Эрүүл мэндийн байгууллагын үйл ажиллагааны гүйцэтгэлийг Аймаг, Нийслэл, Дүүргийн засаг дарга, ЭМЯ, Аймгийн эрүүл мэндийн газар, Дүүргийн эрүүл мэндийн төв байгууллагууд эмнэлгийн тусламж үйлчилгээний шатлал тус бүрт нь тохирсон системтэй, тусгайлсан үнэлгээг Эрүүл мэндийн сайдын ХШҮ-ний 448-р тушаал, Засгийн газрын 134 тогтоолын үр дүнгийн гэрээний биелэлт, Засгийн газрын 364-р тогтоолын гурвалсан гэрээний биелэлт зэргийг үндэслэн гүйцэтгэлийн үнэлгээ хийж байна. Эдгээр эрх зүйн орчин нь олон улсад хэрэгжүүлдэг гүйцэтгэлийн удирдлагын /Result Based Management/ үр дүнд суурилсан менежментийг ашиглан эрүүл мэндийн байгууллагын үйл ажиллагааны гүйцэтгэлийн үнэлгээ хийдэг арга хэлбэр нь ижил байна.

Судалгаанд нийт 43 эрүүл мэндийн байгууллага хамрагдан, 330 ширхэг эмнэлгийн тоног төхөөрөмжийн судалгааг ирүүлсэн. Үүнээс • Гуравдугаар шатлалын эрүүл мэндийн байгууллага нь 100,0 сая төгрөгөөс дээш үнэтэй 163 ширхэг • Хоёрдугаар шатлалын эрүүл мэндийн байгууллага нь 50,0 сая төгрөгөөс дээш үнэтэй 167 ширхэг тоног төхөөрөмжийн судалгааг тус тус ирүүлсэн.

Судалгаанд хамрагдсан сумын их эмч нар мэргэжлийн зэргийн хувьд 7.6% нь ахлах, 2.2% нь тэргүүлэх, 90.2% нь мэргэжлийн зэрэггүй, их эмч нарын 56.8% нь 25-30 насны залуу, 23.2% нь 40 өөс дээш насны их эмч нар, ажилласан жилийн хувьд 40.2% нь 1-3 жил, 21.7% нь 4-6 жил, 16.3% нь 16 жилээс дээш хугацаагаар СЭМТ-д ажилласан зэргээс харахад мэргэжлийн ур чадварын хувьд хангалтгүй байна.

Эмч, эмнэлгийн мэргэжилтний сэтгэл зүйн ачаалал, дарамтад ажлын ачаалал, тусламж, үйлчилгээний хүлээгдэл, тоног төхөөрөмжийн хангамж, дүрэм журмын хэрэгжилт, хувийн ашиг сонирхол, мэргэжлийн ялгаа, нас, зэрэг дэв, цалин урамшууллын тогтолцоо, нийгмийн баталгаа, ар гэр, эмнэлэг хоорондын зөрчил зэрэг олон хүчин зүйл нөлөөлж байна. Эмч, эмнэлгийн мэргэжилтний дийлэнх нь эмэгтэйчүүд ажиллаж, ар гэртээ тавих анхаарал, халамж дутагдаж, цалингийн зээлийн эргэлтэд амьдралаа залгуулж байгаа нь ихээхэн сэтгэл зүйн ачаалал, дарамт болж байна.

Монгол улсын 10000 хүн амд их эмч 31.6, сувилагч 37.5, эмнэлгийн мэргэжлийн болон техникийн бусад ажилтан 24.5 ногдож байна. Эрүүл мэндийн 47429 ажиллах хүчний 1.8% нь удирдах ажилтан, 2.0% нь нийгмийн эрүүл мэндийн мэргэжилтэн, 3.2% нь эм зүйч, 20.2% нь их эмч, 23.9% нь сувилагч, 15.6% нь эмнэлгийн мэргэжлийн болон техникийн боловсролтой ажилтан эзэлж байна. Эрүүл мэндийн салбарын ажилчдын сарын дундаж цалин 571,571 төгрөг байгаа бол анхдагч шатлалд ажиллаж байгаа ажиллах хүчний сарын дундаж цалин 520,984 төгрөг, хоёрдогч шатлалд 563,319 төгрөг, гуравдагч шатлалд 614,305 төгрөг, эрдэм шинжилгээний байгууллагад 614,305 төгрөг, удирдах байгууллагад 544,209 төгрөг тус тус байна.

Судалгаанд 21 аймгийн эмч, эмнэлгийн мэргэжилтэн, эрүүл мэндийн байгууллагуудын амбулаториор үйлчлүүлэгч, хэвтэн эмчлүүлэгч 50743, нийслэлийн эрүүл мэндийн байгууллагуудын амбулаториор үйлчлүүлэгч, хэвтэн эмчлүүлэгч 29566, нийт 80390 хүн хамрагдсан байна. Байгууллагуудаас ирсэн тайлангаас боломжит бүх үр дүнгүүдийг авч нэгтгэн дүгнэхэд амбулаторын нийт үйлчлүүлэгчдийн сэтгэл ханамжийн түвшин 78.4%, хэвтэн эмчлүүлэгчдийн сэтгэл ханамжын түвшин 82.2%, эмч, эмнэлгийн ажилчдын сэтгэл ханамжын түвшин 76.9% байна.

Судалгаанд ЭМСЯ-ны харьяа 10 эрүүл мэндийн байгууллагаар үйлчлүүлсэн 1596 хэвтэн эмчлүүлэгч, 1490 амбулаторын үйлчлүүлэгч, нийт 3087 хэрэглэгч хамрагдлаа. Судалгаанд хамрагдсан 3087 хэрэглэгчийн 38.4% эрэгтэйчүүд, 61.6 хувь нь эмэгтэйчүүд дийлэнх нь 20-49 насныхан буюу 62.3% байна. Нийт оролцогчдын 55.2 хувь нь тухайн эмнэлгээр анх удаа үйлчлүүлсэн, 44.8% нь 2 ба түүнээс дээш удаа үйлчлүүлсэн хүмүүс байна.

Импортын антибиотик эмийн үнэн бодит дүнг үндэслэн эмэнд нянгийн дасал үүсэхээс сэргийлэх, нянгийн тэсвэржилтийг хянах, мэдээлэл цуглуулахад болон нянгийн эсрэг үйлчлэл бүхий антибиотикийн хэрэглээнд өндөр хөгжилтэй орнуудын эмчилгээний идэвхи сайтай антибиотик импортлох бодлого барьж ажиллах бодит мэдээлэлтэй болно.

Төлбөрийг нь төр хариуцан амбулаториор эмчлэх өвчний эмчилгээний жагсаалтанд сүрьеэ, сэтгэцийн эмгэг, хорт хавдарын III, IV-р үеийн хөнгөвчлөл эмчилгээ, чихрийн шижин зэрэг 14-н өвчиний үеийн 41 нэр төрлийн эм бэлдмэлүүд орсон байна. Төлбөрийг нь төр хариуцан амбулаториор эмчлэх өвчнийг судалгаанд хамруулсан эмнэлгүүдэд сүүлийн гурван жилээр авч үзэхэд нийт 17566 өвчтөн эмчлэгдэж, үнэ төлбөргүйгээр 890,037,243.12 төгрөгний эм олгосон байна. Харин эрхтэн шилжүүлэн суулгасны дараах болон гемофилийн эсрэг эмчилгээ өвчлөлийн тохиолдол бүртгэгдээгүй байна.

Эрүүл мэндийн байгууллагуудад ашиглаж байгаа эмнэлгийн тоног төхөөрөмжийн ихэнх хувийг БНХАУ-д үйлдвэрлэгдсэн эмнэлгийн тоног төхөөрөмж эзэлж байгаа бөгөөд 2010 оны судалгаатай харьцуулахад энэ тоо 8%-иар өссөн байна. Хангалтын байдлыг харахад сүүлийн 5 жил буюу 2010-2015 оны хооронд үйлдвэрлэгдсэн эмнэлгийн тоног төхөөрөмжийн 53%-ийг, ашиглалтад орсон нь 56%-ийг эзэлж байгаа нь эмнэлгийн тоног төхөөрөмж ихээхэн шинэчлэгдэж байгааг харуулж байна.

Бүх түвшинд боловсон хүчний сургалт, цалин, хөлс, албан тушаал ахих боломж зэрэгт онцгой анхаарахгүйгээр ЭММТ-г сайжруулах боломжгүй юм. Үндэсний түвшинд мэдээний чанарыг хянах, дүн шинжилгээ хийх ур чадвартай тархвар зүйчид, статистикчид, хүн амзүйчид шаардлагатай. Харин орон нутгийн түвшинд эрүүл мэндийн мэдээллийн ажилтнууд мэдээ цуглуулах, тайлагнах, дүн шинжилгээ хийх асуудлыг хариуцна. Судалгаанд хамрагдагсадаас ажлаа гүйцэтгэхэд бэрхшээл буй талаар авсан асуумжаар нийт эмч мэргэжилтнүүдийн 94 хувь нь ямар нэгэн бэрхшээлтэй, зөвхөн 4 хувь нь бэрхшээл байхгүй гэж хариулсан байна.

Манай улсад нийт жирэмсэн эмэгтэйчүүдийн дунд TORCH халдварын тархалт тодорхойгүй, ургийн хөгжлийн гажиг илэрсэн жирэмсэн эмэгтэйчүүдийн дунд судалгаа хийгдээгүй, ялангуяа хөгжлийн гажигтай төрсөн нярайд TORCH халдварын эрсдэл байсан эсэхийг тогтоогүй зэргээс шалтгаалж, TORCH халдварын тохиолдлыг бүрэн автомат анализаторын аргаар тодорхойлов.

Шүүх шинжилгээний байгууллагад 2016 онд хийгдсэн шинжилгээ, хэргийн газрын үзлэгийн статистик мэдээлэл

Шүүх шинжилгээний байгууллагад 2015 онд хийгдсэн шинжилгээ, хэргийн газрын үзлэгийн статистик мэдээлэл

Шүүх шинжилгээний байгууллагад 2014 онд хийгдсэн шинжилгээ, хэргийн газрын үзлэгийн статистик судалгаа

Шүүх шинжилгээний байгууллагад 2013 онд хийгдсэн шинжилгээ, хэргийн газрын үзлэгийн статистик мэдээ