Төв банкны эрх зүйн байдал, харьяалал, бүтэц, мөнгөний бодлого хэрэгжүүлэх чиг үүрэг, Засгийн газраас хараат бус байдлыг шинжилсэн. ОХУ, БНХАУ, АНУ, Их Британи, Канад, Япон, Норвеги, Болгар, Польш, Туркийн Төв банкны тогтолцоо, эрх мэдэл, үйл ажиллагааг харьцуулсан

Орон сууцны моргейж зээлийн хүү, хугацаа, урьдчилгаа төлбөр, зээлийн нөхцөл, санхүүжилтийн эх үүсвэр, төрийн дэмжлэгийн хэлбэрийг шинжилсэн. АНУ, Австрали, Австри, Франц, Их Британи, Канад, ХБНГУ, Япон, Сингапур, БНХАУ зэрэг нийт 21 улсын туршлагыг харьцуулсан

Монгол Улсын төсвийн төвлөрөл, төвлөрлийг сааруулах бодлого, төсвийн эрх мэдлийн хуваарилалт, орон нутгийн төсвийн бие даасан байдлыг шинжилсэн. 1992–2012 оны төсвийн хууль тогтоомжийн өөрчлөлт, төсвийн орлого, зарлагын төвлөрлийн үзүүлэлт, эрх зүйн зохицуулалтын үр нөлөөг харьцуулсан

Эдийн засгийн өсөлт, хүн амын орлого, ядуурлын түвшин, орлогын хуваарилалтын хамаарлыг шинжилсэн. Монгол Улс, Бангладеш, Балба, Филиппин, Вьетнам, Бразил, Чили, Казахстан, ОХУ, Польш, Эстони зэрэг нийт 20 улсыг орлогын дөрвөн бүлэгт ангилан харьцуулсан

Төсвийн үйл явц дахь парламентын оролцоо, төсөв хэлэлцэх, батлах, гүйцэтгэлд хяналт тавих асуудлыг судалсан. Төсвийн хараат бус байгууллагын хэлбэр, үндсэн чиг үүрэг, үйл ажиллагаа болон ажлын албаны зохион байгуулалтыг олон улсын туршлагад тулгуурлан харьцуулсан. СТ-224.pdf

Гарааны бизнесийг хөгжүүлэх олон улсын чиг хандлага болон Итали, АНУ, Израил, Узбекистаны эрх зүйн орчин, төрийн дэмжлэгийг судалсан. Гарааны бизнес байгуулах, инновац нэвтрүүлэхэд тулгардаг саад, зардлыг бууруулах болон бизнесийн хөгжлийг дэмжих зохицуулалтыг харьцуулсан

Монгол Улсын эдийн засгийн өсөлт, санхүүгийн зах зээл, хөрөнгийн зах зээлийн хөгжлийн харилцан хамаарал, хөрөнгө оруулалтын эдийн засагт үзүүлэх нөлөөллийг шинжилсэн. Гадаад, дотоодын эдийн засагчдын онол, эмпирик судалгаанд тулгуурлан хөрөнгийн зах зээлийн эдийн засаг дахь үүргийг тайлбарлаж, АНУ, Их Британийн санхүүгийн зах зээл, компанийн засаглалын хөгжлийн жишээг авч үзсэн. Монгол Улсын эдийн засгийн өсөлтөд санхүүгийн зуучлал, хөрөнгийн зах зээлийн үзүүлэх нөлөөллийг регрессийн шинжилгээгээр үнэлсэн

Органик хүнсний үйлдвэрлэл, хөдөө аж ахуйн олон улсын стандарт, органик бүтээгдэхүүний зах зээл, эрх зүйн зохицуулалтын онцлогийг шинжилсэн. АНУ-ын Үндэсний органик хөтөлбөр, органик бүтээгдэхүүний баталгаажуулалтын тогтолцоо, Бразил, Мексик, Энэтхэгийн органик үйлдвэрлэлийн жишээ, Олон улсын органик хөдөө аж ахуйн хөдөлгөөний холбооны зарчмуудыг авч үзсэн

Монгол Улсын нийгэм, эдийн засгийн шилжилтийн үеийн төрийн бодлого, стратегийн зорилтуудын уялдаа холбоо, хэрэгжилтийн үр дүн, иргэдийн оролцооны асуудлыг шинжилсэн. Төрийн эдийн засаг дахь үүрэг, оролцооны онолын чиг хандлага, АНУ, Их Британийн бодлогын онолын жишээ, Монгол Улсын эдийн засгийн үндсэн үзүүлэлт, бодлогын хэрэгжилтийн хамаарлыг авч үзсэн

Монгол Улсын үнэт цаасны төлбөр тооцоо, төвлөрсөн хадгаламж, бүртгэл, кастодиан үйлчилгээний тогтолцоо, эрх зүйн зохицуулалт, тулгамдсан асуудлыг шинжилсэн. АНУ, ОХУ-ын үнэт цаасны хадгаламж, клиринг, төлбөр тооцооны байгууллагын үйл ажиллагаа, олон улсын стандартыг харьцуулж, хөрөнгийн зах зээлийн дэд бүтцийг боловсронгуй болгох санал боловсруулсан

Мөнгөний бодлогын үндсэн хэлбэр, арга хэрэгсэл, инфляцийг онилох, валютын ханшид болон мөнгөний агрегатад чиглэсэн бодлого, зорилтоо албан ёсоор зарладаггүй стратегийн давуу, сул талыг шинжилсэн. АНУ, Шинэ Зеланд, Канад, Их Британи, Швейцарь, Австрали, Чех, Польш, Бразил зэрэг улсын мөнгөний бодлогын туршлагыг жишээлэн авч үзэж, Монгол Улсын эдийн засгийн нөхцөлд тохирох бодлогын хэлбэрийг сонгох асуудлыг тайлбарласан

Гадаадын шууд хөрөнгө оруулалтын өнөөгийн байдал, эдийн засгийн өсөлттэй харилцах хамаарал болон хөрөнгө оруулалт шингээх чадварыг судалсан. Хөрөнгө оруулалт буурах шалтгаан, эрх зүйн орчин, олон улсын индекс, дэлхийн чиг хандлага болон Сингапурын бодлогын туршлагыг авч үзсэн.

Тавантолгойн нүүрсний ордыг ашиглах талаар төрөөс баримталсан бодлого, Улсын Их Хурлын 39 дүгээр тогтоолын хэрэгжилт, хөрөнгө оруулалтын гэрээ, тендер сонгон шалгаруулалт, ордын эдийн засгийн үр өгөөжийг шинжилсэн. АНУ, БНХАУ, ОХУ, Япон, БНСУ зэрэг улсын хөрөнгө оруулагч компаниудын оролцоо, санал болгосон хувилбаруудыг авч үзэж, орд ашиглалтын талаарх олон нийтийн санал, шүүмжлэлд дүн шинжилгээ хийсэн

Монгол Улсын эдийн засгийг тэлэх төлөвлөгөө, томоохон төслүүдэд хөрш болон гуравдагч хөрш орнуудын геополитикийн бодлого хэрхэн нөлөөлөхийг судалсан. Их гүрнүүдийн гадаад, эрчим хүчний бодлого, бүс нутгийн хамтын ажиллагаа болон Монголын хөгжлийн төслүүдийн уялдааг үнэлсэн

Монгол Улсын үнэт цаасны төлбөр тооцоо, төвлөрсөн хадгаламж, бүртгэлийн байгууллагын бүтэц, чиг үүрэг, эрх зүйн зохицуулалт, тулгамдсан асуудлыг шинжилсэн. АНУ, ХБНГУ, Их Британи, ОХУ, Казахстан, Япон, БНСУ-ын үнэт цаасны хадгаламж, төлбөр тооцооны тогтолцоог харьцуулж, IOSCO болон G30-ын олон улсын зөвлөмжид нийцүүлэн зах зээлийн дэд бүтэц, зохицуулалтыг боловсронгуй болгох санал боловсруулсан

Монгол Улсын 2012 оны мөнгөний бодлогын үндсэн чиглэлийн төсөл, инфляцийг онилох бодлогын хэрэгжилт, бодлогын хүү, валютын ханш, эдийн засгийн өсөлтөд үзүүлэх нөлөөллийг шинжилсэн. Чили, Бразил, Австрали, Канад, Чех, БНСУ болон бусад улсын инфляцийн зорилтыг тогтоох, мөнгөний бодлогыг хэрэгжүүлэх туршлагыг харьцуулж, төсөв, мөнгөний бодлогын уялдааг сайжруулах асуудлыг тодорхойлсон