Манай орны өмнөд говийн бүсийн салхины нөөцийн зураглал хийж, их чадлын салхины станцууд байгуулах боломжтой газруудыг тодорхойлно. Салхин цахилгаан станц барих газрын салхины нөөцийн үнэлгээ хийх стандартыг боловсруулж батлуулна. Төслийн техникийн болон хөрөнгө оруулалт, санхүүжилтийн анхан шатны үнэлгээ хийх, техник эдийн засгийн үндэслэл бий болгох зөвлөмжийг боловсруулах юм.

-Монголын говийн бүс нутгаар уур амьсгалын болон хүлэмжийн хийн олон жилийн өөрчлөлт, хандлага, газар бүрхэвчийн өөрчлөлт, агаар мандлын аэрозоль нарны цацрагийн цацруулалтанд үзүүлэх нөлөөллийг судлах; -Шороон шуурганы тархалт, шороон шуурганы загварын үр дүнгээр агаар мандалд дэгдэж буй тоосны хэмжээ, уналтыг тооцоолох; - Шороо, тоосны тархалтын загвараар тоосны дэгдэлтийг тооцоолж, байран хиймэл дагуулын мэдээтэй давхцуулах шинэ технологи боловсруулах; - Агаар мандал дахь хүлэмжийн хий болон шороо, тоосны зөөгдлийг хиймэл дагуул болон газрын хэмжилтийн мэдээгээр хянах ажлын хөтөлбөр гаргах; -Цаг агаарын аюултай үзэгдлийн тохиолдсон үед цаг уурын ажиглалтын мэдээ, цаг агаарын бодит болон прогноз зураг, хиймэл дагуулын зураг болон шар шорооны мониторингийн мэдээг нэгтгэн мэдээллийн сан үүсгэх"

Монгол оронд тархсан Кайнозойн базальтын геохими ба нодулийн судалгаагаар эх газарт үүссэн базальтын голомтод манти ба царцдасын харилцан урвалын үйлчлэл байсан эсэхийг тогтоох

Төслийн үндсэн зорилго нь байгалийн нөхөн сэргээгдэх түүхий эд (ургамал, мөөгнөөс)-ээс хавдрын эсрэг өндөр идэвхтэй шинэ бэлдмэлийг эрж хайх, гарган авах явдал юм. Түүнчлэн полисахаридын бүтэц ба биологийн идэвхийн хоорондын уялдаа холбоог тайлбарлахад чиглэгдэнэ.

Эрчим хүчний үр ашгийг дээшлүүлэх, экологийн үзүүлэлтийг сайжруулах зорилгоор эргэх буцлах давхаргад Монголын нүүрсийг шатаах технологийн шинэчлэл ба судалгаа” сэдэвт гадаад улстай хамтарсан судалгааны ажил нь Шивээ-Овоогийн нүүрсний судалгааны ажлуудад тулгуурлан Монгол улсын эрчим хүчний системийн үр ашгийг дээшлүүлэх, уг ордын нүүрсийг шатаах үеийн экологийн үзүүлэлтийг сайжруулж түүнийг шатаах шинэ технологийг судлах тэдгээрийн үйлдвэрлэлд нэвтрүүлэх боломжийг тодорхойлоход судалгааны ажлын зорилго оршино.

Төсөл нь Хүрэлтогоот дахь одон орны оргил дээр явуулж байгаа астрономийн оптик ажиглалт, судалгааны ажлыг үргэлжлүүлэн явуулах, дурангийн идэвхтэй үйл ажиллагааг дэмжих, ажиглалт боловсруулалтыг нарийвчлан сайжруулах зорилготой. Энд бага гариг, сүүлт од, сансрын хог хаягдал, хиймэл дагуулын ажиглалт, суурь болон хавсарга судалгаа, мөн түр зуурын астрофизикийн объект болох сансрын гамма тэсрэлтийн оптик муж дахь судалгаа багтана. Мөн хэт шинэ одны тэсрэлт, тэдгээрийн дагалдах үзэгдэл болох рентген хос одны систем дэх тэсрэлтийн (жишээлбэл: V404 Cygni) ажиглалт судалгааг хийх юм. Одон орны орны оргил дахь ажиглалтын тоног төхөөрөмжийг засварлах, сайжруулах ажлуудыг хийнэ. Мөн судлаачдыг ажиглалт, боловсруулалтын арга техникт суралцах, шинэ программ хангамж эзэмшихэд сургах, ажиглалтыг өөрсдөө төлөвлөж хийхэд туслах зэрэг зорилтууд тавьсан.

Ажлын зорилго • Зааглалт нь шилжигч олонлог байх тохиолдолд квази вариацийн тэнцэтгэл бишийн хувьд динамик системтэй холбогдох алгоритм боловсруулж, нийлэлтийг нь батлан,тоон туршилтаар баталгаажуулах. • Шугаман хамтын зааглалттай ерөнхийлсэн Нэшийн тэнцвэрийн бодлогын хувьд уг алгоритмыг туршиж, холимог ерөнхийлсэн Нэшийн тэнцвэрийн бодлогын хувьд гарган авсан зааг функцийн чанаруудыг судлах замаар тохирох алгоритмыг санал болгох. • Хөрөнгийн даатгалын хувьд гарган авсан олон үет загварыг ерөнхийлсэн Нэшийн тэнцвэрийн загварт шилжүүлэх үндэслэлийг гаргаж, тоон туршилтаар баталгаажуулан, практикт хэрэглэх зөвлөмжийг боловсруулна. • Хувьцааны ханшийг таамаглах VAR загварыг санал болгож, түүний багцын сонголт болон тоглоомын онолтой хэрхэн холбогдох судалгааг хийнэ.

Монгол орны ураны орд газруудын хөрс, ургамал, усанд олборлолт явуулахаас өмнөх судалгаа хийх , Био-геохимийн шинжилгээний үр дүнг нэгтгэн нэгдсэн сан үүсгэх

Монгол орны шавьж, бусад үет хөлтнүүдийн ангилал зүй, олон янз байдал, экологи, бүлгэмдлийн бүтэц, тархалт, байгалийн экосистемд гүйцэтгэх үүргийг тодорхойлох, шинэ төрөл зүйлүүдийг нээн илрүүлэх, ховор ба өвөрмөц зүйлүүдийг хамгаалах зэрэг асуудлыг судлах зорилготой. Энэ зорилгоо биелүүлэхийн тулд дараах зорилтуудыг дэвшүүлэв. 1. Монгол орны шавьж, үет хөлтний биологийн олон янз байдлын судалгаа хийж, шинэ төрөл зүйлийг илрүүлэх. 2. Тодорхой бүс нутагт тархсан шавьжийн бүрэлдэхүүн, тархалтын байршилт, бүрэлдэхүүний ба элбэгшлийн анализ хийх. 3. Шавьжийн бүлгэмдлийн бүтэц, үйл ажиллагаа, зарим зүйлүүдийн экологи, экосистемд гүйцэтгэх үүргийг тодорхойлох. 4. Шавьж, үет хөлтний зарим бүлэг, төрөл зүйлүүдийн онтогенез ба филогенезийн асуудлаар харьцуулсан судалгаа хийх. 5. Шавьжийн ховор зүйлүүдийн элбэгшлийн төлөв байдал, ховордлын зэргийг үнэлж, хамгаалах асуудлыг тодорхойлох.

Энэхүү төслийн хүрээнд хүрэл, төмрийн түрүү үе, эртний ба дундад эртний нүүдэлчдийн булш малтан судлах ба палеоантропологийн хэрэглэгдэхүүнээр Монголын эртний нүүдэлчдийн угсаа гарвалийн залгамж холбоо болон тэдгээрийн малын удмын холбоог молекул биологийн аргаар тогтооход чиглэнэ. Монголын эртний нүүдэлчдийн угсаа гарвалийн залгамж холбоо, хүн ам тасралтгүй оршин сууж байсан эсвэл хүн ам өөрчлөгдсөнийг археологи, молекул-генетикийн түвшинд тогтооход чиглэнэ.Ном сударт бичигдсэн түүхийн асуудал болон түүхийн будилаантай асуудлыг шийдвэрлэх загварыг бий болгох зорилготой.

Монгол орны хөрсний органик нүүрстөрөгчийн нийт хэмжээ, органикийн задралын эрчим, нүүрстөрөгчийн ялгарал, өөрчлөлт, нөлөөлж буй хүчин зүйлсийг тодорхойлох, хөрсний органик нүүрстөрөгчийн алдралыг багасгахад чиглэсэн бодлого, шинжлэх ухааны үндэслэл боловсруулах зорилготой.

Усан орчны экологийн мониторинг нь усан орчин, түүний бүрэлдэхүүн хэсгүүдийн нөхцөл байдалд системтэй, давтан хэмжилт хийх, ижил аргаар ижил газарт (цэгт) цаг хугацааны явцад урт хугацааны харьцуулалт хийх шинжлэх ухааны чухал үйл ажиллагаа бөгөөд усны нөөц, усан орчныг хамгаалах, зүй зохистой ашиглахад авч хэрэгжүүлэх арга хэмжээний үндэс болно. Энэхүү сэдэвт ажлын зорилго нь хүний үйл ажиллагааны нөлөөлөлд өндөр эрсдэлтэй голын экологийн мониторинг судалгааг хийх, бохирдлын түвшинг тогтоож, бохирдлыг сааруулах, нөхөн сэргээх арга хэмжээний үндэслэл боловсруулахад оршино.

Хатанбулгийн ба Өмнөд говийн эртний массивуудын суурь, палеозойн хучаас болон интрүзив бүрдлүүдийн геологийн тогтоц, стрүктүрийн хэв шинж, бодисын найрлага, насны асуудлыг нарийвчлан тогтоох замаар тэдгээрийн үүслийн цаг хугацаа ба нөхцлийг тодруулан массивуудын гарал үүсэл, геодинамик хөгжлийн загварыг боловсруулах, геологийн бүрдлүүдтэй холбоотой хүдэржилтийн төрөл, зүйтогтлыг илрүүлэх

Энэхүү судалгааны ажлаар метанжуулах процессын өндөр идэвхтэй катализаторыг лабораторийн нөхцөлд гарган авах, нүүрсний хийнээс байгалийн хийн түлшийг нийлэгжүүлэх хагас үйлдвэрийн метанжуулах процессын төхөөрөмжийг зохион бүтээх, улмаар нүүрсний пиролизын хий дэх метан хийн агуулгыг нэмэгдүүлэх замаар өндөр илчлэгтэй хийн түлшийг гарган авах технологийг бий болгох зорилготой юм. Үүний тулд судалгааны ажилдаа дараах зорилтуудыг тавин ажилласан. Үүнд: Метанжуулах процессын никель катализаторыг тунадасжуулах, шигтгэх, шигтгэн тунадасжуулах аргаар бэлтгэж, өндөр идэвхтэй катализатор бэлтгэх тохиромжтой аргыг сонгох Метанжуулах процессын никель катализаторыг никелийн нитрат, сульфат, хлоридын давсны уусмалаас бэлтгэж, анионы хэсгийн нөлөөг судлах Метанжуулах процессын никель катализаторын Al2O3, TiO2, SiO2 зөөгч биетийн нөлөөг судлах Метанжуулах процессын никель катализаторт нэмэлт металлын нөлөөг судлах Метанжуулах процессын хагас үйлдвэрлэлийн төхөөрөмжийг зохион бүтээх, угсрах, үйл ажиллагаанд оруулах Пиролизын хийн метанжуулах хагас үйлдвэрлэлийн хэмжээний туршилтуудыг явуулах Байгалийн хийн түлш, шатахууныг хэрэглэснээр гарах эдийн засаг болон хүрээлэн буй орчинд бий болох давуу талуудыг тодорхойлох, байгалийн хийн хэрэглээний тохиромжтой шийдлүүдийг тодорхойлох

Ургамлын эдийн засгийн стратеги буюу ургамлын үйл ажиллагааны шинж чанар нь хээрийн экосистемийн чиг үүрэгт ургамлын төрөл зүйлийн нөлөөллийг тодорхойлогч гол хүчин зүйл болдог. Тиймээс, энэхүү судалгааны ажлын гол зорилго нь ургамлын үйл ажиллагааны шинж чанар, ургамал бүлгэмдлийн бүтэц, хээрийн экосистемийн олон талт байдал хоорондын холбоо, тэдгээрт ургамал бүлгэмдэл болон бэлчээрлэлт хэрхэн нөлөөлдөг мөн ургамлын навчны задралын процессыг илрүүлэх

Монгол орны нөхцөлд эх орны байгалийн баялаг, ашигт малтмал, түүхий эдийг ашиглан тийрэлтэт сумны хатуу түлш үйлдвэрлэх технологыг боловсруулахад оршино.