Монгол Улсын Их Хурлын 2020 оны 21 дүгээр тогтоолоор баталсан Зээлийн хүүг бууруулах стратегийн хэрэгжилтийн тайланд дүн шинжилгээ хийсэн. Зээлийн эх үүсвэрийн зардлыг бууруулах макро эдийн засгийн тогтвортой орчин бүрдүүлэх, зээлийн эрсдэлийн зардлыг бууруулах, банкны үйл ажиллагааны зардлыг бууруулах, хөрөнгийн зах зээлийг хөгжүүлж өрсөлдөөнийг нэмэгдүүлэх дөрвөн чиглэлийн 19 арга хэмжээ, 47 дэд арга хэмжээний хэрэгжилтийг судалсан. Монголбанк, Санхүүгийн зохицуулах хороо болон холбогдох байгууллагуудаас ирүүлсэн тайлан, статистик мэдээлэлд үндэслэн хэрэгжилтийн түвшнийг үнэлж, санал, зөвлөмж боловсруулсан

Монгол Улсын мах, махан бүтээгдэхүүний экспортыг зохицуулж буй хууль тогтоомж, зөвшөөрөл, хяналт шалгалтын тогтолцоо, хэрэгжилтийн хүндрэл, давхардал, зөрчлийг судалсан. Мах боловсруулах үйлдвэр байгуулах, зөвшөөрөл авах, экспортын квот, мал эмнэлгийн болон гарал үүслийн гэрчилгээ, лабораторийн шинжилгээ, гаалийн бүрдүүлэлт, тээвэрлэлтийн үйл явцыг шинжилсэн. Мах экспортлогч аж ахуйн нэгж, төрийн байгууллагын төлөөлөлтэй хийсэн ярилцлага болон 2024 оны экспортын статистик мэдээлэлд үндэслэн тулгамдсан асуудал, шийдвэрлэх саналыг боловсруулсан

ХБНГУ, Канад, Казахстан, БНСУ, Эстонийн орон сууцны ногоон санхүүжилтийн тогтолцоо, бодлогын зохицуулалтыг судалсан. Байгаль орчинд ээлтэй, эрчим хүчний хэмнэлттэй орон сууцны бүтээн байгуулалтыг дэмжих санхүүжилтийн байгууллага, хөнгөлөлттэй зээл, татаас, санхүүжилтийн эх үүсвэр, хамрагдагчид тавих шалгуур, ногоон барилгын стандарт, эрчим хүчний хэмнэлтийн шаардлагыг харьцуулсан

Вьетнам, ХБНГУ, Индонез, Казахстан, Сингапур, БНХАУ, Тайвань, БНСУ-ын бичил, жижиг, дунд үйлдвэрлэл, үйлчилгээний эрх зүйн зохицуулалт, ангилал, шалгуурыг харьцуулсан. Тус салбарыг хариуцдаг төрийн байгууллагуудын бүтэц, санхүүжилтийн эх үүсвэр, хөнгөлөлттэй зээл, батлан даалт, тэтгэлэг, татварын хөнгөлөлт зэрэг санхүүгийн болон сургалт, зөвлөгөө зэрэг санхүүгийн бус дэмжлэгийн туршлагыг судалсан

Монгол Улсын иргэдийн хувь хүний орлогын албан татварын талаарх ойлголт, татвар төлөх хандлага, татварын шударга байдал, төрийн үйлчилгээний санхүүжилтийн талаарх үнэлэмжийг судалсан. Улаанбаатар хотын дөрвөн дүүрэг, таван аймгийн 1,202 иргэнийг асуулгад, 70 иргэнийг фокус бүлгийн ярилцлагад хамруулж, татвар төлөх хандлагад нөлөөлөх хүчин зүйлс болон прогрессив татварыг хүлээн зөвшөөрөх байдлыг шинжилсэн

Монгол Улсын мэргэжлийн боловсрол, сургалтын байгууллагын тоо, суралцагчид, төгсөгчид, тэдгээрийн хөдөлмөр эрхлэлтийн байдал, сургалтын санхүүжилтийг шинжилсэн. 2009–2014 оны мэдээлэлд тулгуурлан төрийн болон төрийн бус өмчийн сургалтын байгууллагууд, төгсөгчдийн ажил эрхлэлт, ажиллах хүчний эрэлт, нийлүүлэлт, хөдөлмөрийн зах зээлийн чиг хандлагыг авч үзсэн

Монгол Улсын жижиг, дунд үйлдвэрлэлийн нөхцөл байдал, аж ахуйн нэгжийн тоо, борлуулалтын орлого, төрөөс олгосон хөнгөлөлттэй зээл, шинээр бий болсон ажлын байрны мэдээллийг нэгтгэсэн. Бизнесийн бүртгэл, татвар төлөлт, тоног төхөөрөмжийн гаалийн татварын чөлөөлөлт, татан буугдсан аж ахуйн нэгжийн статистикийг авч үзсэн

Компанийн сайн засаглалын зарчим, хүний нөөцийн бодлогын зорилго, байгууллагын стратегитай уялдах байдал, хүний нөөцийн төлөвлөлт, ажилтны хөгжил, гүйцэтгэлийн удирдлагыг шинжилсэн. Хүний нөөцийн бодлогыг боловсруулах үе шат, байгууллагын бодлогод эзлэх байр суурь, хүний нөөцийн менежментийн загваруудыг тайлбарласан

Монгол Улсын уул уурхайн салбарын татвар, төлбөрийн тогтолцоо, татварын ачаалал, төсвийн орлогод оруулж буй хувь нэмэр, 2014–2015 оны олон улсын татварын өөрчлөлтийг шинжилсэн. Австрали, Канад, Ботсвана, Мозамбик, Өмнөд Африк, Танзани, БНХАУ, Индонез, Чилийн уул уурхайн татварын хувь хэмжээ, роялти, татварын зохицуулалтыг харьцуулсан

Монгол Улсын макро эдийн засгийн үндсэн асуудал болох эдийн засгийн өсөлт, ажил эрхлэлт, инфляц, улсын төсвийн алдагдал, мөнгө, зээлийн нөхцөл болон эдгээрт төрөөс хэрэгжүүлэх зохицуулалтыг шинжилсэн. Эдийн засгийн 2014 оны нөхцөл байдал, ДНБ, төсөв, валютын ханш, төлбөрийн тэнцэл зэрэг үзүүлэлт, холбогдох хууль тогтоомжийг авч үзсэн

Монгол Улс, БНХАУ хооронд цөөн нэр төрлийн бараагаар чөлөөт худалдааны хэлэлцээр байгуулах боломж, эдийн засгийн үр нөлөө, тарифын болон тарифын бус зохицуулалтыг шинжилсэн. Нүүрс, синтетик хий, төмөр, ган, хонины махны үйлдвэрлэл, экспорт, БНХАУ-ын зах зээлийн нөхцөлийг судалж, БНХАУ-ын АСЕАН, Чили, Пакистан, Шинэ Зеланд зэрэгтэй байгуулсан хэлэлцээрийн туршлагыг авч үзсэн

Монгол Улсын 2011 онд шинэчлэн баталсан Гадаад бодлогын үзэл баримтлалын хэрэгжилтийг тоймлон шинжилсэн. Улс төр, эдийн засаг, шинжлэх ухаан, технологи, соёл, хүмүүнлэгийн гадаад харилцаа, гадаадад байгаа иргэдийн эрх ашгийг хамгаалах, олон улсын байгууллагуудтай хамтран ажиллах чиглэлээр судалгааны үеийн хэрэгжилтийн мэдээллийг нэгтгэсэн

Монгол Улсын 2013 оны хээлтэгч эх малын тоог аймаг, сум, малын төрлөөр ангилан нэгтгэсэн. Үнээ, сарлаг, хайнаг, эм хонь, эм ямааны сүүний гарц, саалийн хугацаа, тослогийн хэмжээ, сүү, сүүн бүтээгдэхүүний импорт, цагаан идээний дотоодын хэрэгцээний мэдээллийг шинжилсэн

Монгол Улс болон БНХАУ-ын 2015–2025 оны эрчим хүчний хэрэглээний төсөөлөл, Монгол Улсын импортын цахилгааны хэрэгцээ, худалдан авах зардлыг шинжилсэн. Монгол Улсын нар, салхи, усны эрчим хүчний нөөц, БНХАУ-д цахилгаан эрчим хүч экспортлох боломжийг авч үзсэн

Монгол Улс, БНХАУ-ын төмөр замын царигийн ялгаанаас үүдэн ашигт малтмалын экспортын бүтээгдэхүүнийг хилийн боомтод шилжүүлэн ачихад гарах зардлыг шинжилсэн. Нүүрс, төмрийн хүдэр, зэсийн баяжмалын экспортын таамаг хэмжээнд үндэслэн 2015–2025 оны шилжүүлэн ачилтын зардлын тойм тооцоог авч үзсэн

Хөдөлмөрийн бүтээмжийн онол, тооцох аргачлал, бүтээмж болон цалин хөлсний хамаарлыг шинжилсэн. Монгол Улсын 1995–2013 оны ДНБ, ажиллах хүч, салбарын үйлдвэрлэл, цалин хөлс, хөдөлмөрийн хөлсний доод хэмжээ, инфляцын мэдээлэлд үндэслэн бүтээмжид нөлөөлөх хүчин зүйлсийг улсын болон салбарын түвшинд судалсан