын хувь хэмжээний мэдээллийг хүснэгт, зургаар танилцуулсан.

2021 оны аравдугаар сарын 18–19-нд нийгмийн сүлжээ, хэвлэл, цахим сайт, телевизийн мэдээлэлд тулгуурлан олон нийтийн шүүмж, тулгамдсан асуудлыг тандан судалсан. Үнийн өсөлт, тээвэр, шатахууны хангамж, цар тахлын удирдлага, төсвийн зарцуулалт, боловсрол, эрүүл мэнд зэрэг асуудлыг давтамж, салбар, хариуцах байгууллагаар ангилан нэгтгэсэн.

Монгол Улсын нийгмийн болон эрүүл мэндийн даатгалын хамрагдалтыг нас, хүйс, даатгалын хэлбэрээр харьцуулан судалсан. 2016–2020 оны статистик мэдээлэлд тулгуурлан даатгуулагчдын тоо, албан журмын болон сайн дурын даатгалын хамрагдалт, шимтгэл төлөлт, даатгалын сангийн орлогын өөрчлөлтийг танилцуулсан.

Цар тахлын үед Монгол Улсын макро эдийн засаг, санхүүгийн зах зээл, хөдөлмөр эрхлэлт, өрхийн орлого болон нийгмийн бусад үзүүлэлтэд гарсан өөрчлөлтийг судалсан. Цар тахал гараагүй байх үеийн төсөөллийг 2020 оны бодит гүйцэтгэлтэй харьцуулан алдагдсан боломжийн зардлыг тооцож, төрөөс хэрэгжүүлсэн эдийн засаг, санхүү, нийгмийн хамгааллын арга хэмжээг тоймлон танилцуулсан.

Тавантолгойн бүлэг ордоос хилийн боомтууд руу чиглэсэн төмөр зам, автозамын бүтээн байгуулалт, хүчин чадал, эдийн засгийн боломжит үр ашгийг судалсан. Нүүрсний зах зээл, боомтын нөхцөл, тээврийн зардлыг авч үзэж, шинэ замуудыг ашигласнаар нүүрсний компаниудын ашиг, экспорт, төсвийн орлогод гарах өөрчлөлтийг төсөөлөн тооцоолж, төслүүдийн давуу, сул тал, боломж, эрсдэлийг шинжилсэн.

Ковид-19 цар тахлын үед НҮБ-ын гүйцэтгэсэн үүрэг, олон талт хамтын ажиллагаа, Аюулгүйн Зөвлөлийн үйл ажиллагааны талаарх судалгаа, шинжээчдийн байр суурийг нэгтгэсэн. Цар тахлын тогтвортой хөгжлийн зорилгод үзүүлэх нөлөө, Монгол Улсын хэрэгжилт, УИХ, Засгийн газрын үйл ажиллагаа болон парламентын оролцоог танилцуулсан.