Амьд болон амьгүй донорын нас, зөвшөөрөл, донор болон түүний ар гэрт үзүүлэх тусламж, дэмжлэгийн талаар олон улсын зөвлөмж, гадаадын орнуудын зохицуулалтыг судалсан. Эрхтэн шилжүүлэн суулгахтай холбоотой санхүүгийн ашиг сонирхлыг хориглох зарчим, үндэслэлтэй зардал, алдагдсан орлогыг нөхөн олгох болон нийгмийн хамгааллын асуудлыг авч үзсэн.

Цахим хүчирхийллийн хэлбэр, хүүхдийн цахим хэрэглээ, эрсдэл, Монгол Улсын хүүхэд хамгааллын нөхцөл байдал болон эрх зүйн орчныг авч үзсэн. Олон улсын конвенц, хүүхдийн цахим хамгааллын удирдамж, цар тахлын нөлөөг танилцуулж, Герман, Япон, АНУ, Их Британийн зохицуулалт, хамгааллын арга хэмжээг харьцуулсан.

Нэмэгдсэн өртгийн албан татварын үүрэг, татварын суурийг чөлөөлөхөд үүсэх эдийн засгийн үр дагавар, Монгол Улсын НӨАТ-ын орлого, чөлөөлөлтийн бүтцийг судалсан. НӨАТ болон ДНБ-ний хамаарлыг шинжилж, Европын Холбоо, БНСУ, Латви, Тайванийн татвараас чөлөөлөх бараа, үйлчилгээний зохицуулалттай харьцуулсан.

Виртуал хөрөнгө, криптовалютын ойлголт, арилжаанд оролцогчид, боломж, эрсдэл болон олон улсын зохицуулалтын чиг хандлагыг авч үзсэн. Мөнгө угаах, терроризмыг санхүүжүүлэхтэй тэмцэх ФАТФ-ын зөвлөмж, үйлчилгээ үзүүлэгчдийн зохицуулалт, татварын асуудлыг тайлбарлаж, Малта, Сингапур, БНХАУ, Япон, БНСУ-ын туршлага болон Монгол Улсын зах зээлийн мэдээллийг нэгтгэсэн.

Цар тахлын нийгэм, эдийн засгийн нөлөөллийг бууруулах, иргэдийн орлого, амьжиргаа, ажлын байрыг хамгаалах чиглэлээр УИХ, Засгийн газраас гаргасан шийдвэр, арга хэмжээг тоймлосон. Татвар, нийгмийн даатгал, халамж, бизнесийн дэмжлэгийг танилцуулж, өрх, аж ахуйн нэгжийн нөхцөл байдлын талаар бусад байгууллагаас хийсэн судалгааны үр дүнг нэгтгэсэн.

и, Европын сонгосон орнууд цар тахлын тархалтыг хянах, эдийн засгийн хүндрэлийг бууруулах, хүн амын амьжиргааг дэмжих чиглэлээр хэрэгжүүлсэн арга хэмжээг судалсан. Төсөв, татвар, мөнгө, зээлийн бодлого, бизнес, ажлын байрны дэмжлэг, нийгмийн хамгаалал болон цар тахлын үеийн хариу арга хэмжээний эрх зүйн орчныг харьцуулан нэгтгэсэн.

Цар тахлаас урьдчилан сэргийлэх, тэмцэх, нийгэм, эдийн засгийн сөрөг нөлөөллийг бууруулах чиглэлээр Монголын эрх бүхий байгууллагуудаас гаргасан шийдвэрүүдийг нэгтгэсэн. УИХ-ын хууль, тогтоол, Засгийн газар, агентлаг, Улсын онцгой комисс, нийслэл, зарим аймгийн шийдвэрийг гаргасан огноо, дугаар, агуулга, үйлчлэх хугацаа, эх сурвалжийн хамт танилцуулсан.

Цар тахлын үед гадаадын парламентууд халдвар хамгааллын шаардлагыг баримтлан танхимаар, цахимаар болон хосолсон хэлбэрээр ажилласан туршлагыг судалсан. Хуралдааны систем, дэгийн өөрчлөлт, санал хураалт, гишүүдийн оролцоо, ажлын албаны зайнаас ажиллах зохион байгуулалт, хамгаалалтын хэрэгсэл, суудлын зай, ариутгал, мэдээллийн сангийн шийдлүүдийг нэгтгэсэн.

Финланд, Герман, Их Британийн парламент болон Европарламент хөл хорионы нөхцөлд үйл ажиллагаагаа үргэлжлүүлсэн туршлагыг тоймлосон. Хуралдаанд биечлэн болон зайнаас оролцох, санал хураах, ирцийн шаардлага өөрчлөх, байнгын хороогоор асуудал хэлэлцэх, халдвар хамгааллын дэглэм сахих болон гишүүд сонгогчидтойгоо харилцах зохион байгуулалтыг авч үзсэн.

Хот, тосгоны эрх зүйн байдлын тухай хуулийн шинэчилсэн найруулгын төсөлтэй холбогдуулан Финланд, Польш, Япон, Филиппиний туршлагыг судалсан. Хотын статус, зэрэглэл, нутаг дэвсгэрийн хуваарилалт, чиг үүрэг, чиг үүрэг шилжүүлэх, удирдлагын зохион байгуулалт, хотын зөвлөлийн гишүүдийн тоо, эрх, үүргийг Монголын зохицуулалт, хуулийн төсөлтэй харьцуулсан.

Кени, Колумб, БНХАУ, Австрали, Норвеги, Япон, Вьетнамын генетик нөөцийг хамгаалах, судлах, ашиглах эрх зүйн зохицуулалтыг харьцуулсан. Нөөц ашиглах зөвшөөрөл, уламжлалт мэдлэг, нутгийн иргэдийн оролцоо, ашиг, үр шимийг хуваарилах гэрээ, мэдээлэл, хариуцлагын асуудал болон Монголын олон улсын гэрээ, бодлогын баримт бичгийг авч үзсэн.

Герман, ОХУ, БНСУ, Японы нийтийн орон сууцны орчны газар, дундын өмч болон сууц өмчлөгчдийн эрх зүйн харилцааг судалсан. Орчны газарт хамаарах объект, өмчлөх, эзэмших, ашиглах эрх, сууц өмчлөгчдийн холбоо, нийгэмлэгийн зохион байгуулалт, засвар үйлчилгээ, өөрчлөлт хийх зөвшөөрөл, хяналтын зохицуулалтыг авч үзсэн.

Герман, Австрали, Их Британи, Шотландын парламентын ажлын албаны ажилтнуудын төлөвлөлт, гүйцэтгэлийн үнэлгээний зохицуулалтыг нийтэд нээлттэй мэдээллийн хүрээнд судалсан. Байгууллагын стратеги, жилийн төлөвлөгөө, ажилтны төлөвлөгөөний уялдаа, гүйцэтгэлийн хяналт, үнэлгээний үзүүлэлт, ажлын үнэлгээ, ажилтны ур чадвар, хөгжлийн хэрэгцээг тодорхойлох туршлагыг авч үзсэн.

Парламентын хяналтыг үр нөлөөтэй хэрэгжүүлэх нөхцөл, арга хэлбэр, эрх зүйн орчны талаарх ОУПХ, НҮБХХ-ийн судалгаа, зөвлөмжийг танилцуулсан. Босни-Херцеговин, ОХУ-ын бие даасан хууль, ОХУ-ын субъектийн загвар хуулийн төсөл болон бусад арван орны туршлагаар хяналтын зорилго, зарчим, субъект, төлөвлөлт, үр дүн, хариуцлагын зохицуулалтыг судалсан.

Гадаадын арван улсын парламентын хуралдааны дэгийг хуулийн төсөл хэлэлцэх, Үндсэн хуульд нэмэлт, өөрчлөлт оруулах, онц байдлын үед болон цахимаар хуралдах гэсэн дөрвөн асуудлаар судалсан. Мөн Монголын парламентын хуралдааны дэгийн зохицуулалтын өөрчлөлт, дэгийг тогтоох эрх зүйн хэлбэр, парламентын бие даасан, хараат бус байдлын асуудлыг авч үзсэн.

Шүүхийн тухай хуулийн шинэчилсэн найруулгын төсөлтэй холбогдуулан гадаадын орнуудын Дээд шүүхийн онцлог, шүүгчдийн тоо, хэрэг хянан шийдвэрлэх ажиллагаанд оролцох хүрээг судалсан. Ром-германы болон англо-саксоны тогтолцооны ялгаа, тойргийн болон дагнасан шүүх байгуулах үндэслэл, шүүгчийн мэргэжлийн ур чадвар, сахилгын хариуцлагыг зааглах зохицуулалтыг авч үзсэн.